Долани
| Долани | |
  Долани | |
| Координати 41°41′36″N 22°12′06″E / 41.69333° N; 22.20167° EКоординати: 41°41′36″N 22°12′06″E / 41.69333° N; 22.20167° E | |
| Општина | Штип |
| Население | 73 жит. (поп. 2002) |
| Шифра на КО | 30014 |
| Надм. вис. | 380 м |
|
Долани на општинската карта  | |
Долани — село во Општина Штип, во околината на градот Штип.
Географија и местоположба[уреди | уреди извор]
Селото Долани се наоѓа во средишниот дел на територијата на Општината Штип, на југ од градот Штип, на потегот меѓу левата страна на р.Брегалница и десната страна р.Крива Лакавица. Селото е ридско на надморска височина од околу 380 м. Од градот Штип е оддалечено околу 10 км. а од магистралниот пат Штип-Радовиш околу 2,5 км.
Географски претставува крстопат меѓу Штип, Лакавичките населби, Радовиш и Тиквешијата. Селото лежи во поречието на суводолиците на реките Ченгиица и Балевица. За негово егзистирање најважен фактор биле водените ресурси како што се Балевичките извори, Митрина чешма, Јербичова вода, Kараѓоска чешма, Чапк'нова чешма, бунарите на Ченгиица итн. Селото има поледелско-сточарска функција, бидејќи стопанисува со две стопански површини лаката на Крива Лакавица и ритчестата конфигурација на плавината и огранците на планината Плачковица.
Историја[уреди | уреди извор]
Долани се споменува како село кое најнапред од сите штипски села се побунило против туѓинскиот јарем. Научниците тврдат дела селото е многу старо. Во него се смениле многу генерации. Во Долани има училиште кое се вика "Браќа Даневи" но денес не работи и има 2 цркви Св.Илија и Св.Симеон. Како прв учител се споменува Арсо Прошев кој работел под покровителството на црквата Св.Симеон. Долани е посетувано од познати македонски војводи: Гоце Делчев, Мише Развигоров, Гене Војвода, Ефрем Чучков, Славејко Арсов и други поради што селото е наречено комитско. Во Долани е испечатен првиот извадок на "Народен Глас". При крајот на 1908 и следната 1909 г. турската власт во Долани населила босанско население наречено Бошнаци, а староседелците биле приморени да го напуштат селото. Од Долани потекнуват Ристо Стојков, Крсто Митев, Методи Данев и Станое Данев-Стариот кој прв го понел црвеното знаме во селото.
Стопанство[уреди | уреди извор]
Демографија[уреди | уреди извор]
Според статистиката на Васил К’нчов („Македонија, Етнографија и статистика“) од 1900 година, во Долани имало 270 жители, сите Македонци.[1]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Долани имало 336 Македонци, под врховенството на Бугарската егзархија.[2]
Познато е дека дека кон крајот на XIX и почетокот на XX век броело педестина куќи, а населението било македонско. Денес во Долани живеат околу педесетина луѓе. Според последниот попис на населението на Македонија од 2002 година, селото има 73 жители.
Следува табела на националната структура на населението[3]
| Националност | Вкупно |
| Македонци | 67 |
| Турци | 0 |
| Роми | 0 |
| Албанци | 0 |
| Власи | 6 |
| Срби | 0 |
| Бошњаци | 0 |
| останати | 0 |
На табелата е прикажан националниот состав на населението низ сите пописни години:[4]
| Година | Македонци | Албанци | Турци | Роми | Власи | Срби | Бошњаци | Ост. | Вкупно |
|---|---|---|---|---|---|---|---|---|---|
| 1948 | — | — | — | — | — | — | — | — | 336 |
| 1953 | 270 | — | — | — | 105 | 3 | ... | 1 | 379 |
| 1961 | 244 | — | 2 | ... | ... | 2 | ... | 153 | 401 |
| 1971 | 216 | — | 1 | — | ... | — | ... | 139 | 356 |
| 1981 | 161 | — | — | — | 42 | 1 | ... | — | 204 |
| 1991 | 99 | — | — | — | 22 | 1 | — | — | 122 |
| 1994 | 78 | — | — | — | 18 | 1 | — | 1 | 98 |
| 2002 | 67 | — | — | — | 6 | — | — | — | 73 |
Општествени установи[уреди | уреди извор]
Самоуправа и политика[уреди | уреди извор]
Изборно место[уреди | уреди извор]
Во селото постои изборното место бр. 2312 според Државната изборна комисија, сместени во просториите на основното училиште.[5]
На претседателските избори во 2019 година, на ова изборно место биле запишани вкупно 37 гласачи.[6]
Културни и природни знаменитости[уреди | уреди извор]
- Археолошки наоѓалишта[7]
- Дива Топола - населба од доцноантичкото време;
- Ерџелија - населба од доцноантичкото време;
- Јаребичова Вода - водовод од доцноантичкото време;
- Кале - Градиште - утврдена населба од доцноантичкото време;
- Кутлевец - населба од римското време;
- Рамниште - населба од римското време;
- Ќерамидница - населба од доцноантичкото време;
- Чука - населба и некропола од доцноантичкото време.
Редовни настани[уреди | уреди извор]
Личности[уреди | уреди извор]
Култура и спорт[уреди | уреди извор]
Иселеништво[уреди | уреди извор]
Наводи[уреди | уреди извор]
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 230. ISBN 954430424X.
- ↑ Brancoff, D.M. "La Macedoine et sa Population Chretienne". Paris, 1905, pp. 134 – 135.
- ↑ Попис на населението, домаќинствата и становите во Република Македонија, 2002 - Книга X
- ↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
- ↑ „Описи на ИМ“. Посетено на 29 декември 2019.
- ↑ „Претседателски избори 2019“. Посетено на 29 декември 2019.
- ↑ Коцо, Димче (1996). Археолошка карта на Република Македонија. II. Скопје: Македонска академија на науките и уметностите. стр. 433. ISBN 9989649286.
