Премиер лига на Англија 2001-2002

Премиер лига на Англија 2001-2002 Barclaycard Premiership 2001-2002
Натпреварување	Премиер лига на Англија
Спорт	Фудбал
Издание	103-то
Период	од: 18 август 2001 до: 11 мај 2002
Држава	Англија
Резултати
Шампион	Арсенал 12. титула
Лига на шампиони	4. клуба Арсенал Ливерпул Манчестер Јунајтед Њукасл Јунајтед
Куп на УЕФА	4. клуба Лидс Јунајтед Челси Блекбурн Роверс Ипсвич Таун
Интертото куп	2. клуба Астон Вила Фулам
Испаднале	Ипсвич Таун Дарби Каунти  Лестер Сити
Статистика
Најдобар стрелец	Тјери Анри (24 гола)
Одиграни натпревари	380
Постигнати голови	1.001 (2,63 по натпревар)
Хронологија на натпреварувањето
2000–01 2002–03

Премиер лига на Англија 2001-2002 била 103-тото издание на највисокото ниво на професионалните фудбалски лиги на Англија, односно 10-тата сезона на Премиер лигата, од нејзиното основање во 1992 година. Сезоната започнала на 18 август 2001, а завршила на 11 мај 2002, со триумф на екипата на Арсенал.

Екипата на Манчестер Јунајтед влегла како бранител на титулата од претходната сезона. Фулам, Блекбурн Роверс и Болтон Вондерерс биле трите нови екипи, откако обезбедиле промоција во Првата дивизија 2000-2001. Тие ги замениле Манчестер Сити, Ковентри Сити и Брадфорд Сити, кои како трите најслабопласирани екипи во претходната сезона испаднале во понизок ранг.

Арсенал ја освоил титулата на 8 мај 2002 година после победата во директниот дуел со најблискиот гонител, Манчестер Јунајтед, на Олд Трафорд, во претпоследниот натпревар од сезоната. Поразот на црвените ѓаволи освен што ги оставил без ниту теоретски шанси во борбата за титулата во последното коло, туку воедно воочи него тие ја загубиле втората позиција на табелата и му дозволиле на Ливерпул, кој истиот ден го совладал Блекбурн Роверс, да ги престигне на табелата. Во последното коло немало промени на водечките позиции па Арсенал, Ливерпул и Манчестер Јунајтед ги задржале исти своите позиции какви што биле и пред тоа и заедно со четвртиот, Њукасл Јунајтед, обезбедиле место во Лигата на шампионите за следната сезона.

Петтопласираниот Лидс Јунајтед, заедно со победникот на Лига купот, Блекбурн Роверс, се квалификувале за Купот на УЕФА за следната сезона. Бидејќи победникот на ФА Купот, Арсенал, веќе се пласирал за европските купови преку првенството, поразениот тим во финалето, екипата на Челси, исто така изборила пласман во Купот на УЕФА. Четвртиот и последен англиски клуб кој стекнал право да учествува во ова натпреварување за следната сезона била екипата на Ипсвич Таун која се квалификувала како победник на рангирањето на УЕФА за ферплеј.

Астон Вила и Фулам биле двата англиски клуба кои учествувале во Интертото купот 2002.

Ипсвич Таун, Дарби Каунти и Лестер Сити биле трите екипи кои испаднале од лигата во оваа сезона.

Најдобaр стрелец во оваа сезона бил Тјери Анри од шампионот Арсенал со 24 постигнати гола.

Општо

Формула

Сезоната 2001-2002 во Премиер лигата на Англија, била првото издание на првенството спонзорирано од Барклис, една од најголемите банки во Велика Британија. Почнувајќи од оваа сезона, лигата добила уште едно место во Лигата на шампионите, па така од оваа сезона во елитното европско клупско натпреварување можеле да се квалификуваат 4 англиски екипи наместо дотогашните 3. Причина за тоа бил фактот што лигата ја надминала по коефициентот германската Бундеслига на рангирањето на УЕФА. Според тоа, на крајот од сезоната двете првопласирани екипи ќе се квалификуваат директно за групната фаза на Лигата на шампионите, додека третиот и четвртиот ќе играат во последното квалификациско коло за натпрвеварувањето. Петто рангираната екипа и победниците на ФА Купот и Лига купот ќе играат следната година во Купот на УЕФА. Трите последни екипи на крајот од сезоната испаѓаат во Првата дивизија.

