Ботом

Од Википедија — слободната енциклопедија
Прејди на прегледникот Прејди на пребарувањето
Ботом
The Bottom
гратче
Поглед на Ботом
Поглед на Ботом

Ботом во рамките на островот Саба
Земја Холандија
Јавно тело Саба
Население
 • Вкупно462
Часовен појасAST (UTC-4)
КлимаAw
Ботом во 1947 г.

Ботом (англиски: The Bottom), изворно: Боте (холандски: Botte) — главно и најголемо населено место на островот Саба,[1] во Карипска Холандија. Во 2001 г. гратчето имало 462 жители[2] или околу една четвртина од населението на островот. Се претпоставува дека во 2012 г. овој број се накачил на 537 трајни жители.[2]

Историја[уреди | уреди извор]

Населбата е основана во 1632 г од доселеници од холандскиот крај Зеланд, кои ја нарекле „Боте“ (De Botte), што на тогашен холандски значи „вангла“, поради котлинскиот карактер на местото, обиколено со планини. Денешното англиско име The Bottom е звучно прилагодено од изворното холандско.

Географија[уреди | уреди извор]

Боттом е сместен во југозападниот дел на островот, во подножјето на вулканската планина Синери, која со своите 877 м е највисокото место во Кралство Холандија. На 2 км на запад од Ботом се наоѓа единствената плажа на островот, во заливот Велс. На 1,5 км источно од гратчето е пристаништето на островот.

Установи[уреди | уреди извор]

Гратчето има управни служби, болница, старечки дом, спортско игралиште, три цркви, библиотека, разни продавници и медицински факултет.[1]

Настани[уреди | уреди извор]

Во Ботом има разни настани во текот на годината. Лете се одржува неколкудневен карневал наречен „Карневал на Саба“, чии шаренолики поворки се придружени од музика со челични тапани и настапи на месни изведувачи.

Друг поважен настан е Денот на Саба кога се затворени сите јавни установи и дуќани, а низ улиците има паради и други активности. На спортското игралиште се одржува концерт на кој настапуваат домашни музичари и групи од пошироките Кариби. За возрасните се приредува натпревар во риболов, а децата учествуваат во конкурс за најдобар цртеж.

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]

Координати: 17°37′34″ СГШ; 63°14′57″ ЗГД / 17.6261° СГШ; 63.2491° ЗГД / 17.6261; -63.2491