Потсдам-Мителмарк

Потсдам-Мителмарк
*Landkreis Potsdam-Mittelmark*
Потсдам-Мителмарк; Landkreis Potsdam-Mittelmark;
	округ
Знаме	Грб
Земја	Германија
Покраина	Бранденбург
Седиште	Бад Белциг
Површина
• Вкупна	2,575,4 км2 (994,4 ми2)
Население (31 декември 2022)
• Вкупно	222.570
• Густина	86/км2 (220/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	PM
Мреж. место	potsdam-mittelmark.de

Потсдам-Мителмарк (германски: Potsdam-Mittelmark) — округ во западниот дел на сојузната покраина Бранденбург, Германија. Се граничи со (од север надесно) округот Хафеланд, слободните градови Бранденбург на Хафел и Потсдам, сојузната покраина Берлин, округот Телтов-Флеминг и окрузите Витенберг, Анхалт-Битерфелд и Јерихов во Саксонија-Анхалт.

Географија

Округот го вклучува јужниот тек на реката Хафел и северните делови на Флеминг (пошумен ридски масив). Постојат три природни паркови во округот: Природен парк Горен Флеминг, Природен парк Нуте-Ниплиц и Природен парк Западен Хафеланд.

Историја

Округот бил создаден во 1993 со спојување на претходните окрузи Белциг, Бранденбург-Ланд и Потсдам-Ланд.

Грб

Грбот е поделен на четири полиња. Горниот лев дел прикажува црвен орел како симбол на Бранденбург. Трите дабови листови во горниот десен дел ги симболизираат дабовите шуми, но исто така и трите претходни окрузи, кои биле споени за да го создадат денешниов. Во долниот десен дел се два бискупски клучеви, кои ја претставуваат бискупијата Бранденбург. Црно-златните ленти во долниот лев дел се симбол на Саксонија и симболизираат дека областа околу Белциг, Брик, Визенбург и Нимегк припаѓала на Саксонија до 1815.