Новини

Пред почетокот на сезоната, Саутхемптон се преселиле на својот нов стадион Сент Мери, напуштајќи го нивниот дотогашен домашен терен Дел по 103 години играње на него.

Промена на екипи

Вкупно 20 клубови учествувале во Премиер лигата на Англија за сезоната 2001-2002, вклучувајќи ги 17-те екипи од претходната сезона 2000-2001, двата прво пласирани клуба од Првата дивизија 2000-2001, и победникот на плејофот од истата лига. Новите екипи во оваа сезона биле Фулам, кои се вратиле во највисокото фудбалско ниво во Англија после цели триесет и три години отсуство по нивното испаѓање во сезоната 1967-1968, потоа Блекбурн Роверс, кои се вратиле по две година отсуство и испаѓањето во сезоната 1998-1999, и Болтон Вондерерс, кој како победник на плејофот е повратник во "елитното друштво" по три години отсуство, поточно за првпат по сезоната сезоната 1997-1998, кога испаднале само поради полошата гол-разлика од Евертон. Тие ги замениле трите екипи кои испаднале во претходната сезона Манчестер Сити, Ковентри Сити и Брадфорд Сити.

Настани

Првото издание на Премиер лигата спонзорирано од Барклис, донело отворена борба за титулата како никогаш порано, а потстрек повеќе затоа бил и фактот што лигата ја надминала германската Бундеслигата на рангирањето на УЕФА и добила уште едно место во Лигата на шампионите (4 места наместо досегашните 3). Цели шест екипи се нашле во отворена битка за титулата, сè до неколку кола пред крајот.

После првите три кола, единствената екипа со максимален учинок во лигата била Болтон Вондерерс. Тие го држеле првото место до петтото коло, кога после поразот на домашен терен од Саутхемптон (кои во тој натпревар ги освоиле своите први бодови во сезоната) им дозволиле на Њукасл Јунајтед и Лидс Јунајтед да ги престигнат и да го преземат врвот. Во осмото коло е виден еден од најзаборавните натпревари и пресврти во историјата на Премиер лигата, во натпреварот помеѓу Тотенхем и Манчестер Јунајтед: домаќините воделе со 3-0 на полувремето, но Црвените ѓаволи не се откажале и со пет голови во второто полувреме во мрежата на Спарс успеале да се вратат и да забележат победа од 3-5. Успехот ги донел до второто место на табелата со еднаков број на бодови со Арсенал и три бода помалку од лидерот Лидс Јунајтед. Лидс останале лидери до 14-тото коло, кога нивниот киск и ремито 1-1 на домашен терен со Астон Вила, го искористил Ливерпул за да изедначи со нив на врвот. Истото коло донело и пресметка во Лондон помеѓу двете екипи кои доминирале во англискиот фудбал во последните неколку години, Арсенал и Манчестер Јунајтед; иако губеле на полувремето со 1-0, топчиите успеале да направат целосен пресврт во второто полувреме и со головите на Фредрик Јунгберг и два на Тјери Анри да го победат лутиот ривал. Во следното коло, новото реми на Лидс и победата на Ливерпул им овозможува на црвените на Жерар Улије да останат осамен лидер на табелата по 15 кола, со два бода повеќе од белите, три од Њукасл Јунајтед и четири од Арсенал. Манчестер Јунајтед после уште еден тежок пораз, овојпат на домашен терен со 0-3 од Челси се чини се повеќе заостанува во борбата за титулата и ќе му биде многу тешко да го одбрани насловот освоен во претходната сезона. За време на Boxing Day, Ливерпул влегува во криза, а првенството добива нов лидер, Њукасл Јунајтед. На половина од првенството, токму тие останале во водство, но по поразот во последното коло играно во 2001 година од Челси, по 20 кола заедно со нив на врвот на табелата се изедначил Арсенал. Зад водечкиот тандем се наоѓале Лидс на -1, Ливерпул на -2, Манчестер Јунајтед на -3 и Челси на -6. На дното на табелата исто така се водела голема битка: Дарби, Ипсвич и Лестер биле трите клуба во зоната за испаѓање, додека пред нив со три бода повеќе биле Саутхемтпон, Мидлсбро, Болтон и Блекбурн.

