Ојтин

Од Википедија — слободната енциклопедија
Прејди на: содржини, барај
Ојтин
Ојтински замок
Ојтински замок
Грб на Ојтин
Ојтин се наоѓа во Германија
Ојтин
Управа
Земја Германија
Покраина Шлезвиг-Холштајн
Округ Источен Холштајн
Градоначалник Клаус-Дитер Шулц
Основни податоци
Површина 41,4 км2
Надм. височина 33 м
Население 16.979 (31 декември 2015)[1]
 - Густина 410 жит/км2
Други информации
Часовен појас CET/CEST (UTC+1/+2)
Рег. табл. OH
Пошт. бр. 23701
Повик. бр. 04521
Портал www.eutin.de
Местоположбата на градот Ојтин во рамките на округот Источен Холштајн
Карта
Координати 54°08′16″ СГШ 10°37′05″ ИГД / 

Ојтин (германски: Eutin) — град и административно седиште на округот Источен Холштајн, сместен во северната сојузна покраина Шлезвиг-Холштајн, Германија.

Историја[уреди | уреди извор]

Името Ојтин (првично Утин) е од словенско потекло. Неговото значење не е целосно јасно; веројатно е изведено од личното име „Ута“. Словенското племе Ободрити се населиле во источен Холштајн во VII и VIII век и изградиле замок на Островот на Фазаните во езеро, сега наречено Големо Ојтинско Езеро.

Првичната словенска населба Утин (Utin) била населена во XII век од холандски доселеници. Во 1156 година, Ојтин добил пазарни права. Градските права му биле доделени во 1257 година. Подоцна станал седиште на Принц-Епископијата Либек, откако самиот Либек бил слободен царски град. Кога епископијата била секуларизирана во 1803 година, Ојтин станал дел од Војводството Олденбург. Како последица на Законот за голем Хамбург од 1937 година, Ојтин преминал од Слободната Држава Олденбург на пруската Покраина Шлезвиг-Холштајн. По Втората светска војна, станал дел од современата сојузна покраина Шлезвиг-Холштајн.

Ојтин е родното место на композиторот Карл Марија фон Вебер. Во негова чест бил изграден отворен театар (Freilichtbühne) во паркот на Ојтинскиот замок во 1951 година, каде се изведуваат неколку опери во текот на јули и август за време на Ојтинскиот фестивал. Капацитетот на отворената сцена е околу 2.000 луѓе.

Ојтин е домаќин на годишниот блуз фестивал на почетокот на секое лето. Локални музичари, како и музичари од светот, настапуваат на тридневниот фестивал, кој се одржува на главниот плоштад во центарот на градот.

Географија[уреди | уреди извор]

Главниот плоштад во Ојтин

Ојтин е опкружен од бројни езера во Холштајнска Швајцарија, вклучувајќи ги Големото Ојтинско Езеро, Малото Ојтинско Езеро, Келерското Езеро и Уклајско Езеро. Околу езерата се наоѓаат прекрасни шуми.

Историски градби[уреди | уреди извор]

  • Старата воденица Ојтин
  • Ојтински замок
  • Водена кула
  • Музеј за Источен Холштајн

Познати жители[уреди | уреди извор]

Меѓународни односи[уреди | уреди извор]

Поврзано: Список на збратимени градови во Германија

Ојтин е збратимен со следниве градови:

Наводи[уреди | уреди извор]

Надворешни врски[уреди | уреди извор]