Шпре-Ниса

Шпре-Ниса
Spree-Neiße
Шпре-Ниса; Spree-Neiße;
	Округ
Земја	Германија
Покраина	Бранденбург
Адм. цент.	Форст (Лужица)
Површина
• Вкупна	1,647.8 км2 (636.2 ми2)
Население (31 декември 2018)
• Вкупно	114.429
• Густина	69/км2 (180/ми2)
Часовен појас	CET (UTC+1)
• Лете (DST)	CEST (UTC+2)
Рег. таб.	SPN
Мреж. место	www.landkreis-spree-neisse.de

Шпре-Ниса (германски: Spree-Neiße) — округ (Kreis) во јужниот дел на сојузната покраина Бранденбург, Германија. Соседни окрузи се (од југ надесно) окрузите Бауцен и Герлиц во Саксонија, окрузите Горен Шпревалд-Лужица, Даме-Шпревалд и Одра-Шпре. Слободниот град Котбус е целосно опкружен од округот. На исток се наоѓа Полска.

Географија[уреди | уреди извор]

Округот се наоѓа во областа Лужица. Реката Шпре тече низ округот, додека реката Лужичка Ниса ја создава источната граница, која во исто време претставува и граница со Полска.

Историја[уреди | уреди извор]

Округот бил создаден во 1993 со спојување на претходните окрузи Котбус, Форст, Губен и Шпремберг.

Грбот прикажува четири полиња посветени на претходните окрузи. Речниот рак во горниот лев дел го претставува округот Котбус и е исто така присутен во грбот на градот Котбус. Лавот во горниот десен дел е симбол на Кралството Бохемија, бидејќи Шпремберг бил посед на бохемиските кралеви. Рогот од елен во долниот десен дел го претставува Форст и бил преземен од грбот на грофовите Биберштајн. Круната во долниот лев дел ги претставува повторно кралевите од Бохемија, но овој пат претставувајќи го Губен.