На почетокот на 2002 година, трката за титулата останала широко отворена, со Арсенал, Манчестер Јунајтед, Њукасл Јунајтед и Лидс Јунајтед како најсериозни кандидати, а од позадина демнеле Ливерпул и Челси. Во 23-тото коло, Манчестер Јунајтед за првпат излегол на чело на табелата со бод повеќе од Арсенал. Кризата е се повоочлива во редовите на Лидс кој на почетокот на февруари веќе заостанале со повеќе од 10 бодови зад лидерот. Како одминувало времето се подалеку од битката за титулата останале и Њукасл Јунајтед и Челси, кои не можеле да го следат темпото кое го наметнале Манчестер Јунајтед, Арсенал и Ливерпул. Јунајтед останале лидери сè до 30-тото коло, кога по неочекуваниот кикс и поразот на домашен терен со 1-0 му ја предале лидерската позиција на Арсенал. Тоа значело и крај на нивните шампионски амбиции затоа што топџиите од тој момент не го испуштиле водството и го завршиле првенството со импресивна низа од 13 победи. За да биде се уште подобро за Арсенал и нивните навивачи, титулата била математички потврдена на едно коло пред крајот, кога на Олд Трафорд тие го совладале токму својот главен конкурент за титулата со 1-0 благодарение на голот на Силван Вилтор. Поразот на Црвените ѓаволи освен што ги оставил без ниту теоретски шанси во борбата за титулата во последното коло, туку воедно воочи него тие ја загубиле втората позиција на табелата и му дозволиле на Ливерпул, кој истиот ден го совладал Блекбурн Роверс, да ги престигне на табелата. На крајот Арсенал прв со седум бода пред Ливерпул и тие заедно со третиот Манчестер Јунајтед и четвртиот Њукасл Јунајтед се пласирале во Лигата на шампионите, додека Лидс Јунајтед и Челси како петти односно шестти избориле пласман во Купот на УЕФА. На другиот крај од табелата во понизок ранг се преселиле Ипсвич, Дарби и Лестер Сити, како трите последнопласирани екипи.

Екипи

Екипи учеснички

• Арсенал
• Астон Вила
• Блекбурн Роверс
• Болтон
• Вест Хем Јунајтед
• Дарби Каунти
• Евертон
• Ипсвич Таун
•  Лестер Сити
• Ливерпул
• Лидс Јунајтед
• Манчестер Јунајтед
• Мидлсбро
• Њукасл Јунајтед
• Сандерленд
• Саутхемптон
• Тотенхем
• Фулам
• Чарлтон
• Челси

Стадиони и локации

Астон Вила

Блекбурн Роверс

Болтон Вондерерс

Дарби Каунти

Ипсвич Таун

Лидс Јунајтед

Лестер Сити

Ливерпул

Манчестер Јунајтед

Мидлсбро

Њукасл Јунајтед

Саутхемптон

Сандерленд

Лондон

Екипи од Лондон:
Арсенал
Вест Хем Јун. 
Тотенхем
Фулам
Чарлтон
Челси

Екипи од Ливерпул:
Евертон
Ливерпул

class=notpageimage|

Локации на екипите учесници во Премиер лигата на Англија 2001–2002

Екипа	Сезона	Град	Стадион	Претходна сезона
Арсенал	детали	Лондон	Стадион Арсенал	2. место во Премиер лигата
Астон Вила	детали	Бирмингем	Вила Парк	8. место во Премиер лигата
Блекбурн Роверс	детали	Блекбурн	Ивуд Парк	2. место во Првата дивизија, промоција
Болтон Вондерерс	детали	Болтон	Рибок	3. место во Првата дивизија, промоција преку плејоф
Вест Хем Јунајтед	детали	Лондон	Болејн Граунд	15. место во Премиер лигата
Дарби Каунти	детали	Дарби	Прајд Парк	17. место во Премиер лигата
Евертон	детали	Ливерпул	Гудинсон Парк	16. место во Премиер лигата
Ипсвич Таун	детали	Ипсвич	Портман Роуд	5. место во Премиер лигата
Лестер Сити	детали	Лестер	Филберт Стрит	13. место во Премиер лигата
Ливерпул	детали	Ливерпул	Анфилд	3. место во Премиер лигата
Лидс Јунајтед	детали	Лидс	Еланд Роуд	4. место во Премиер лигата
Манчестер Јунајтед	детали	Манчестер	Олд Трафорд	Шампион на Англија
Мидлсбро	детали	Мидлсбро	Риверсајд	14. место во Премиер лигата
Њукасл Јунајтед	детали	Њукасл на Тајн	Сент Џејмсис Парк	11. место во Премиер лигата
Сандерленд	детали	Сандерленд	Стедиум оф Лајт	7. место во Премиер лигата
Саутхемптон	детали	Саутхемптон	Сент Мери	10. место во Премиер лигата
Тотенхем	детали	Лондон	Вајт Харт Лејн	12. место во Премиер лигата
Фулам	детали	Лондон	Крејвен Котиџ	1. место во Првата дивизија, промоција
Чарлтон	детали	Лондон	Вали	9. место во Премиер лигата
Челси	детали	Лондон	Стемфорд Бриџ	6. место во Премиер лигата

