Воздушен поглед на Аренсфелде (напред) со станбените згради од Берлин-Марцан (во позадина)Воздушен поглед на Аренсфелде (напред) со станбените згради од Берлин-Марцан (во позадина)
Аренсфелде (германски: Ahrensfelde) — општина во округот Барним, во Бранденбург, Германија. Се наоѓа на самата граница со Берлин, на околу 13 километри североисточно од центарот на градот. Општината се состои од селата Аренсфелде, Блумберг, Ајхе, Линденберг и Меров.
Аренсфелде, како соседното село Ајхе, бил првпат споменат во земјишната книга од 1375, откако бил припоен кон Маркгрофовијата Бранденбург две години претходно. Меѓутоа, најстарото село е Блумберг, некогаш посед на Бискупијата Бранденбург, кој првпат бил споменат како Блуменберх во 1253. Дворецот Блумберг бил преземен од поетот и дипломат Фридрих фон Каниц кон крајот на 17 век, а подоцна бил повторно изграден по плановите на Карл Фридрих Шинкел, а паркот проектиран од Петер Јозеф Лене. Бил уништен од страна на Црвената армија во текот на Битката кај Берлин 1945. Историчарот на уметноста Адолф Бетихер е роден во Блумберг.
Во 1908, гробиштата Аренсфелде биле основани од Евангелистичката црква на Пруската унија како гробно место надвор од Берлин. Делови од општината близу железничката станица биле премногу изградени и конечно припоени кон округот Марцан, дел од Источен Берлин, во 1990. Денешната општина била основана со спојување на Аренсфелде, Блумберг, Ајхе и Линдеберг на 26 октомври 2003.
