Телтов-Флеминг

Телтов-Флеминг
Teltow-Fläming
Телтов-Флеминг; Teltow-Fläming;
	Округ
	; Грб
	; Грб
Земја	Германија
Покраина	Бранденбург
Адм. цент.	Лукенвалде
Површина
• Вкупна	2,092 км2 (808 ми2)
Население (31 декември 2018)
• Вкупно	168.296
• Густина	80/км2 (210/ми2)
Часовен појас	CET (UTC+1)
• Лете (DST)	CEST (UTC+2)
Рег. таб.	TF
Мреж. место	teltow-flaeming.de

Телтов-Флеминг (германски: Teltow-Fläming) — округ (Kreis) во југозападниот дел на Бранденбург, Германија. Соседни окрузи се (од исток надесно) Даме-Шпревалд, Елба-Елстер, окрузите Витенберг во Саксонија-Анхалт, округот Потсдам-Мителмарк и главниот град и покраината Берлин.

Географија[уреди | уреди извор]

Округот е именуван по двете главни области. Телтов е земјоделски појас јужно од Берлин. Флеминг е пошумен ридски масив во јужниот дел; делот од областа сместен во округот е наречен Долен Флеминг, додека Горен Флеминг се наоѓа во округот Потсдам-Мителмарк.

Историја[уреди | уреди извор]

Округот бил создаден во декември 1993 со спојување на претходните окрузи Лукенвалде, Јитербог и Цосен, но исто така и мали делови од другите поранешни окрузи, како Лукау.

Разно[уреди | уреди извор]

Во периодот од 1997 до 2001, округот имал најголем пораст на БДП од сите окрузи во Германија со стапка од 56,1%.^[2]

Флеминг-Скејт („Fläming-Skate“) — 160 километри долга патека специјализирана за возење ролерки, единствена од таков вид во Германија.

Интересно, градот Телтов не е дел од округот Телтов-Флеминг, како што и градот Даме не е дел од округот Даме-Шпревалд.

Грб[уреди | уреди извор]

Грбот го покажува орелот на Бранденбург во левиот дел, бидејќи маркгрофовите на Бранденбург започнале да владеат со северниот и северозападниот дел на округот во 13 век. На десно е бастунот на игуменот. Ја симболизира верската држава Магдебург, на која припаѓале јужниот и средишниот дел на округот. Црнобелата шаховница потекнува од династијата Торгов, кои ја поседувале областа околу Цосен до 1478.