Личности и спонзори

Екипа	Тренер	Капитен	Најдобар стрелец	Опрема	Спонзор
Арсенал	Арсен Венгер	Тони Адамс	Тјери Анри (24)	Nike	Dreamcast/Sega1
Астон Вила	Џон Грегори (1.-23. коло) Џон Дихан (24.-25. коло) Греам Тејлор (26.-38. коло)	Пол Мерсон	Хуан Пабло Анхел (12)	Diadora	NTL
Блекбурн Роверс	Грем Сунес	Гари Флиткрофт	Мат Јансен (10)	Kappa	Time
Болтон Вондерерс	Сем Алардајс	Гудни Бергсон	Мајкл Рикетс (12)	Reebok	Reebok
Вест Хем Јунајтед	Глен Редер	Стив Ломас	Фредерик Кануте (11)	Fila	Dr. Martens
Дарби Каунти	Џим Смит (1.-8. коло) Колин Тод (9.-22. коло) Били МекИван (23.-24. коло) Џон Грегори (25.-38. коло)	Дерил Пауел	Малколм Кристи, Фабрицио Раванели (9)	Erreà	Pedigree
Евертон	Волтер Смит (1.-29. коло) Дејвид Мојс (30.-38. коло)	Дејвид Вир	Томаш Радзински, Данкан Фергусон (6)	Puma	One 2 One
Ипсвич Таун	Џорџ Барли	Мат Холанд	Маркус Бент (9)	Punch	TXU Energi
Лестер Сити	Питер Џон Тејлор (1.-8. коло) Дејв Басет (9.-34. коло) Мики Адамс (35.-38. коло)	Мат Елиот	Брајан Дин (6)	Le Coq Sportif	LG
Ливерпул	Жерар Улије	Џејми Реднап	Мајкл Овен (19)	Reebok	Carlsberg
Лидс Јунајтед	Дејвид О'Лири	Рио Фердинанд	Роби Фаулер (12)	Nike	Strongbow
Манчестер Јунајтед	Алекс Фергусон	Рој Кин	Руд ван Нистелрој (23)	Umbro	Vodafone
Мидлсбро	Стив Мекларен	Пол Инс	Ален Бокшиќ (8)	Erreà	BT Cellnet
Њукасл Јунајтед	Боби Робсон	Алан Ширер	Алан Ширер (23)	Adidas	NTL
Сандерленд	Питер Рид	Мајкл Греј	Кевин Филипс (11)	Nike	Reg Vardy
Саутхемтпон	Стјуарт Греј (1.-8. коло) Гордон Страхан (9.-38. коло)	Мат Ле Тесије	Маријанс Пахарс (14)	Saints	Friends Provident
Тотенхем	Глен Ходл	Тим Шервуд	Густаво Појет, Теди Шерингам (10)	Adidas	Holsten
Фулам	Жан Тигана	Енди Мелвил	Стед Малбранк, Луј Саа, Бари Хејлес (8)	Adidas	Pizza Hut
Чарлтон	Алан Карбишли	Марк Кинсела	Џејсон Јуел (11)	Le Coq Sportif	Redbus
Челси	Клаудио Раниери	Марсел Десаи	Џими Флојд Хаселбајнк (23)	Umbro	Fly Emirates

