Укермарк (округ)

Од Википедија — слободната енциклопедија
Прејди на прегледникот Прејди на пребарувањето
Оваа статија е за округот во Германија. За историската област, видете Укермарк. За информации околу истоимениот нацистички концентрациски камп, видете Укермарк (концентрациски камп).
Укермарк
Landkreis Uckermark

Округ
Brandenburg um.png
Земја Германија
ПокраинаБранденбург
Адм. цент.Пренцлау
Површина
 • Вкупна3,058.2 км2 (1,180.8 ми2)
Население (31 декември 2016)[1]
 • Вкупно120.878
 • Густина40/км2 (100/ми2)
Часовен појасCET (UTC+1)
 • Лете (DST)CEST (UTC+2)
Рег. таб.UM
Мреж. местоhttp://www.uckermark.de

Укермарк (германски: Uckermark) — округ (Kreis) во североисточниот дел на сојузната покраина Бранденбург, Германија. Соседни окрузи се (од југ надесно) Барним и Горен Хафел, окрузите Мекленбуршка Езерска Област и Западна Померанија-Грајфсвалд во Мекленбург-Западна Померанија и на исток Полска. До создавањето на округот Мекленбуршка Езерска Област во 2011 бил најголем округ во Германија гледано според територија. Округот е именуван по историската област Укермарк.

Географија[уреди | уреди извор]

Укермарк е именуван по реката Укер, која е притока на Одра. Реката Одра ја создава полската граница, до каде се протега и округот. Во округот се наоѓаат 600 езера и реки во вкупна должина од 2.800 километри. Ретки диви животни сè уште живеат во езерската област, како орел-рибар, дабар и видра.

Западните делови на националниот парк Долна долина на Одра се наоѓаат во округот.

Историја[уреди | уреди извор]

Crystal Clear app xmag.svg Главна статија: „Укермарк.

Укермарк бил првично поделен помеѓу административните единици Укеркрајс и Штолпиришер Крајс. Во 1817 како дел од покраината Бранденбург бил создаден трет округ во областа, округот Ангерминде, а другите два окрузи биле преименуван во Пренцлау и Темплин. Сегашниот округ Укермарк бил создаден во 1993 со спојување на претходните окрузи Ангерминде, Пренцлау и Темплин, како и некогашниот слободен град Швет.

Грб[уреди | уреди извор]

Грб Главна одлика на грбот се градбите од тули во округот— црквите на Пренцлау и Ангерминде. Градскиот ѕид подолу потсетува на многуте војни во Средниот век. Двата кружни прозорци во кулата на црква ја претставуваат поделбата на два окрузи пред реформата во 1817, трите готски прозорци ја претставува следната поделба. На градскиот бедем се два штита — еден со грифин на Померанија, другиот со орелот на Бранденбург. Брановитата линија во горниот дел ги претставува главните реки во округот, Одра, Рандов и Укер. Жолтата боја на позадината го претставува земјоделството во округот, бидејќи Укермарк бил житница на Бранденбург. Грбот бил создаден од Ханс Бентин и бил официјално донесен на 8 ноември 1995.

Градови и општини[уреди | уреди извор]

Слободни градови Општински заедници
  1. Ангерминде
  2. Лихен
  3. Пренцлау
  4. Швет
  5. Темплин


Слободни општини

  1. Бојценбургер Ланд
  2. Нордвестукермарк
  3. Укерланд

1. Брисов (амт)

  1. Брисов1, 2
  2. Кармцов-Валмов
  3. Гериц
  4. Шенкенберг
  5. Шенфелд

2. Гарц (Одра)

  1. Казеков
  2. Гарц1, 2
  3. Хоензелхов-Грос Пинов
  4. Мешерин
  5. Тантов

3. Герсвалде

  1. Флит-Штегелиц
  2. Герсвалде1
  3. Милмерсдорф
  4. Митенвалде
  5. Темен-Рингенвалде

4. Грамцов

  1. Грамцов1
  2. Гринов
  3. Оберукерзе
  4. Рандовтал
  5. Укерфелде
  6. Цихов

5. Одра-Велзе

  1. Беркхолц-Мајенбург
  2. Марк Ландин
  3. Пасов
  4. Пинов1
  5. Шенеберг
1седиште на општинската заедница;2град

Наводи[уреди | уреди извор]

Надворешни врски[уреди | уреди извор]

Координати: 53°15′N 13°52′E / 53.250° СГШ; 13.867° ИГД / 53.250; 13.867