Македонски претседателски избори (2014)

Македонски претседателски избори, 2014
	Ѓорге Иванов Стево Пендаровски Илјаз Халими
претседател пред изборите; Ѓорге Иванов; ВМРО-ДПМНЕ	Избран за претседател ; Ѓорге Иванов; ВМРО-ДПМНЕ

Претседателските избори во Македонија 2014 се редовни, петти, претседателски избори кои се одржаа на 13 април и 27 април 2014 година. Истовремено со вториот круг на претседателските избори се одржаа и предвремени парламентарни избори. За првпат на овие претседателски избори македонските државјани кои живеат или работат во странство имаа право да гласаат во странство.^[1]

За избор на претседател на Македонија се бореа четворица кандидати. По вториот круг победи кандидатот на ВМРО ДПМНЕ и дотогашен претседател на Македонија, Ѓорѓе Иванов.

Кандидати[уреди | уреди извор]

Следуваат кандидатите за претседател на Македонија по азбучен ред:^[2]

	кандидат	лични податоци	партија	начин на кандидатура	резултати
1.	Иванов, Ѓорге	2 мај 1960, Валандово	ВМРО-ДПМНЕ	потписи од граѓани	534.910 гласови
2.	Пендаровски, Стево	3 април 1963, Скопје	СДСМ	пратенички потписи	398.077 гласови
3.	Поповски, Зоран	8 септември 1962, Скопје	ГРОМ	потписи од граѓани	31.368 гласови
4.	Халими, Илјаз	1954, Сушиќе, Косово	ДПА	потписи од граѓани	38.966 гласови

Кандидирање[уреди | уреди извор]

Актуелниот претседател на Македонија до 2014 година, Ѓорге Иванов успешно собрал 10.000 потписи на 1 март 2014 година. Свои 10.000 потписи поднеле и кандидатите Зоран Поповски од ГРОМ и Илијаз Халими од ДПА. Кандидатот за претседател на СДСМ, Стево Пендаровски, добил потписи од пратениците на опозицијата. ДУИ одлучи да ги бојкотира претседателските избори, бидејќи ВМРО-ДПМНЕ не го прифати нивниот предлог за избор на „консензуален кандидат“.^[3]

Покрај овие кандидати, 10.000 потписи собираа и Стојанче Ангелов од Достоинство, како и професорката Билјана Ванковска. И двајцата не успеаја да ги соберат потребните потписи за поднесување своја кандидатура на изборите.^[4]

Резултати[уреди | уреди извор]

Прв круг[уреди | уреди извор]

Првиот круг се одржал на 13 април 2014.^[5] Водство во првиот круг остварил Иванов со освоени 448.303 гласови односно 51,65%, додека второпласиран бил Пендаровски со 326.069 гласови или 37,57% од избирачите кои гласале.^[6]

Втор круг[уреди | уреди извор]

Вториот круг се одржа на 27 април 2014 година. Во него се пласираа кандидатите Ѓорѓе Иванов и Стево Пендаровски. Победи кандидатот на ВМРО-ДПНМЕ Ѓорѓе Иванов со освоени 534.910 гласови наспроти кандидатот на СДСМ Стево Пендаровски со 398.077 гласови.

Кандидат	Партија	Прв круг		Втор круг
Кандидат	Партија	Бр. на гласови	%	Бр. на гласови	%
Ѓорге Иванов	ВМРО-ДПМНЕ	449.442	51,69	534.910	55,28
Стево Пендаровски	Социјалдемократски сојуз на Македонија	326.164	37,51	398.077	41,14
Илијаз Халими	Демократска партија на Албанците	38,966	4,48
Зоран Поповски	Граѓанска опција за Македонија	31.368	3,61
Неважечки ливчиња		23.677	–	34.707	–
Вкупно		869.547	100	967.676	100
Право на глас/излезност		1.779.572	48,86	1.779.572	54,36
Извор: прв круг, ДИК^{[мртва врска]}, втор круг, ДИК^{[мртва врска]}

Наводи[уреди | уреди извор]

Поврзано[уреди | уреди извор]

Надворешни врски[уреди | уреди извор]

Прирачник за претседателски избори 2014
^[мртва врска] Претседателски избори во Македонија, 2014, ДИК

[1] „Дијаспората за првпат ќе гласа на претседателски избори во Македонија“

[2] „Четворица кандидати во претседателската трка“

[3] ДПА: Повикот на ДУИ за бојкот пропадна.

[4] Ангелов и Ванковска испаднаа – четворица кандидати во трка за претседател?

[5] Решение за распишување претседателски избори

[6] Десницата слави триумф, за опозицијата борбата не е завршена

[1]

[2]

[3]

[4]

[5]

[6]