Невзат Бејта

Од Википедија — слободната енциклопедија
Невзат Бејта
Градоначалник на Општина Гостивар
На должноста
2005 – 2009
Претходник ?
Наследник Руфи Османи
Градоначалник на Општина Гостивар
На должноста
2013 – 2017
Претходник Руфи Османи
Наследник Арбен Таравари
Лични податоци
Роден(а) 19 октомври 1961
с. Дуф, Гостиварско
Националност Албанец
Партија ДУИ
Установа Приштински Универзитет
Професија Дипломиран историчар
Вероисповед ислам

Невзат Бејта (роден на 19 октомври 1961 во Гостиварско) — градоначалник на Општина Гостивар во периодот од 2013 до 2017 година. На локалните избори 2013 го победил тогашниот градоначалник Руфи Османи со 1.144 гласови разлика во вториот изборен круг.[1] Тој е оженет и татко на три деца.

Животопис[уреди | уреди извор]

Основно училиште завршил во ОУ „Исмаил Ќемали“ - Гостивар, а средното во гостиварската гимназија. Дипломирал на Приштинскиот универзитет – Филозофски факултет, на отсекот по историја.

По дипломирањето, Невзат Бејта работеше како професор во ОУ „Прпарими“ во село Чегране, а од 1987 до 2002 г. беше професор по историја во гостиварската гимназија.[2]

Со политичка дејност почнал да се занимава уште од 1993 година, кога бил претседател на Културната заедница на Албанците во Македонија. Во гостиварските настани од 9 јули 1997, Невзат Бејта беше политички затвореник. Во 2001 година Бејта се приклучил во редовите на ОНА.[3]

Бејта од 2002 до 2005 година беше пратеник во Собранието на Република Македонија. Од 2005 до 2009 година беше градоначалник на општина Гостивар и потпретседател на Заедницата на единиците на локална самоуправа на Република Македонија (ЗЕЛС).[4] На локалните избори 2009 беше убедливо поразен од страна на Руфи Османи.[5] Во 2009 година беше заменик-претседател на ДУИ, а во периодот 2011-2013 бил министер за локална самоуправа во владата на Никола Груевски.[6]

По поднесената оставка на министерското место, тој по третпат се кандидирал за градоначалник на Гостивар.[7] На локалните избори одржани во март 2013 година тој славел победа над Османи и го освоил својот втор градоначалнички мандат.[8] Противкандидатот Османи најавил протести поради наводен „изборен фалсификат“ и „политички реваншизам“ за отпуштањето на вработени од претходната општинска администрација.[9][10]

На Локалните избори во 2017 година бил поразен од својот противкандидат од редовите на Алијанса за Албанците, Арбен Таравари.

Наводи[уреди | уреди извор]

  1. „Невзат Бејта е новиот градоначалник на Гостивар“. Комуникација.мк. 7 април 2013. Архивирано од изворникот на 2013-04-09. Посетено на 24 јуни 2013.
  2. „Невзат Бејта - министер за локална самоуправа“. ИдиВиди. 29 јули 2011. Посетено на 24 јуни 2013.
  3. „Галерија: И Невзат Бејта со калашников и во униформа на УЧК на Фејсбук“. Плус Инфо.мк. 21 март 2013. Посетено на 24 јуни 2013.
  4. „Невзат Бејта - министер за локална самоуправа“. МТВ. 29 јули 2011. Архивирано од изворникот на 2016-03-05. Посетено на 24 јуни 2013.
  5. „Бејта: Без добредојде за Руфи Османи“. Утрински Весник. 9 април 2009. Посетено на 24 јуни 2013.
  6. „Досегашниот министер г-дин Невзат Бејта му ја предаде функцијата на г-дин Тахир Хани, нов министер за локална самоуправа“. Министерство за локална самоуправа на РМ. 19 февруари 2013. Посетено на 24 јуни 2013.
  7. „Невзат Бејта и официјално кандидат за градоначалник на Гостивар“. Дневник. 15 февруари 2013. Архивирано од изворникот на 2013-02-17. Посетено на 24 јуни 2013.
  8. „Невзат Бејта и официјално градоначалник на Гостивар“. Sky.mk. 15 април 2013. Архивирано од изворникот на 2013-04-19. Посетено на 24 јуни 2013.
  9. „Руфи Османи: Ќе се радикализираат протестите во Гостивар“. Нова ТВ. 17 мај 2013. Архивирано од изворникот на 2016-03-06. Посетено на 24 јуни 2013.
  10. „Владата вработува, Дехари и Бејта етнички отпуштаат“. Нова Македонија. 26 април 2013. Посетено на 24 јуни 2013.

Надворешни врски[уреди | уреди извор]