Вранинци

Од Википедија — слободната енциклопедија
Прејди на прегледникот Прејди на пребарувањето
Вранинци
Вранинци is located in Македонија
Вранинци
Местоположба на Вранинци во Македонија
Координати 41°57′38″N 22°26′17″E / 41.96056° N; 22.43806° E / 41.96056; 22.43806Координати: 41°57′38″N 22°26′17″E / 41.96056° N; 22.43806° E / 41.96056; 22.43806
Регион Logo of Eastern Region, North Macedonia.svg Источен
Општина Coat of arms of Kočani Municipality.svg Кочани
Население 10 жит.
(поп. 2002)
Пошт. бр. 2300
Повик. бр. 033
Шифра на КО 13006
Надм. вис. 539 м
Вранинци на општинската карта
Вранинци во Општина Кочани.svg

Атарот на Вранинци во рамките на општината


Вранинци — село во Општина Кочани, во околината на градот Кочани.

Географиja и местоположба[уреди | уреди извор]

Селото се наоѓа североисточно од Кочанската Котлина. Поточно, Вранинци лежи на падините на Осогово и е на 6 км североисточно од градот Кочани.

Историja[уреди | уреди извор]

Во XIX век Вранинци било дел од Кочанската каза на Отоманското Царство.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Облешево живееле 175 жители, сите Македонци.[1]

Според егзархискиот секретар Димитар Мишев, во 1905 година во Вранинци имало 160 Македонци, под врховенството на Бугарската егзархија.[2]

Според пописот од 2002 година, Вранинци — село во фаза на целосно раселување и има само 10 жители, сите Македонци.[3]

На табелата е прикажана состојбата на населението во сите пописни години:[4]

Година 1900 1905 1948 1953 1961 1971 1981 1991 1994 2002
Население 175[1] 160[2] 217 223 215 153 53 11 24 10

Родови[уреди | уреди извор]

Вранинци е македонско село.

Според истражувањата од 1959 година, родови во селото се:

  • Во маалото Село се родовите: Динчинци (6 к.), Џалевци (4 к.), Коларци (3 к.) и Прждевци (3 к.) Потеклото на родовите Динчинци и Џалевци е од околината на Врање во Србија. Коларци се доселени од селото Дулица кај Македонска Каменица. А не се знае од каде е родот Прждевци.
  • Во маалото Грамаѓа се родовите: Митковци (4 к.) и Динчинци (2 к.). Митковци се доселени од некое село Д. Трола во околината на Штип?, односно најверојатно од селото Трооло во околината на Пробиштип. Динчинци се гранка од истоимениот род во маалото Село.
  • Во маалото Огражденик се родовите: Тренчевци (4 к.), Динчинци (3 к.) и Миладиновци (1 к.). За потеклото на родот Тренчевци не се знае ништо. Динчинци се гранка од истоимените родови во маалата Село и Грамаѓа. А Миладиновци се доселени од селото Мишино, сега раселено.
  • Во маалото Старо Село е родот: Прждевци (1 к.) кои се гранка од истоимениот род во маалото Село.[5]

Самоуправа и политика[уреди | уреди извор]

Изборно место[уреди | уреди извор]

Селото е опфатено во изборното место бр. 894 според Државната изборна комисија, сместени во просториите на шумска куќичка на п.о.с за шумарство "осогов" на селото Речани.[6]

На претседателските избори во 2019 година, на ова изборно место биле запишани вкупно 8 гласачи.[7]

Наводи[уреди | уреди извор]

  1. 1,0 1,1 Васил Кънчов. „Македония. Етнография и статистика“. София, 1900, стр.227.
  2. 2,0 2,1 D.M.Brancoff. "La Macedoine et sa Population Chretienne". Paris, 1905, р.132-133.
  3. Попис на населението, домаќинствата и становите во Република Македонија, 2002 - Книга X
  4. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  5. Трифуноски, Јован (1970). Кочанска Котлина. Скопје: Универзитетска печатница.
  6. „Описи на ИМ“. Посетено на 6 ноември 2019.
  7. „Претседателски избори 2019“. Посетено на 6 ноември 2019.

Надворешни врски[уреди | уреди извор]

Сателитска снимка на Вранинци на Карти на Google