Бурлатица (Виничани)

Бурлатица — археолошко наоѓалиште во велешкото село Виничани. Претставува населба од доцноантичкото време и некропола од раниот Среден век. На 2.5 - 3км источно од селото, лево од современиот пат Скопје-Гевгелија, на површина од 1.5 хектар, во нивите се среќаваат фрагменти од керамички садови, питоси, тегули и градежен материјал. Откриени се и делови од мермерна архитектонска пластика: капители, импости, бази и др. При копањето на каналот за наводнување, точно на местото спроти утоката на Брегалница во Вардар се откриени дваесетина ранословенски гробови со конструкција од камени плочи и со богати гробни прилози. Заштитни ископувања се вршени во 1958 година. Наодите се чуваат во Народниот музеј во Велес.

Поврзано

• Абдови Карпи — населба од римското време;
• Алишовски Пат — некропола од доцноантичкото време;
• Гробовите — некропола до доцноантичкото време;
• Гумења — населба и некропола од римското време;
• Дупен Камен — осамен наод од римското време;
• Ѓургевица — населба од римското време;
• Св. Илија — населба од бронзеното време и утврдена населба од римското време;
• Тумба — некропола од доцен Среден век;
• Црква — средновековна црква и некропола;
• Виничани;
• Список на археолошки наоѓалишта во Велешко;
• Список на средновековни некрополи во Македонија;