Завршна табела

	Поз.	Екипа	Бод	ОН	П	Н	И	ДГ	ПГ	ГР
	1.	Арсенал	87	38	26	9	3	79	36	+43
	2.	Ливерпул	80	38	24	8	6	67	30	+37
	3.	Манчестер Јунајтед	77	38	24	5	9	87	45	+42
	4.	Њукасл Јунајтед	71	38	21	8	9	74	52	+22
	5.	Лидс Јунајтед	66	38	18	12	8	53	37	+16
	6.	Челси	64	38	17	13	8	66	38	+26
	7.	Вест Хем Јунајтед	53	38	15	8	15	48	57	-9
	8.	Астон Вила	50	38	12	14	12	46	47	-1
	9.	Тотенхем	50	38	14	8	16	49	53	-4
	10.	Блекбурн Роверс	46	38	12	10	16	55	51	+4
	11.	Саутхемптон	45	38	12	9	17	46	54	-8
	12.	Мидлсбро	45	38	12	9	17	35	47	-12
	13.	Фулам	44	38	10	14	14	36	44	-8
	14.	Чарлтон	44	38	10	14	14	38	49	-11
	15.	Евертон	43	38	11	10	17	45	57	-12
	16.	Болтон	40	38	9	13	16	44	62	-18
	17.	Сандерленд	40	38	10	10	18	29	51	-22
	18.	Ипсвич Таун	36	38	9	9	20	41	64	-23
	19.	Дарби Каунти	30	38	8	6	24	33	63	-30
	20.	Лестер Сити	28	38	5	13	20	30	64	-34

Легенда:

      Шампион на Англија и се квалификува за групната фаза на УЕФА Лига на шампиони 2002-2003.

      Се квалификува за групната фаза на УЕФА Лига на шампиони 2002-2003.

      Се квалификува за третото квалификациско коло на УЕФА Лига на шампиони 2002-2003.

      Се квалификува за првото коло на Куп на УЕФА 2002-2003.

      Се квалификува за третото и второто коло на УЕФА Интертото куп 2002.

      Испаѓа во Прва дивизија 2002-2003.

Нотес:

Три бода за победа, еден за нерешено, нула за пораз.

Во случај на еднакви бодови, екипите се рангираат според гол-разликата.

Дополнување:

Ипсвич Таун се квалификува за Купот на УЕФА 2002-2003 како победник на рангирањето на УЕФА за ферплеј.

Шампионскиот тим

Главна статија: ФК Арсенал сезона 2001-2002

Формација	Играчи (настапи)
Симан Лоран Кион Кембел Кол Јунгберг Виера Парлор Пирес Вилтор Анри	Дејвид Симан (17)
	Лоран (27)
	Мартин Кион (22)
	Сол Кембел (31)
	Ешли Кол (29)
	Фредрик Јунгберг (25)
	Патрик Виера (36)
	Реј Парлор (27)
	Робер Пирес (28)
	Силван Вилтор (32)
	Тјери Анри (33)
	Менаџер: Арсен Венгер
Останати играчи: Денис Бергкамп (33), Жил Гриманди (26), Нванкво Кану (23), Џовани ван Бронкхорст (21), Олег Лужни (18), Еду (14), Метју Апсон (14), Ли Диксон (13), Ричард Рајт (12), Тони Адамс (10), Стјуарт Тејлор (10), Френсис Џеферс (6), Игорс Степановс (6), Жереми Алијадиер (1).

Резултати

Табеларен приказ

Читањето хоризонтално ни ги покажува резултати на домашен терен на наведената екипа од првата колона, а читањето вертикално ни ги покажува резултатите во гости на наведената екипата од првиот ред.

Последно ажуриање: 28 јануари 2022.

