Никоман
| Никоман | |
Воздушен поглед на Никоман | |
  Никоман Местоположба на Никоман во Македонија
Никоман на карта
| |
| Координати 41°43′51″N 22°17′26″E / 41.73083°N 22.29056°E | |
| Регион |  Источен
|
| Општина |  Штип
|
| Население | 2 жит. (поп. 2021)[1]
|
| Пошт. бр. | 2207 |
| Повик. бр. | 032 |
| Шифра на КО | 30039 |
| Надм. вис. | 770 м |
|
Никоман на општинската карта  Атарот на Никоман во рамките на општината | |
 Никоман на Ризницата
| |
Никоман — село во Општина Штип, во околината на градот Штип.
Потекло и значење на името
[уреди | уреди извор]
Името на селото првпат е споменато во XVI век (1573 г.) во турски документи. Името доаѓа од личното име Никоман што може да има и грчко потекло.[2]
Географија и местоположба
[уреди | уреди извор]Селото се наоѓа во североисточниот дел на Општина Штип, во горното сливно подрачје на реката Отиња, чиј атар се допира со подрачјето на Општина Карбинци.[3] Селото е планинско, сместено на надморска височина од 770 метри. Од градот Штип, селото е оддалечено 10 километри.[3]
До селото води асфалтиран пат, кој започнува од градот Штип.
Стопанство
[уреди | уреди извор]Атарот на селото зафаќа простор од 11 километри квадратни. На него преовладуваат шумите на површина од 769 хектари, на пасиштата отпаѓаат 164 хектари, а на обработливото земјиште 152 хектари.[3]
Селото, во основа, има полјоделско-шумарска функција.[3]
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Никоман живееле 110 жители, сите Македонци.[4]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Никоман имало 120 жители, сите Македонци под врховенството на Бугарската егзархија.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[6]
Селото е мало, во фаза на наполно раселување. Така, во 1961 година селото броело 120 жители, а во 1994 година, само двајца жители.[3]
Според пописот од 2002 година, во селото живееле 4 жители, сите Македонци.[7]
Според последниот попис од 2021 година, во селото живееле 2 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 110 | 120 | 155 | 152 | 120 | 68 | 13 | 8 | 2 | 4 | 2 |
- Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]
Самоуправа и политика
[уреди | уреди извор]На крајот од XIX век, Никоман било село во Штипската Каза на Отоманското Царство.
Селото влегува во рамките на Општина Штип, една од ретките општини која не била променета при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Штип.
Во периодот 1957-1996 година, селото се наоѓало во рамките на големата Општина Штип. Во периодот од 1955 до 1957 година, селото влегувало во рамките на тогашната општина Радање.
Во периодот 1952-1955, селото било дел од тогашната Општина Радање, во која покрај селото Никоман, се наоѓале и селата Вртешка, Голем Габер, Ебеплија, Јунузлија, Калапетровци, Калаузлија, Кепекчелија, Кошево, Курфалија, Кучилат, Кучица, Мал Габер, Мичак, Муратлија, Оџалија, Почивало, Прналија, Радање и Шашаварлија. Селото припаѓало на Општина Шашаварлија во периодот 1950-1952, во која влегувале селата Калапетровци, Кошево, Никоман, Почивало и Шашаварлија.
Избирачко место
[уреди | уреди извор]Селото е опфатено во избирачкото место бр. 2313 според Државната изборна комисија, сместено во просториите на основното училиште на селото Шашаварлија.[12]
На претседателските избори во 2019 година, на ова избирачко место биле запишани вкупно 90 гласачи.[13] На локалните избори во 2021 година, на ова избирачко место биле запишани вкупно 94 гласачи.[14]
Културни и природни знаменитости
[уреди | уреди извор]- Цркви
- Црква „Св. Ѓорѓи“ — главна селска црква
Галерија
[уреди | уреди извор]-
Сретселото -
Стара куќа во селото -
Малата црква „Св. Ѓорѓи“ -
Селска чешма
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Иванова, Олга (2014). Речник на имињата на населените места во Р Македонија : (Б,Ѓ,Е,Ј,Н,Р,Т,Ќ,У,Ф,Х,Џ,Ш). Скопје: Институт за македонски јазик „Крсте Мисирков“. стр. 114. ISBN 978-608-220-026-2.
- ↑ 3,0 3,1 3,2 3,3 3,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 209. Посетено на 28 февруари 2025.
- ↑ Кънчов, Васил. „Македония. Етнография и статистика“. София, 1900, стр. 230.
- ↑ Brancoff, D.M. "La Macédoine et sa Population Chrétienne". Paris, 1905, pp. 134-135.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 23 февруари 2025.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 23 февруари 2025.
Надворешни врски
[уреди | уреди извор]
| |||||||||||||||||||||
_1941.jpg){kind=link}