Арбен Таравари
| Арбен Таравари | |
|---|---|
.jpg)
| |
| Министер за здравство | |
| На должноста 23 јуни 2024 – 15 мај 2025 | |
| Претседател | Гордана Силјановска-Давкова |
| Премиер | Христијан Мицкоски |
| Претходник | Илир Демири |
| Наследник | Азир Алиу |
| На должноста 1 јуни 2017 – 29 октомври 2017 | |
| Претседател | Ѓорге Иванов |
| Премиер | Зоран Заев |
| Претходник | Никола Тодоров |
| Наследник | Венко Филипче |
| Градоначалник на Општина Гостивар | |
| На должноста 1 јуни 2017 – 23 јуни 2024 | |
| Претходник | Невзат Бејта |
| Наследник | Валбон Лимани |
| Лични податоци | |
| Роден(а) | 9 април 1973 Гостивар, СР Македонија, СФРЈ |
| Националност | Македонец |
| Народност | Албанец |
| Партија | Алијанса за Албанците |
| Сопружник | Нора Таравари (мом. Јусуфи) |
| Деца | 2 |
| Установа | Св. Кирил и Методиј |
| Професија | невролог, политичар, државник |
| Вероисповед | Ислам |
Арбен Таравари (9 април 1973 во Гостивар) — македонски лекар кој ја вршел функцијата министер за здравство од 2024 до 2025 година од редовите на АА. Тој бил поранешен градоначалник на Општина Гостивар.
Животопис
[уреди | уреди извор]Средно медицинско училиште завршил во СОУ „Панче Попоски“ во Гостивар, а дипломирал на Медицинскиот факултет при универзитетот „Св. Кирил и Методиј“ во 1998. Специјализирал неврологија во 2006, а во 2011 ја одбранил докторската дисертација од областа на Паркинсонова болест. Во 2010 година, започнал да биде редовен предавач на Медицинскиот факултет при Универзитетот Св. Кирил и Методиј. Во 2016 бил претседател на одделот на екстрапирамидални болести при универзитетската клиника за неврологија, а бил член на одборот на меѓународните медицински списанија „Mediicus“ и „Vox Medici“. Исто така бил раководител на одделението за мигрена, главоболки и други синдроми при Универзитетска клиника за неврологија.[1] Таравари е оженет со Нора Таравари и е татко на две деца. Говори албански, македонски, турски, англиски, и српски јазик.[2]
На локалните избори во 2017 година Таравари станал градоначалник на Општина Гостивар, победувајќи го својот противкандидат од редовите на ДУИ, Невзат Бејта со што станува единствен градоначалник, кој е градоначалник двапти по ред. На 29 октомври 2021 година, за време на локалните избри, Арбен Таравари победил во вториот круг и станал старо нов градоначалник на Општина Гостивар.[1] Тој ја претставувал коалицијата на Алијанса за Албанците и Алтернатива.
На претседателските избори во 2024 година, бил кандидат од Алијанса за Албанците и поддржан од Беса, Алтернатива и Демократско Движење, кој освоил 83.337 гласа или 9.46% од гласовите.
На 23 јуни 2024 година тој станал новиот министер за здравство во Кабинетот на Христијан Мицкоски од редовите на ВРЕДИ, каде бил сè до 15 мај 2025 година.[3][4][5][6]
На 15 мај 2025 година Арбен Таравари по неговата одлука да настапува независно како АА на локалните избори ја напушти владата и премина во опозиција, заедно со заменик министрите за земјоделие и одбрана.
Книги
[уреди | уреди извор]- „Мигрени, главоболки и болни синдроми“ (2016)
- „Практикум по неврологија“ (2014)
- „Клинички и генетски наоди кај болни со идиопатска Паркинсонова болест“, докторска дисертација (2011)
- „Клиничко-епидемиолошка студија на паркинсонизмот во Скопје“: магистерски труд (2006)
- „Фармако тераписки прирачник“ (2006)
Наводи
[уреди | уреди извор]- ↑ 1,0 1,1 „Градоначалник на општината“. Општина Гостивар. Архивирано од изворникот на 12 декември 2021. Посетено на 12 декември 2021.
- ↑ Арбен Таравари – министер за здравство Архивирано на 4 јуни 2017 г. A1on.mk (01.06.2017)
- ↑ „Арбен Таравари најверојатно ќе биде нов министер за здравство“. Фокус (англиски). 2024-05-27. Посетено на 2024-07-03.
- ↑ „МИНИСТЕРОТ ЗА ЗДРАВСТВО ТАРАВАРИ ЌЕ ГИ УКИНЕ ПЛАЌАЊЕТО ПО УЧИНОК И ЕКОНОМСКИТЕ ДИРЕКТОРИ“. Сакам Да Кажам. 2017-06-01. Посетено на 2024-07-03.
- ↑ „АРБЕН ТАРАВАРИ ПОДНЕСЕ ОСТАВКА ОД ФУНКЦИЈАТА МИНИСТЕР ЗА ЗДРАВСТВО“. Плусинфо. Посетено на 15 мај 2025.
- ↑ „Таравари ја напушти владата, оди во опозиција“. Плусинфо. Посетено на 15 мај 2025.
Надворешни врски
[уреди | уреди извор]- Профил на Арбен Таравари на ДР-ДПА[мртва врска] (албански)
| Политички функции | ||
|---|---|---|
| Претходник Никола Тодоров |
Министер за здравство јуни – октомври 2017 |
Наследник Венко Филипче |
| |||||||||||||||||||||||||
