Сен Пјер (Свети Петар и Микелон)

Од Википедија — слободната енциклопедија
Сен Пјер
општина
Поглед на Сен Пјер од воздух
Поглед на Сен Пјер од воздух
Знаме на Сен Пјер
Карта

Сен Пјер во рамките на Свети Петар и Микелон
ЗемјаФранција
Прекуморска заедницаСвети Пјер и Микелон
Површина25 км2 (10 ми2)
Население (2016)15.628
 • Густина230/км2 (580/ми2)
INSEE/Пошт. бр.97502 / 97500
1 Единечно пребројување: жителите на повеќе општини (на пр. студенти и воени лица) се бројат само еднаш.
Сен Пјер зиме.

Сен Пјер (француски: Saint-Pierre, „Свети Петар“) — главно гратче на француската прекуморска заедница Свети Петар и Микелон, недалеку од брегот на Њуфаундленд, Канада. Ова е поголемата од двете општини кои ја сочинуваат заедницата.

Географија[уреди | уреди извор]

Општината е сочинета од самиот остров Сен Пјер и неколку помали острови во околината, како што е Морнарскиот (Ил о Марен). Иако опфаќа речиси 90 % од населението на Свети Петар и Микелон, оваа општина е значително помала по површина од Микелон-Ланглад, која се наоѓа североападно од неа, на островот Микелон.

Главното населено подрачје е во северниот дел на заливот, наречена Барашоа, и излегува на Атлантскиот Океан од источниот брег на островот. Приодот кон овој залив е преграден со верига од помали островчиња.

Историја[уреди | уреди извор]

Островот бил испостава на Ал Капоне во криумчарењето на алкохол од Канада во САД за време на прохибицијата.

Сè 1945 г. Морнарскиот Остров бил трета општина на територијата, кога е припоен кон Сен Пјер.

Население[уреди | уреди извор]

Според пописот од 2016 г. Сен Пјер има 5.628 жители[1], претежно од баскиско, бретонско, нормандско и акадиско потекло. Сите жители на општината живеат на самиот остров Сен Пјер.

Знаменитости[уреди | уреди извор]

Недалеку од брегот се поштата и царинарницата, а зад нив се плоштадот „Генерал Шарл де Гол“. Од неговата северна страна се наоѓа катедралата „Св. Петар“ преизградена на почетокот на XX век по голем пожар. Други знаменитости се светилникот кај старите одбранбени топови, а понасевер се поранешната болница и игралиштето „Саспијак бат“ наменето за традиционалниот баскиски спорт пелота.

Здравство[уреди | уреди извор]

Заедницата Свети Петар и Микелон има само една болница — „Франсоа Динан“, отворена во 2011 г.[2]) Други здравствени услуги можат да се добијат во старечкиот дом „Еглантин“.

Сообраќај[уреди | уреди извор]

Островот го опслужува меѓународниот аеродром кој се наоѓа јужно од градот. Ова е матично леталиште на превозникот „Ер Сен Пјер“ кој има летови до Микелон, пет градови во Канада и сезонска линија до Париз.

Образование[уреди | уреди извор]

Државни училишта
  • Претшколска установа „Детски остров“ (Ile aux Enfants) — детска градинка со јасли[3]
  • Основно училиште „Анриета Бонин“ (Henriette Bonin)[4]
  • Основно училиште „Црвен пламен“ (Feu Rouge)[5]
  • Средно училиште „Емил Летурнел“ (Henriette Bonin) — општи нижи паралелки, средна стручна спрема и виши гимназиски паралелки.
Приватни училишта
  • Претшколска установа „Алојзиј Гонзага“ (Saint-Louis de Gonzague) — детска градинка со јасли[6]
  • Основно училиште „Св. Кроазина“ (Sainte-Croisine)[7]
  • Основно училиште „Св. Одилија“ (Sainte-Odile)[8]
  • Средно училиште „Свети Христофор“ (Saint-Christophe) — нижи паралелки[9]

Збратимени градови[уреди | уреди извор]

Сен Пјер збратимен со:

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. Население на Свети Петар и Микелон според пописот од 2016 г.INSEE, преработка за 2019 г. (француски)
  2. „архивски примерок“. Архивирано од изворникот на 2017-12-31. Посетено на 2019-09-02.
  3. "Ecole maternelle Ile aux Enfants > Présentation Архивирано на 13 август 2019 г.." National Education Service of Saint Pierre and Miquelon. посет. 14 септември 2016 г.
  4. "Ecole primaire Henriette Bonin >Présentation Архивирано на 15 септември 2016 г.." National Education Service of Saint Pierre and Miquelon. посет. 14 септември 2016 г.
  5. "Ecole élémentaire du Feu Rouge >Présentation Архивирано на 13 август 2019 г.." National Education Service of Saint Pierre and Miquelon. посет. 14 септември 2016 г.
  6. "Ecole maternelle Saint-Louis de Gonzague Архивирано на 30 декември 2019 г.." National Education Service of Saint Pierre and Miquelon. посет. 14 септември 2016 г.
  7. "Petit historique Архивирано на 9 октомври 2016 г.." Ecole élémentaire Sainte-Croisine. посет. 14 септември 2016 г.
  8. Home Архивирано на 25 октомври 2016 г.. Ecole élémentaire Sainte-Odile. посет. 14 септември 2016 г.
  9. Home. Collège Saint Christophe. посет. 14 септември 2016 г.
  10. „Jumelages“. Архивирано од изворникот на 2019-04-08. Посетено на 2019-09-02.

Надворешни врски[уреди | уреди извор]

Координати: 46°46′40″ N; 56°10′40″ W / 46.7778° СГШ; 56.1778° ЗГД / 46.7778; -56.1778