Ијан Станард

Од Википедија — слободната енциклопедија
Прејди на прегледникот Прејди на пребарувањето
Ијан Станард
Станард на Трката околу Британија 2016
Лични податоци
Цело име Ијан Станард
Прекар Јоги[1]
Роден 25 мај 1987 (1987-05-25) (воз. 31 г.)
Челмсдорф, Англија,  Обединето Кралство
Висина 1,89 м
Маса 83 кг
Податоци за клубот
Мом. клуб Тим Скај
Дисциплина Велодромски и друмски велосипедизам
Улога Возач
Вид на возач Специјалист за класици
Аматерски клубови
2007 Т-Мобајл Тим (стажант)
Професионални клубови
2008
2009
2010–
Ландбувкредит-Тенисштајнер
ИСД
Тим Скај
Значајни победи
Еднодневни трки и класици
Омлоп хет Ниусблад (2014, 2015)
MaillotReinoUnido.PNG Национален друмски првак (2012)
Последна промена
9 март 2018

Ијан Станард (англиски: Ian Stannard; р. 25 мај 1987) — британски велодромски и друмски велосипедист, кој вози за UCI World Tour екипата Тим Скај.[2]

Кариера[уреди | уреди извор]

Рана кариера[уреди | уреди извор]

Станард на Париз-Тур 2011

Роден во Челмсфорд, Станард првично се насочил кон друмскиот и велодромскиот велосипедиза, освојувајќи златен медал на хронометарот на Комонвелтските младински игри и злато на екипната потера на Европските велодромски првенства под 23 години, заедно со идниот колега во Скај Герајнт Томас. Станард го имал своето професионално деби во друмскиот велосипедизам во август 2007 придружувајќи му се на Т-Мобајл Тим како стажант. Во 2008 возел за Ландбувкредит-Тенисштајнер и бил трет во генералниот пласман на Трката околу Британија возејќи во екипата на Велика Британија. Во 2009 се приклучил во новата екипа ИСД[3] и бил избран да вози на Џиро д’Италија на возраст од 21 година. Станард завршил на 160. место на крајот.[4]

Тим Скај (2010-денес)[уреди | уреди извор]

2010[уреди | уреди извор]

Станард се приклучил во новата британска екипа Тим Скај на почетокот на сезоната 2010 и оттогаш бил повеќе насочлен кон класиците и еднодневните трки. Го освоил третото место во смрзнувачки услови на Курне-Брисел-Курне.[5]

2011[уреди | уреди извор]

Скоро и да победел на Гент-Вевелгем 2011, откако побегнал на последното искачување со Петер Саган, Мачеј Боднар (обајцата од Ликвигас-Канондејл) и Силвен Шаванел (Квик Степ) на 34 километри пред целта. Квартетот се одвоил од главната група, а подоцна Станард нападнал и го поминал искачувањето сам. Сепак, на 500 метри пред целта бил поминат од главната група која го достигнала и Том Бонен спринтал за победа.[6] Првата професионална победа ја остварил на Трката околу Австрија 2011, каде победил на етапата 5, кога бил подобар во групата на пет бегалци во спринтот.[7]

Станард на Тур Даун Андер 2013

Станард бил дел од екипата на Велика Британија, која му помогнала на Марк Кевендиш да стигне до победа на друмската трка на Светските друмски првенства UCI 2011, особено во последните метри од трката кога го одржал Кевендиш на чело на групата. Станард е добро познат како еден од најсилните помошници во групата, извозувајќи вкупно 14.713 километри и поминал 93 дена во тркање во 2011 година.

2012[уреди | уреди извор]

Во 2012 година, Станард бил победник на националното друмско првенство.

Во 2012 година, Станард победил на Лондон Ноктур. Исто така, станал национален друмски првак, победувајќи пред колегата од Скај Алекс Даусет. Станард бил избран да вози во олимпискиот друмски состав за 2012, заедно со Дејвид Милар, Крис Фрум, Бредли Вигинс и Марк Кевендиш.[8] Екипата имала цел да го предводи Кевендиш во спринтерска победа на трката. И покрај најдобрите напори на Станард, екипата на Велика Британија не можела да ја достигне големата група на бегалци во Лондон и златниот медал му припаднал на Александар Винокуров. Станард повторно ја претставувал Британија на Светските друмски првенства UCI 2012 и бил активен во бегството со Ендру Талански во претпоследниот круг, но на крајот завршиле со главната група.

