Швет

Швет
Стариот град Стариот град
Швет
Управа
Земја	Германија
Покраина	Бранденбург
Округ	Укермарк
Градоначалник	Јирген Полцел (СДП)
Основни податоци
Површина	200,12 км2
Надм. височина	6 м
Население	30.189 (31 декември 2020)
- Густина	151 жит/км2
Други информации
Часовен појас	CET/CEST (UTC+1/+2)
Рег. табл.	UM
Пошт. бр.	16303
Повик. бр.	03332, 033336
Портал	www.schwedt.eu
Местоположба на градот Швет во рамките на округот Укермарк
Карта
Координати	53°03′N 14°16′E

Швет (или службено Швет/Одра; германски: Schwedt) е град во северозападниот дел на сојузната покраина Бранденбург, Германија. Тој е најголем град во округот Укермарк и е сместен на реката Одра, близу границата со Полска.

Преглед

Поранешниот земјоделски град, денес има една од најголемите нафтени рафинерии (PCK Raffinerie GmbH) во Германија, основана во 1958 и поврзана на рускиот нафтовод Дружба и ја поседува најголемата фабрика за целулоза и хартија (UPM) во Европа. Повеќето индустрии биле изградени во текот на Источна Германија во 1960-тите и 1970-тите.

Големи станбени области биле изградени за работниците кои се доселиле во Швет. Околу 9% од становите во градот се изградени во станбени блокови (Plattenbau) кои потекнуваат од тоа време. Како што многу работни места биле изгубени по повторното обединување на Германија и враќањето на пазарна економија, Швет изгубил една четвртина од населението од 1990. Во последните декади, Швет станал пример за уривање на станбените блокови со цел борба против празните станови и урбано распаѓање.

Географија

Швет се наоѓа во источниот дел на историската област Укермарк, кој се протега од реката Одра до реката Хафел. Се наоѓа на самата германско-полска граница, а областа околу градот во 1995 била прогласена за Национален парк Долна долина на Одра. Преку реката и границата, околу 10 километри југоисточно, е полскиот град Хојна (порано познат како Кенигсберг во Нојмарк). Најблиски германски градови се Ангерминде (околу 18 километри западно) и Гарц (18 километри низводно).

Градски единици

Со општинската реформа во 1974, соседното село Хајнерсдорф било припоено кон Швет, а во 1993 и селата Блуменхаген, Гатов и Кунов, потоа Кумеров во 1998, Кривен и Цицен во 2001, Штендел во 2002 и поранешниот град Фираден во 2003. Со површина од 200,12 км², Швет е помеѓу 100. најголемите општини по површина во Германија.

Историја

По големата преселба, областа била населена од Словени. Од 937 натаму, имотите на Словените на западот биле освоени од саксонските сили на маркгрофот Геро и припоени кон Источната саксонска марка, додека земјите источно од Одра биле преземени од померанските племиња под притисок на полските сили на војводата Мишко Први. Саксонската Северна марка била изгубена во Големото словенско востание во 983 и сè до 1147 земјите биле под нивна власт, кога ги освоил саксонскиот гроф Алберт, кои станале предмет на борба помеѓу Маркгрофовијата Бранденбург и Војводството Померанија.

Населбата Швет била првпат спомената во декрет од 1265. Во текот на бранденбуршко-померанскиот конфликт, бранденбуршкиот маркгроф Лудвиг Втори ја предал областа на војводата Барним Трети во 1354. Била повторно освоена од маркгрофот Фридрих Први ви 1434, но на кратко. Во 1481, грофовите од Тирингија ги освоиле имотите и му доделиле градски статус на Швет, како и на соседниот Фираден и ја вовеле реформацијата.

Подемот на Швет пристигнал кон крајот на исчезнувањето на грофовите Хонштајн во 1609 и ужасната Триесетгодишна војна, кога градот бил разрушен неколкупати. Во 1631, кралот Густав Адолф од Шведска кампувал тука пред Битката кај Брајтенфелде, додека шест години подоцна, шведскиот маршал Јохан Банер го запалил градот, откако граѓаните одбиле капитулација.

Во текот на Големата северна војна, Договорот во Швет бил потпишан во градот.

Демографија

Година Население 1830 5.297 1 декември 1875 9.592 1 декември 1880 9.899 1 декември 1890 9.801 1 декември 1910 9.482 16 јуни 1933 9.176 17 мај 1939 10.636 29 октомври 1946 5.961

Година Население 31 август 1950 6.506 31 декември 1964 19,108 1 јануари 1971 34.292 31 декември 1981 52.291 31 декември 1990 49.443 31 декември 1995 45.931 31 декември 2000 40.634 31 декември 2004 37.940

Познати луѓе

• Јерг Хофман – пливач
• Брита Штефен – пливачка

Меѓународни односи

Поврзано: Список на збратимени градови во Германија

Швет е збратимен со:

• Кошалин, Полска

Надворешни врски

•  Chisholm, Hugh, уред. (1911). „Schwedt“ . Encyclopædia Britannica (11. изд.). Cambridge University Press.
• Официјална страница (германски) (англиски)
• Страница на националниот парк (германски)
• Официјална страница на Рафинеријата (германски)