Калапетровци
| Калапетровци | |
Воздушен поглед на Калапетровци | |
  Калапетровци Местоположба на Калапетровци во Македонија
Калапетровци на карта
| |
| Координати 41°42′19″N 22°18′37″E / 41.70528°N 22.31028°E | |
| Регион |  Источен
|
| Општина |  Штип
|
| Население | 1 жит. (поп. 2021)[1]
|
| Пошт. бр. | 2207 |
| Повик. бр. | 032 |
| Шифра на КО | 30021 |
| Надм. вис. | 700 м |
|
Калапетровци на општинската карта  Атарот на Калапетровци во рамките на општината | |
 Калапетровци на Ризницата
| |
Калапетровци — село во Општина Штип, во околината на градот Штип.
Географија и местоположба
[уреди | уреди извор]Ова мало село се наоѓа во источниот дел на Општина Штип, во изворишното сливно подрачје на реката Отиња, чиј атар се допира со подрачјето на Општина Радовиш.[2] Селото е планинско, сместено на надморска височина од 700 метри. Од градот Штип, селото е оддалечено 14 километри.[2]
До селото води земјен пат, кој е асфалтиран до влезот во селото Никоман, кој потоа продолжува како земјен кон селото Кошево (каде што повторно е асфалтиран).
Историја
[уреди | уреди извор]За време на српската окупација од 1912 до 1941 година селото силно настрадало.[3] Во 1914 и во 1915 година, од страна на српските четници на Јован Бабунски и на жандармите биле тепани и мачени голем број селани. Меѓу сите најмногу биле тепани: Ласко Домазетов, Божана Пецева, Ѓуро Алексов, Сава Миланова и Јордана Стоилкова. Последиците од раните ги носеле до крајот на својот живот.[3]
Стопанство
[уреди | уреди извор]Атарот на селото зафаќа простор од 14,7 километри квадратни. На него преовладуваат шумите на површина од 605 хектари, на пасиштата отпаѓаат 409 хектари, а на обработливото земјиште 362 хектари.[2]
Селото, во основа, има мешовита земјоделска функција.[2]
Население
[уреди | уреди извор]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Калапетровци живееле 90 жители, сите Македонци.[4]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Калапетровци имало 112 жители, сите Македонци под врховенството на Бугарската егзархија.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[6]
Калапетровци е мало село, коешто е на пат наполно да се расели. Така, во 1961 година селото броело 145 жители, од кои 134 биле Македонци, осум Срби и двајца жители Турци, а во 1994 година само четири жители, македонско население.[2]
Според пописот од 2002 година, во селото живееле 7 жители, сите Македонци.[7]
Според последниот попис од 2021 година, населението на Калапетровци броело само 1 жител, Македонец.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 90 | 112 | 264 | 287 | 145 | 75 | 45 | 23 | 4 | 7 | 1 |
- Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]
Самоуправа и политика
[уреди | уреди извор]На крајот од XIX век, Калапетровци било село во Штипската Каза на Отоманското Царство.
Селото влегува во рамките на Општина Штип, една од ретките општини која не била променета при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Штип.
Во периодот 1957-1996 година, селото се наоѓало во рамките на големата Општина Штип. Во периодот од 1955 до 1957 година, селото влегувало во рамките на тогашната општина Радање.
Во периодот 1952-1955, селото било дел од тогашната Општина Радање, во која покрај селото Калапетровци, се наоѓале и селата Вртешка, Голем Габер, Ебеплија, Јунузлија, Калаузлија, Кепекчелија, Кошево, Курфалија, Кучилат, Кучица, Мал Габер, Мичак, Муратлија, Никоман, Оџалија, Почивало, Прналија, Радање и Шашаварлија. Селото припаѓало на Општина Шашаварлија во периодот 1950-1952, во која влегувале селата Калапетровци, Кошево, Никоман, Почивало и Шашаварлија.
Избирачко место
[уреди | уреди извор]
Селото е опфатено во избирачкото место бр. 2313 според Државната изборна комисија, сместено во просториите на основното училиште на селото Шашаварлија.[12]
На претседателските избори во 2019 година, на ова избирачко место биле запишани вкупно 90 гласачи.[13] На локалните избори во 2021 година, на ова избирачко место биле запишани вкупно 94 гласачи.[14]
Културни и природни знаменитости
[уреди | уреди извор]- Цркви
- Црква „Пресвета Богородица“ — селска црква
- Црква „Св. Илија“ — селска црква
Поврзано
[уреди | уреди извор]Наводи
[уреди | уреди извор]- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 39. Посетено на 22 февруари 2025.
- ↑ 3,0 3,1 Галев, М-р Димитар (1991). Белиот терор во Југоисточна Македонија 1912–1941 година; Книга прва. Штип: Друштво на наука и уметност. стр. 679.
- ↑ Кънчов, Васил. „Македония. Етнография и статистика“. София, 1900, стр. 230.
- ↑ Brancoff, D.M. "La Macédoine et sa Population Chrétienne". Paris, 1905, pp. 134-135.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 23 февруари 2025.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 23 февруари 2025.
Надворешни врски
[уреди | уреди извор]
Калапетровци на Ризницата ?
| |||||||||||||||||||||
_1941.jpg){kind=link}