2013[уреди | уреди извор]

Станард го носел дресот како британски првак, возејќи на Е3 Харелбеке 2013

Станард имал импресивен резултат во смрзнувачките услови на Милано-Сан Ремо 2013, првично возејќи на чело на трката како поддршка на Герајнт Томас, но потоа нападнал со Силвен Шаванел, откако Томас паднал на искачувањето Поџо, но биле достигнати на спустот од група на пет возачи. Станард го направил последниот потег во последните два километар, но бил достигнат од Петер Саган и завршил како шести во спринтот. Станард бил избран да вози на Тур де Франс по прв пат во 2013 година.

2014[уреди | уреди извор]

Во 2014 година, Станард победил на трката Омлоп хет Ниувсблад — еден од фландриските класици — откако го претекнал другиот член на бегството Грег ван Авермет.[9] Со тоа, Станард станал првиот британски возач кој ја освоил трката.[10] На Гент-Вевелгем, Станард имал тежок пад во канал покрај патот и бил однесен во болница.[11] Му било пронајдено напукнување на ’рбетниот столб, ставајќи го надвор од тркање во остатокот на сезоната на класиците.[12]

Станард се вратил на трките за настап за Англија на друмската трка на Комонвелтските игри 2014. Сè уште неспремниот Станард се повлекол рано од трката, која се одржала во лизгави врнежливи услови — само 12 возачи завршиле од 140 возачи — и која на крајот била освоена од колегата Герајнт Томас. Станард се обидел уште еднаш да се врати, возејќи за Тим Скај на класикот РајдЛондон-Сари 2014. Станард помогнал неговиот колега Бен Свифт да доспее во групата на победоносните бегалци.[13] Станард бил избран да вози на Трката околу Британија, но го скршил својот зглоб при пад на првата етапа, со што со повреда ја завршил сезоната.[14]

2015[уреди | уреди извор]

Станард на подиум на Омлоп Хет Ниувсблад 2015, каде ги поразил колегите од Етикс-Квик Степ, Ники Терпстра (лево) и Том Бонен (десно)

Станард се опоравил од повредите за почетокот на сезоната 2015, повторно завршувајќи четврти на Трката околу Катар. На 28 февруари, Станард го освоил Омлоп Хет Ниувсблад, одбранувајќи ја титулата од 2014 година. Го поразил Ники Терпстра во спринтот, откако ги поминал завршните 40 километри во група од четворица со колегите на Терпстра (Етикс-Квик Степ) Том Бонен и Стејн Ванденберг и одолевајќи на нападите од Бонен и Терпстра во завршните моменти на трката.[15]

2016[уреди | уреди извор]

Станард (скроз десно) во водечката група на Париз-Рубе 2016

Во интервју во јануари 2016 година, Станард потврди дека нема да настапи на Омлоп Хет Ниувсблад или Курне-Брисел-Курне во 2016 година, настапувајќи на овие две трки во белгиската класична сезона секоја година од 2010 година и пропуштајќи ја шансата да победи на Омлоп трета година по ред, со цел да се насочи на фламанските класици. Објавил дека неговите подготовки за пролетните класици ќе ги вклучува првите настапи на Волта ао Алгарве и на Париз-Ница.[16] Станард завршил трет на Е3 Харелбеке, водејќи мала група низ целта зад победоносниот двоец Михал Квјатковски и Петер Саган, кои се одвоиле од групата претходно.[17] Исто така завршил на подиум на Париз-Рубе, каде завршил трет во спринтот од петмина, кои возеле заедно по нападот на Станард на секторот со калдрма Кампфен ан Певел. Во 2016 година, Станард бил дел од победничката екипа на Тур де Франс, како главен помошник за Скај на рамните етапи.

Достигнувања[уреди | уреди извор]

