Антонијо Милошоски

Антонијо Милошоски
Министер за надворешни работи на Македонија
На должноста 26 август 2006 – 28 јули 2011
Премиер	Никола Груевски
Претходник	Илинка Митрева
Наследник	Никола Попоски
Лични податоци
Роден(а)	29 јануари 1976 Тетово, СФРЈ денес Република Македонија
Националност	Македонец
Партија	ВМРО-ДПМНЕ
Професија	политиколог
Вероисповед	православие

Антонијо Милошоски (р. 29 јануари 1976) — македонски политичар, член на ВМРО-ДПМНЕ и поранешен Министер за надворешни работи на Република Македонија. Активно се служи со англиски и германски јазик.

Во 1994 година Милошоски матурира во гимназијата „М. Милевски”, Кичево, а во 1999 дипломира на Правниот факултет во Скопје. Во периодот 2001 - 2002 година завршува магистерски студии по евроинтеграции на Универзитетот „Fridrich Wilhelm”, Бон, Германија. Од ноември 2002 година е докторант на политички науки на универзитетот „Gerhard Merkator” во Дујсбург, Германија, каде работеше како научен соработник до 2006 г., кога прво беше избран за пратеник во Собранието на Република Македонија, а потоа и за Министер за надворешни работи на Република Македонија.

Во периодот 1999–2000 г. е шеф на кабинетот на потпретседателот на Владата на Република Македонија, Доста Димовска. Во периодот од мај 2000 до септември 2001 г. е портпарол на Владата на Република Македонија. Од 2004 до 2006 г. е редовен колумнист во дневниот весник „Утрински весник”, а претходно, во периодот јануари - мај 2000 г., пишува колумни во весникот „Дневник”.

Бил потпретседател на УМС на ВМРО-ДПМНЕ, 1997-98, и член на ИК на УМС на ВМРО-ДПМНЕ 1995-97 г. Од 2005 година е член на Извршниот комитет на ВМРО-ДПМНЕ. Антонијо Милошоски е еден од основачите на „Младинскиот евроатлантски форум” – МЕАФ. Член е на „Sudosteuropa Geselshaft”, германско академско здружение, кое се занимава политичко-економските случувања во југоисточна Европа.

Од 2006 г. е Министер за надворешни работи на Република Македонија. По Парламентарните избори во 2011 г. изјавил дека се повлекува од местото министер за надворешни работи.

Наводи

Политички функции
Претходник Илинка Митрева	Министер за надворешни работи на Македонија 2006-2011	Наследник Никола Попоски