Лукау

Од Википедија — слободната енциклопедија
Прејди на: содржини, барај
Лукау
Градското собрание во Лукау
Градското собрание во Лукау
Грб на Лукау
Лукау се наоѓа во Германија
Лукау
Управа
Земја Германија
Покраина Бранденбург
Округ Даме-Шпревалд
Градоначалник Хари Милер (Ind.)
Основни податоци
Површина 206,38 км2
Надм. височина 65 м
Население 9.533 (31 декември 2015)[1]
 - Густина 46 жит/км2
Други информации
Часовен појас CET/CEST (UTC+1/+2)
Рег. табл. LDS
Пошт. бр. 15926
Повик. бр. 03544
Портал www.luckau.de
Местоположбата на градот Лукау во рамките на округот Даме-Шпревалд
Карта
Координати 51°51′00″ СГШ 13°43′00″ ИГД / 

Лукау (германски: Luckau, долнолужички: Łuków) е град во округот Даме-Шпревалд, во сојузната покраина Бранденбург, Германија. Поради неговата убавина бил наречен „Бисер на Долна Лужица“.

Потекло на името[уреди | уреди извор]

Името има лужички корени со значење на мочуриште или водена ливада, кои соодвествуваат на околината.

Историја[уреди | уреди извор]

Црква Св. Никола во Лукау

Најстариот зачуван документ во кој се спомнува градот Лукау (користејќи го словенското име Луков) потекнува од годината 1276. Градот во подем станал еден од главните градови на Долна Лужица во 1492.

Со одредбите на Прашкиот мир во 1635 во текот на Триесетгодишната војна, Маркгрофството Долна Лужица била припоено кон Изборното кнежество Саксонија, чија територија дотогаш припаѓала на Бохемија.

Во текот на Триесетгодишната војна, Швеѓаните го утврдиле градот како главна база. Претрпел огромни штети како последица на постојаните борби.

На 4 јуни 1813 во текот на Наполеонските војни, предноста на француската армија била запрена со победата на руско-пруските сили и било склучено примирје во Плесвиц. Ова било кратко нарушено на 6 јуни со престрелката во борбата кај Лукау.

Додека наредил преглед на неговите трупи, Наполеон преноќил во Лукау во 1813.

Како последица на Виенскиот конгрес во 1815, Долна Лужица била предадена на Прусија, маркгрофството било распуштена, а самата област и градот Лукау биле припоени кон покраината Бранденбург.

Од 1816 до 1993 Лукау имал статус на окружен град. Сега е дел од руралниот округ Даме-Шпревалд, чиј главен град е Либен. Лукау е добро познат по својата бања (Moorbad), уште од почетокот на 20 век.

Знаменитости[уреди | уреди извор]

Органата во црквата Св. Никола
  • Лутеранска црква Св. Никола

Готската двојна соборна црква била изградена во текот на периодот од 1375 до 1437. При пожарот на црквата во 1644 голем дел од средновековниот мебел бил уништен. Обновата на внатрешноста била предводена од архитектите Печ и Бергт во богат барокен стил. Органата, која е особено убава, била поставена од компанијата за органи во Лајпциг, Донат, во текот на 1672 - 1674. Околу 2002 биле преземени одредени реконструктивни зафати.

Капела Св. Ѓорѓи со кулата Хаусман
  • Кула Хаусман со капелата Св. Ѓорѓи

Капелата и нејзиниот двор биле изградени во текот на 14 век, користени само за секуларни цели од Реформацијата.

Црвената кула, остаток од градските ѕидини
  • Градски ѕидини

Голем дел од старите градски ѕидини од 13 и 14 век биле зачувани. Особено прекрасна е Црвената кула (Roter Turm).

Фасада на куќа на плоштадот
  • Барокни куќи

Убавиот плоштад е опкружен со бројни барокни градби. Некои од овие куќи се богати украсени од италијанските градители.

  • Градско собрание

Градското собрание (Rathaus) било изградена во 17 век и подоцна изменето во неокласичен стил.

Сообраќај[уреди | уреди извор]

Лукау се наоѓа на сојузниот автопат A87 (Торгау-Франкфурт на Одра), A96 (Берлин-Цитау) и A102 (од Бранденбург на Хафел преку Јитербог).

Постои железничка станица на линијата Берлин-Дрезден.

Сместен околу 10 километри на исток од Лукау е излезот „Дубен“ на автопат А13.

Наводи[уреди | уреди извор]

Надворешни врски[уреди | уреди извор]