2006
1. Европски велодромски првенства под 23 години - Екипна потера
Национални велодромски првенства
2. Екипна потера
3. Скреч 20 км
2007
1. Клејтон Вело Спринг Класик
1. Еди Сунс
1. Милано-Брусето
4. Краен пласман Трка околу Тирингија под 23 години
2008
3. Краен пласман Трка околу Британија
2009
1. Етапа 1b (ТТТ) Сетимана интернационале ди Копи е Бартали
2010
3. Курне-Брисел-Курне
3. Национални друмски првенства
2011
1. Етапа 5 Трка околу Австрија
4. Париз-Тур
2012
1. MaillotReinoUnido.PNG Национални друмски првенства
1. Лондон Ноктурн
2013
2. Национално друмско првенство
6. Милано-Сан Ремо
7. Краен пласман Трка околу Британија
8. Краен пласман Трка околу Баварија
9. Дварс дор Вландерен
2014
1. Омлоп хет Ниувсблад
4. Краен пласман Трка околу Катар
2015
1. Омлоп хет Ниувсблад
1. Етапа 1 (ТТТ) Тур де Романди
3. Национално друмско првенство
4. Краен пласман Трка околу Катар
2016
1. Етапа 3 Трка околу Британија
3. Е3 Харелбеке
3. Париз-Рубе
2017
1. Етапа 4 Хералд Сан Тур

Распоред на резултатите на големите трки[уреди | уреди извор]

Голема трка 2009 2010 2011 2012 2013 2014 2015 2016 2017
Jersey pink.svg Џиро 160 132
Jersey yellow.svg Тур 135 128 161
Jersey red.svg Вуелта СО 128 111 148

СО = се откажал; — = не учествувал

Наводи[уреди | уреди извор]

  1. Галагер, Брендан. „Britain's Ian Stannard runs out of steam when in sight of victory in Milan-San Remo classic“, „The Daily Telegraph“, Telegraph Media Group, 17 март 2013 (посет. 27 мај 2013 г).
  2. „Скај Просајклинг (SKY) - GBR“. Светска турнеја UCI. Меѓународен велосипедистички сојуз. http://www.uciworldtour.com/Modules/SUCI/TEAMS/TeamDetails.asp?id=NDA3MA&RefDate=14.01.2013&MenuId=MTY2Njk&LangId=1&BackLink=%2Ftemplates%2FUCI%2FUCI2%2Flayout%2Easp%3FMenuId%3DMTY2Njk%26LangId%3D1. посет. 14 јануари 2013 г. 
  3. Cycling Weekly
  4. Le classifiche La Gazzetta dello Sport. 25 јули 2011.
  5. Ијан Станард: П&О Daily Telegraph 24 јуни 2011. 25 јули 2011.
  6. Нил Роџерс. „Том Бонен победи на Гент-Вевелгем 2011“, „Velo News“, 2012 Competitor Group, Inc., 27 март 2011 (посет. 16 декември 2012 г).
  7. Станард спринташе за првата победа“, „SKY Sports“, 2012 BSkyB, 7 јули 2011 (посет. 16 декември 2012 г).
  8. „Милар избран во олимпискиот друмски состав на Велика Британија“. Cyclingnews.com. 4 јули 2012. http://www.cyclingnews.com/news/millar-selected-for-team-gb-olympic-road-race-team. 
  9. Декалуве, Брехт. „Станард победи на Омлоп хет Ниувсблад“, „Cyclingnews.com“, Future plc, 1 март 2014 (посет. 1 март 2014 г).
  10. Ијан Станард од Тим Скај станал првиот Британец кој победил на еднодневниот полукласик Омлоп хет Ниувсблад“, „The Daily Telegraph“, Telegraph Media Group, 1 март 2014 (посет. 2 март 2014 г).
  11. http://www.cyclingweekly.co.uk/news/latest-news/team-sky-suffers-ghent-wevelgem-119368
  12. http://www.bbc.co.uk/sport/0/cycling/26828646
  13. http://news.sky.com/story/1316436/blythe-wins-surrey-london-classic
  14. http://www1.skysports.com/cycling/news/15264/9460903/tour-of-britain-ian-stannard-quits-race-after-breaking-wrist-in-crash-on-stage-one
  15. http://www1.skysports.com/cycling/news/12040/9736836/ian-stannard-wins-omloop-het-nieuwsblad-for-second-year-in-a-row
  16. Худ, Ендру (19 јануари 2016). „Stannard shakes up classics program to prep for cobbles“. http://velonews.competitor.com/2016/01/news/stannard-shakes-up-classics-program-to-prep-for-cobbles_393182. посет. 28 март 2016 г. 
  17. „E3 Harelbeke: Team Sky's Michal Kwiatkowski wins, Ian Stannard third“. 25 март 2016. http://www.bbc.co.uk/sport/cycling/35901005. посет. 28 март 2016 г. 

Надворешни врски[уреди | уреди извор]

Спортски позиции
Претходник
Бредли Вигинс
Национално друмско првенство
2012
Наследник
Марк Кевендиш