Кошево
| Кошево | |
Воздушен поглед на Кошево | |
  Кошево Местоположба на Кошево во Македонија
Кошево на карта
| |
| Координати 41°42′11″N 22°20′51″E / 41.70306°N 22.34750°E | |
| Регион |  Источен
|
| Општина |  Штип
|
| Население | 4 жит. (поп. 2021)[1]
|
| Пошт. бр. | 2207 |
| Повик. бр. | 032 |
| Шифра на КО | 30026 |
| Надм. вис. | 800 м |
|
Кошево на општинската карта  Атарот на Кошево во рамките на општината | |
 Кошево на Ризницата
| |
Кошево — село во Општина Штип, во околината на градот Штип.
Географија и местоположба
[уреди | уреди извор]
Кошево се наоѓа во југоисточниот дел на Општина Штип, во изворишното сливно подрачје на реката Отиња, чиј атар се допира со подрачјето на Општина Радовиш. Селото е сместено на југозападните огранки на планината Плачковица.[2] Селото е ридско, сместено на надморска височина од 800 метри. Од градот Штип, селото е оддалечено 18 километри.[2]
До селото води делумно асфалтиран пат, кој на делницата помеѓу Никоман и вртењето за Калапетровци е земјен.
Историја
[уреди | уреди извор]Селото настрадало при борби помеѓу ВМРО и ВМФРО во 1922 година. По инструкции на Тодор Александров мештаните ја предале федеративната чета на Крум Зографов на српската потера. Како одговор, дел од федералистите го нападнале селото, а подоцна четниците на ВМРО ги убиле помагачите на федералистите.
Стопанство
[уреди | уреди извор]Атарот на селото зафаќа простор од 12,7 километри квадратни. На него преовладуваат пасиштата на површина од 1.018 хектари, на обработливото земјиште отпаѓаат 213 хектари, а на шумите само 22 хектари.[2]
Селото, во основа, има полјоделско-сточарска функција.[2]
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Кошево живееле 150 жители, сите Македонци.[3]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Кошево имало 184 жители, сите Македонци под врховенството на Бугарската егзархија.[4]
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[5]
Кошево е мало село, коешто е во фаза на наполно раселување. Така, селото во 1961 година имало 202 жители, а во 1994 година 17 жители, македонско население.[2]
Според пописот од 2002 година, во селото живееле 5 жители, сите Македонци.[6]
Според последниот попис од 2021 година, во селото живееле 4 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 150 | 184 | 197 | 230 | 202 | 153 | 42 | 21 | 17 | 5 | 4 |
- Извор за 1900 г.: Македонија. Етнографија и статистика.[7]; за 1905 г.: La Macédoine et sa Population Chrétienne.[8]; за 1948-2002 г.: Државен завод за статистика на РМ.[9]; за 2021 г.: Државен завод за статистика на РМ.[10]
Самоуправа и политика
[уреди | уреди извор]На крајот од XIX век, Кошево било село во Штипската Каза на Отоманското Царство.
Селото влегува во рамките на Општина Штип, една од ретките општини која не била променета при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Штип.
Во периодот 1957-1996 година, селото се наоѓало во рамките на големата Општина Штип. Во периодот од 1955 до 1957 година, селото влегувало во рамките на тогашната општина Радање.
Во периодот 1952-1955, селото било дел од тогашната Општина Радање, во која покрај селото Кошево, се наоѓале и селата Вртешка, Голем Габер, Ебеплија, Јунузлија, Калапетровци, Калаузлија, Кепекчелија, Курфалија, Кучилат, Кучица, Мал Габер, Мичак, Муратлија, Никоман, Оџалија, Почивало, Прналија, Радање и Шашаварлија. Селото припаѓало на Општина Шашаварлија во периодот 1950-1952, во која влегувале селата Калапетровци, Кошево, Никоман, Почивало и Шашаварлија.
Избирачко место
[уреди | уреди извор]
Селото е опфатено во избирачкото место бр. 2314 според Државната изборна комисија, сместено во простории на шумска куќа на ЈП „Македонски шуми“ во селото Почивало.[11]
На претседателските избори во 2019 година, на ова избирачко место биле запишани вкупно 67 гласачи.[12] На локалните избори во 2021 година, на ова избирачко место биле запишани вкупно 69 гласачи.[13]
Културни и природни знаменитости
[уреди | уреди извор]- Цркви
- Црква „Св. Петка“ — главна селска црква
- Реки
- Кошевска Река (или Шаплак) — река која тече во атарот на селото и на која се наоѓа малиот кањон Камник
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 161. Посетено на 23 февруари 2025.
- ↑ Кънчов, Васил. „Македония. Етнография и статистика“. София, 1900, стр. 233.
- ↑ Brancoff, D.M. "La Macédoine et sa Population Chrétienne". Paris, 1905, pp. 134-135.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 23 февруари 2025.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 23 февруари 2025.
Надворешни врски
[уреди | уреди извор]
| |||||||||||||||||||||
_1941.jpg){kind=link}