Екипа	АРС	АСВ	БЛЕ	БОЛ	ВХЈ	ДАР	ЕВЕ	ИПС	ЛЕС	ЛИВ	ЛИД	МНЈ	МИД	ЊУК	САН	САУ	ТОТ	ФУЛ	ЧАР	ЧЕЛ
Арсенал	––––	2-0	0-0	1-0	2-1	3-0	2-1	2-1	4-2	5-0	1-1	2-1	4-1	3-2	1-1	2-0	2-1	0-0	2-1	2-1
Астон Вила	0-2	––––	2-2	0-2	1-1	3-2	0-0	3-1	0-0	2-0	0-2	1-1	0-2	0-0	2-1	1-0	1-0	3-0	2-1	3-2
Блекбурн	0-3	0-0	––––	0-4	2-0	2-2	3-0	0-1	0-3	4-1	1-2	2-1	3-1	1-1	2-0	2-1	1-0	2-2	1-2	0-0
Болтон	0-2	0-2	1-1	––––	3-4	5-1	2-1	1-0	1-3	1-2	1-0	2-3	2-2	1-1	1-2	1-1	1-0	0-2	0-1	2-3
Вест Хем Јунајтед	1-1	2-2	0-1	2-2	––––	1-1	2-0	2-2	2-2	4-1	1-2	1-3	2-0	1-0	1-0	0-0	2-0	0-2	0-0	0-2
Дарби	1-3	0-4	1-1	2-2	1-2	-–––	2-1	4-3	1-1	3-1	1-0	1-0	2-0	1-1	0-0	1-4	0-2	2-1	0-4	0-5
Евертон	1-1	2-0	1-0	0-1	1-2	2-0	––––	3-2	0-3	4-0	3-4	0-0	1-1	2-2	1-0	0-0	3-1	3-1	0-1	0-1
Ипсвич	1-1	0-5	0-2	2-0	1-1	0-0	1-1	––––	0-0	4-0	1-4	1-1	0-0	1-1	3-1	2-2	1-2	0-2	1-1	0-4
Лестер Сити	1-2	1-0	3-1	4-0	3-1	1-0	0-0	2-1	––––	3-1	1-2	2-1	2-0	1-1	3-0	1-2	0-0	0-0	0-1	1-2
Ливерпул	1-4	0-0	0-2	2-1	0-2	4-1	1-1	3-2	2-2	––––	0-1	2-1	0-3	2-2	1-2	0-0	0-1	3-2	3-3	1-1
Лидс Јунајтед	0-0	4-0	3-0	2-1	4-0	1-0	3-2	1-0	0-1	1-1	––––	3-1	2-3	0-0	3-0	3-2	3-0	1-3	2-0	1-1
Манчестер Јунајтед	1-2	4-1	0-0	1-1	6-2	3-3	5-1	0-3	2-2	1-1	4-1	––––	0-1	1-0	1-1	1-3	0-0	0-0	1-1	0-1
Мидлсбро	0-4	1-2	5-3	0-1	2-0	2-0	1-0	3-3	0-0	2-3	0-1	2-1	––––	0-1	0-0	3-1	1-0	2-1	0-0	1-2
Њукасл Јунајтед	0-0	1-1	0-1	0-1	0-0	1-1	4-2	3-1	1-1	1-0	1-2	3-0	2-1	––––	3-0	1-0	4-0	3-1	3-1	2-1
Сандерленд	1-1	2-1	3-1	1-2	4-0	0-0	1-2	0-2	1-0	6-1	1-0	4-2	5-1	1-1	––––	1-0	2-0	1-1	1-2	0-2
Саутхемптон	0-1	1-1	0-0	2-0	1-2	2-0	3-3	0-0	2-0	2-1	1-0	0-2	0-1	3-3	3-0	––––	1-0	0-0	3-2	0-1
Тотенхем	2-2	2-1	4-1	1-0	0-1	5-2	3-0	4-4	2-1	2-1	1-2	1-1	0-0	1-0	4-3	1-3	––––	0-3	0-1	0-1
Фулам	0-1	1-2	0-0	3-4	2-1	0-0	2-1	2-0	1-2	2-0	1-1	2-2	3-2	2-3	2-0	2-0	2-1	––––	2-0	0-1
Чарлтон	1-1	1-2	1-1	3-2	1-2	2-0	2-2	2-2	3-2	0-1	0-2	0-3	1-0	0-0	1-1	2-1	2-4	3-1	––––	4-2
Челси	1-2	1-0	0-0	2-2	1-2	5-2	0-0	2-1	0-1	1-0	1-0	1-0	0-0	5-0	3-0	4-0	4-2	2-1	1-0	––––

Статистика

Екипна

Лидери на табелата

Извор:

	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——	——
			Болтон Вондерерс				Лидс Јунајтед								Ливерпул			Њукасл			Арсенал		Манчестер Јунајтед								Арсенал
	1ª	2ª	3ª	4ª	5ª	6ª	7ª	8ª	9ª	10ª	11ª	12ª	13ª	14ª	15ª	16ª	17ª	18ª	19ª	20ª	21ª	22ª	23ª	24ª	25ª	26ª	27ª	28ª	29ª	30ª	31ª	32ª	33ª	34ª	35ª	36ª	37ª	38ª

Факти и бројки

• Најголем број на победи: Арсенал (26)
• Најмал број на порази: Арсенал (3)
• Најдобар напад: Манчестер Јунајтед (87 постигнати гола)
• Најдобра одбрана: Ливерпул (30 примени гола)
• Најдобра гол-разлика: Арсенал (+43)
• Најголем број на нерешени: Астон Вила, Фулам и Чарлтон (14)
• Најмал број на нерешени: Манчестер Јунајтед (5)
• Најголем број на порази: Дарби Каунти (24)
• Најмал број на победи: Лестер Сити (5)
• Најслаб напад: Сандерленд (29 постигнати голови)
• Најслаба одбрана: Ипсвич Таун и Лестер Сити (64 примени голови)
• Најлоша гол-разлика: Лестер Сити (-34)

