Арбен Таравари
Арбен Таравари | |
---|---|
Премиер | Зоран Заев |
Претходник | Никола Тодоров |
Наследник | Венко Филипче |
Градоначалник на Општина Гостивар | |
На должноста 1 ноември 2017 – во служба | |
Претходник | Невзат Бејта |
Министер за здравство | |
На должноста 1 јуни 2017 – 31 октомври 2017 | |
Претседател на Алијанса за Албанците | |
На должноста 24 декември 2022 – 18 февруари 2024 | |
Лични податоци | |
Роден(а) | 9 април 1973 Гостивар, СР Македонија, СФРЈ |
Националност | Македонец |
Народност | Албанец |
Партија | Алијанса за Албанците |
Сопружник | Нора Таравари (мом. Јусуфи) |
Деца | 2 |
Установа | Св. Кирил и Методиј |
Професија | невролог, политичар, државник |
Арбен Таравари (9 април 1973 во Гостивар) — македонски лекар и поранешен министер за здравство во владата од 2017. Тој моментално е градоначалник на Општина Гостивар.
Животопис[уреди | уреди извор]
Средно медицинско училиште завршил во „Панче Попоски“ во Гостивар, а дипломирал на Медицинскиот факултет при универзитетот „Св. Кирил и Методиј“ во 1998. Специјализирал неврологија во 2006, а во 2011 ја одбранил докторската дисертација од областа на Паркинсонова болест. Во 2010 година, започнал да биде редовен предавач на Медицинскиот факултет при Универзитетот Св. Кирил и Методиј. Во 2016 бил претседател на одделот на екстрапирамидални болести при универзитетската клиника за неврологија, а бил член на одборот на меѓународните медицински списанија „Mediicus“ и „Vox Medici“. Исто така бил раководител на одделението за мигрена, главоболки и други синдроми при Универзитетска клиника за неврологија.[1] Таравари е оженет со Нора Таравари и е татко на две деца. Говори албански, македонски, турски, англиски, и српски јазик.[2]
На локалните избори во 2017 година Таравари станал градоначалник на Општина Гостивар, победувајќи го својот противкандидат од редовите на ДУИ, Невзат Бејта со што станува единствен градоначалник, кој е градоначалник двапти по ред. На 29 октомври 2021 година, за време на локалните избри, Арбен Таравари победил во вториот круг и станал старо нов градоначалник на Општина Гостивар.[1] Тој ја претставувал коалицијата на Алијанса за Албанците и Алтернатива.
Книги[уреди | уреди извор]
- „Мигрени, главоболки и болни синдроми“ (2016)
- „Практикум по неврологија“ (2014)
- Клинички и генетски наоди кај болни со идиопатска Паркинсонова болест, докторска дисертација (2011)
- Клиничко-епидемиолошка студија на паркинсонизмот во Скопје: магистерски труд (2006)
- Фармако тераписки прирачник (2006)
Наводи[уреди | уреди извор]
- ↑ 1,0 1,1 „Градоначалник на општината“. Општина Гостивар. Архивирано од изворникот на 12 декември 2021. Посетено на 12 декември 2021.
- ↑ Арбен Таравари – министер за здравство Архивирано на 4 јуни 2017 г. A1on.mk (01.06.2017)
Надворешни врски[уреди | уреди извор]
- Профил на Арбен Таравари на ДР-ДПА[мртва врска] (албански)
Политички функции | ||
---|---|---|
Претходник Никола Тодоров |
Министер за здравство јуни – октомври 2017 |
Наследник Венко Филипче |
|