К’шла (Коњух)
„К’шла“
| |
|
| |
| Местоположба | 42°06′37″N 21°57′28″E / 42.11028° СГШ; 21.95778° ИГД |
| Основни податоци | |
|---|---|
| Место | Коњух |
| Општина | Кратово |
| Тип |
|
| Период | железно време |
| римско време | |
| Портал „Археологија“ | |
.svg){kind=small}
К’шла — археолошко наоѓалиште кај кратовското село Коњух. Претставува некропола од железното и римското време.
Се наоѓа на големо широко плато што се надвиснува над десниот брег на Крива Река. На североисточниот крај се надоврзува на повисоките ритчиња покрај коритото на реката. Поради загрозеноста со изградбата на железничката пруга Куманово - Деве Баир, во 1995 г. Републичкиот завод за заштита на спомениците на културата извршил заштитно ископување. Откриени се и истражени 54 гроба, од кои 8 од железното, а останатите од раноримското време.
Раноримските гробови биле вкопани во тумул, речиси целосно уништен, од кој е откриен дел од заштитниот прстен изведен од речни бајки. Имаат конструкција од тегули на „две води“ и во нив се погребувани кремирани или закопани покојници. Од гробни прилози се најдени разни керамички садови, белезици, обетки, прстени, ѓердани и друго. Овие гробови ѝ припаѓаат на северната некропола на наоѓалиштето Големо Градиште.[1]
Поврзано[уреди | уреди извор]
- Големо Градиште — утврдена населба од доцноантичкото време и средниот век
- Златен Град — древен град
Наводи[уреди | уреди извор]
- ↑ Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 186. ISBN 9989-649-28-6.
