Барним

Барним
Барним;
	округ
Знаме	Грб
Земја	Германија
Покраина	Бранденбург
Седиште	Еберсвалде
Површина
• Вкупна	1,494 км2 (577 ми2)
Население (31 декември 2022)
• Вкупно	191.849
• Густина	130/км2 (330/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	BAR
Мреж. место	www.barnim.de/

Барним (германски: Barnim) — округ во сојузната покраина Бранденбург, Германија. Се граничи со (од исток надесно) Полска, округот Меркиш-Одерланд, сојузната покраина Берлин и окрузите Горен Хафел и Укермарк.

Историја

Името „Барним“ се појавило во 13 век и се однесувало на големата шумска област источно од Хафел и северно од Шпре, каде благородниците оделе да ловат. Сегашниот округ е приближно ист, но малку помал, со оваа историска област.

Округот бил основан во 1993 со спојување на поранешните окрузи Бернау и Еберсвалде.

Географија

Барним се протега од реката Одра до предградијата на Берлин. Реката Одра ја создава источната граница. Оттука водат Каналот Одра-Хафел (ги поврзува Одра и Хафел) и историскиот Финовски Канал до Еберсвалде и натаму. Деловите северно од овие вештачки водни патишта се наречени Шорфхајде. Ова е шумска област со неколку големи езера, како Вербелинско Езеро (8 км²), Гримницско Езеро (8 км²) и Парштајнско Езеро (10 км²). Шорфхајде е биосферен резерват на УНЕСКО, каде се наоѓаат ретки животни како белоопашестиот орел, големиот орел кликач, орелот-рибар, црниот штрк, дабарот и видрата.

Грб

Грбот на округот го прикажува грбот на поранешниот округ Горен Барним. Единствена разлика е што стариот имал две половина, горната сребрена, а долната црвена, додека моменталниот е поделен на четири делови и во десната половина постојат црвената и сребрената боја. Орелот во горната половина е орелот на Бранденбург.