Балталија
| Балталија | |
Воздушен поглед на Балталија | |
  Балталија Местоположба на Балталија во Македонија
Балталија на карта
| |
| Координати 41°39′6″N 22°14′11″E / 41.65167°N 22.23639°E | |
| Регион |  Источен
|
| Општина |  Штип
|
| Област | Лакавица |
| Население | 7 жит. (поп. 2021)[1]
|
| Пошт. бр. | 2000 |
| Повик. бр. | 032 |
| Шифра на КО | |
| Надм. вис. | 380 м |
|
Балталија на општинската карта  Атарот на Балталија во рамките на општината | |
 Балталија на Ризницата
| |
Балталија — село во Општина Штип, во областа Лакавица, во околината на градот Штип.
Потекло и значење на името
[уреди | уреди извор]Името доаѓа од турскиот збор „балта“ што означува секира или пак директно од апелативот балта што означува „шума што се сече“ и турскиот суфикс -ли. Како целосно друго значење се наведува дека може да доаѓа од балта со значење блато или мочуриште.[2]
Географија и местоположба
[уреди | уреди извор]Селото се наоѓа во јужниот дел на Општина Штип, во проширената долина на реката Крива Лакавица, лева притока на Брегалница.[3] Селото е рамничарско, сместено на надморска височина од 380 метри. Од градот Штип, селото е оддалечено 18 километри.[3]
До селото води асфалтен пат, кој се двои од регионалниот пат 1204 кај селото Лакавица.
Историја
[уреди | уреди извор]Подрачјето на Балталија било населено уште од старохристијанско време, за што сведочат остатоците од базилика во наоѓалиштето Стар Бунар, сместено во близина на селото.[4]
Стопанство
[уреди | уреди извор]Атарот на селото е заеднички со оној на селото Лакавица.[3]
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Балталија живееле 70 жители, од кои 40 Турци и 30 Македонци.[5]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Балталија имало 32 жители, сите Македонци под врховенството на Бугарската егзархија.[6]
Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Власи.[7]
Селото е мало и во 1961 година броело 115 жители, додека во 1994 година бројот се намалил на 26 жители, од кои 17 биле Власи, шест Турци и двајца жители Македонци.[3]
Според пописот од 2002 година, во селото живееле 22 жители, од кои 21 Македонец и 1 останат.[8]
Според последниот попис од 2021 година, во селото живееле 7 жители, од кои 6 Турци и 1 Влав.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 70 | 32 | 69 | 100 | 115 | 101 | 56 | 30 | 26 | 22 | 7 |
- Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]
Самоуправа и политика
[уреди | уреди извор]На крајот од XIX век, Балталија било село во Штипската Каза на Отоманското Царство.
Селото влегува во рамките на Општина Штип, една од ретките општини која не била променета при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Штип.
Во периодот 1957-1996 година, селото се наоѓало во рамките на големата Општина Штип. Во периодот од 1955 до 1957 година, селото влегувало во рамките на тогашната општина Лакавица.
Во периодот 1952-1955, селото било дел од тогашната општина Лакавица, во која покрај селото Балталија се наоѓале селата Брест, Гарван, Горачино, Загорци, Лакавица, Лесковица, Липов Дол, Љуботен, Ново Село, Пиперово, Пухче, Скоруша, Степанци, Суво Грло, Танатарци, Чифлик и Шопур. Во периодот 1950-1952, селото било дел од некогашната општина Лакавица, во која влегувале селата Балталија, Горачино, Лакавица, Пухче, Степанци, Танатарци и Шопур.
Избирачко место
[уреди | уреди извор]Селото е опфатено во избирачкото место бр. 2308 според Државната изборна комисија, сместено во просториите на основното училиште на селото Лакавица.[13]
На претседателските избори во 2019 година, на ова избирачко место биле запишани вкупно 118 гласачи.[14] На локалните избори во 2021 година, на ова избирачко место биле запишани вкупно 118 гласачи.[15]
Културни и природни знаменитости
[уреди | уреди извор]- Археолошки наоѓалишта[4]
- Стар Бунар — старохристијанска базилика.
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Иванова, Олга (2014). Речник на имињата на населените места во Р Македонија. Скопје: Институт за македонски јазик „Крсте Мисирков“. стр. 33.
- ↑ 3,0 3,1 3,2 3,3 Панов, Митко (1998). Енциклопедија на селата во Република Македонија (PDF). Скопје: Патрија. стр. 18. Посетено на 16 февруари 2025.
- ↑ 4,0 4,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 428. ISBN 9989-649-28-6.
- ↑ Кънчов, Васил. „Македония. Етнография и статистика“. София, 1900, стр. 231.
- ↑ Brancoff, D.M. "La Macédoine et sa Population Chrétienne". Paris, 1905, pp. 134-135.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 16 февруари 2025.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 16 февруари 2025.
Надворешни врски
[уреди | уреди извор]
| |||||||||||||||||||||
_1941.jpg){kind=link}