Индивидуална

Листа на стрелци

Извор:

Гол	Пенали		Играч	Клуб
24	4		Тјери Анри	Арсенал
23	3		Џими Флојд Хаселбајнк	Челси
23	4		Руд ван Нистелрој	Манчестер Јунајтед
23	5		Алан Ширер	Њукасл Јунајтед
19	1		Мајкл Овен	Ливерпул
17	0		Оле Гунар Солшер	Манчестер Јунајтед
15	2		Роби Фаулер	Ливерпул (3) Лидс Јунајтед (12)
14	1		Ејдјур Гудјонсен	Челси
14	1		Маријанс Пахарс	Саутхемптон
13	0		Енди Кол	Манчестер Јунајтед (4) Блекбурн Роверс (9)
12	0		Дариус Васел	Астон Вила
12	0		Фредрик Јунгберг	Арсенал
12	0		Мајкл Рикетс	Болтон
12	2		Хуан Пабло Анхел	Астон Вила
12	2		Џејмс Бити	Саутхемптон

Листа на асистенти

Извор:

Асистенции	Играч	Клуб
15	Робер Пирес	Арсенал
12	Денис Бергкамп	Арсенал
12	Рајан Гигс	Манчестер Јунајтед
11	Лоран Робер	Њукасл Јунајтед
9	Марк Винус	Ипсвич Таун
9	Нолберто Солано	Њукасл Јунајтед
9	Оле Гунар Солшер	Манчестер Јунајтед
8	Дејвид Бекам	Манчестер Јунајтед
8	Бенито Карбоне	Дарби Каунти Мидлсбро
8	Стивен Џерард	Ливерпул

Награди

Месечни награди

Месец	Менаџер на месецот	Клуб	Играч на месецот	Клуб
Август	Сем Алардајс	Болтон	Луј Саа	Фулам
Септември	Џон Грегори	Астон Вила	Хуан Себастијан Верон	Манчестер Јунајтед
Октомври	Глен Ходл	Тотенхем	Рио Фердинанд	Лидс Јунајтед
Ноември	Фил Томпсон	Ливерпул	Дани Марфи	Ливерпул
Декември	Боби Робсон	Њукасл Јунајтед	Руд ван Нистелрој	Манчестер Јунајтед
Јануари	Гордон Страхан	Саутхемптон	Маркус Бент	Ипсвич Таун
Февруари	Боби Робсон	Њукасл Јунајтед	Руд ван Нистелрој	Манчестер Јунајтед
Март	Жерар Улије Фил Томпсон	Ливерпул	Денис Бергкамп	Арсенал
Април	Арсен Венгер	Арсенал	Фредрик Јунгберг

Годишни награди

Гивен

Финан

Фердинанд

Хупија

Бриџ

Пирес

Кин

Виера

Гигс

Анри

ван Нистелрој

ПФА Тим на годината

Награда	Добитник	Клуб
Менаџер на сезоната во Премиер лигата	Арсен Венгер	Арсенал
Играч на сезоната во Премиер лигата	Фредрик Јунгберг	Арсенал
ПФА Фудбалер на годината	Руд ван Нистелрој	Манчестер Јунајтед
ПФА Млад играч на годината	Крег Белами	Њукасл Јунајтед
АФН Фудбалер на годината	Робер Пирес	Арсенал

ПФА Тим на годината
Голман	Шеј Гивен (Њукасл Јунајтед)
Одбрана	Стив Финан (Фулам)			Рио Фердинанд (Лидс Јунајтед)			Сами Хупија (Ливерпул)			Вејн Бриџ (Саутхемптон)
Среден ред	Робер Пирес (Арсенал)			Рој Кин (Манчестер Јунајтед)			Патрик Виера (Арсенал)			Рајан Гигс (Манчестер Јунајтед)
Напад	Руд ван Нистелрој (Манчестер Јунајтед)						Тјери Анри (Арсенал)

Надворешни врски

• rsssf.com (уред.). „England 2001-02“ (англиски).
• „Premier League 2001/2002“.