Козбунар

**Козбунар**
	Козбунар
	Поглед на куќите долж регионалниот пат 2431;
	Козбунар Местоположба на Козбунар во Македонија Козбунар на карта
	Координати 41°43′36″N 22°28′20″E / 41.72667° СГШ; 22.47222° ИГД
Регион	Југоисточен
Општина	Радовиш
Област	Јуруклак
Население	3 жит.; (поп. 2021)
Пошт. бр.	2420
Повик. бр.	032
Шифра на КО	22025
Надм. вис.	1.050 м
	Козбунар на општинската карта ; Атарот на Козбунар во рамките на општината
	Козбунар на Ризницата

Козбунар — село во Општина Радовиш, во околината на градот Радовиш.

Според пописот од 2002 година, селото имало население од 17 жители,^[2] со што селото се вбројува во мали села во областа на Конче и Радовиш.^[3]

Географија и местоположба

Селото се наоѓа во крајниот северен дел на територијата на Општина Радовиш, чиј атар се издига до сртот на планината Плачковица, каде што се допира со подрачјето на Општина Виница.^[4] Селото е планинско, сместено на надморска височина од 1.050 метри. Селото се наоѓа северно од градот Радовиш, оддалечено 12 километри.^[4]

Во близина на самото село поминува регионалниот пат 2431, каде се наоѓаат повеќе новоизградени куќи.

Историја

Според бројните археолошки наоѓалишта во близина на селото, може да се потврди дека во атарот на селото постоел живот уште во дамнина.^[5]

Стопанство

Атарот на селото е релативно голем и зафаќа простор од 29 км², при што преовладуваат шумите со површина од 2.539 хектари, на обработливото земјиште отпаѓаат 209 хектари, а на пасиштата 125 хектари.^[4]

Во основа, селото има полјоделско-шумарска функција.^[4]

Население

Население во минатото

Година	Нас.	±%
1948	401	—
1953	436	+8.7%
1961	236	−45.9%
1971	118	−50.0%
1981	52	−55.9%

Година	Нас.	±%
1991	36	−30.8%
1994	23	−36.1%
2002	17	−26.1%
2021	3	−82.4%

Според статистиката на Васил К’нчов („Македонија. Етнографија и статистика“) од 1900 година, Козбунар имало 190 жители, сите Македонци.^[6] По податоци на секретарот на егзархијата, Димитар Мишев („La Macédoine et sa Population Chrétienne“) од 1905 година во Козбунар (Kozbounar) имало 216 жители.^[7]

Според германска карта издадена во 1941 година, а заснована на пописот на Кралството Југославија од 1931 година, селото имало 350 Македонци.^[8]

Козбунар е мало село по големина, коешто во 1961 година броело 236 жители, додека во 1994 година само 23 жители, македонско население.^[4]

Според пописот од 2002 година, во селото Козбунар живееле 17 жители, сите Македонци.^[2]

Според последниот попис од 2021 година, во селото живееле 3 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	60	—	401	436	236	118	52	36	23	17	3

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Родови

Козбунар е македонско село.

Според истражувањата на Бранислав Русиќ во 1928 година родови во селото:^[13]

Доселеници: Омарци со Крстовци и Ристовци (12 к.), доселени се во XVIII век од Кратовско; Каровци (8 к.), доселени се од Кратовско; Стојановци и Домазетовци (3 к.), и тие се од Кратовско; Николовци (5 к.), исто така од Кратовско; Димитријевци (8 к.), доселени од Кратовско; Мановци (2 к.) и Коцировци (8 к.), доселени се, но не знаат од каде.

Општествени установи

Месна заедница

Самоуправа и политика

Во XIX век, Козбунар било село во Радовишката каза на Отоманското Царство.

Селото влегува во рамките на Општина Радовиш, која била проширена по новата територијална поделба на Македонија во 2004 година. Во периодот од 1996-2004 година, селото било исто така во рамките на Општина Радовиш.

Во периодот од 1965 до 1996 година, селото се наоѓало во рамките на големата општина Радовиш. Селото припаѓало на некогашната општина Радовиш во периодот од 1955 до 1965 година.

Во периодот 1952-1955, селото било во рамките на тогашната Радовишка градска општина, во која покрај селото Козбунар, се наоѓале градот Радовиш и селата Аликоч, Коџалија, Парналија, Раклин, Супурге и Шипковица. Во периодот 1950-1952, селото претставувало седиште на некогашната Општина Козбунар, каде влегувале селата Козбунар и Шипковица.

Избирачко место

Во селото постои избирачкото место бр. 1606 според Државната изборна комисија, сместено во просториите на месната заедница. Во избирачкото место влегува и селото Ново Село.^[14]

На претседателските избори во 2019 година, на ова избирачко место биле запишани вкупно 8 гласачи.^[15] На локалните избори во 2021 година, на ова избирачко место биле запишани вкупно 6 гласачи.^[16]

Културни и природни знаменитости

Археолошки наоѓалишта^[5]

Градиште — сакрална градба од средниот век;
Јурго — населба од средниот век; и
На Друм — некропола-тумули од железното време.

Цркви

Црква „Св. Троица“ — главна селска црква.

Личности

Починати во Козбунар

Дане Трајков — партизан^[17]

Наводи

↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
↑ ^2,0 ^2,1 „Попис на Македонија“ (PDF). Завод за статистика на Македонија. 2002. Посетено на 1 јуни 2016.
↑ Атанасов, Зоранчо (2011). Инфраструктурни одлики на населените места во општините Радовиш и Конче (PDF). стр. 65–77. Посетено на 16 јануари 2022.
↑ ^4,0 ^4,1 ^4,2 ^4,3 ^4,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 152. Посетено на 17 јануари 2022.
↑ ^5,0 ^5,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 328. ISBN 9989-649-28-6.
↑ К’нчов, Васил. „Македонија. Етнографија и статистика“. Софија, 1900, стр. 234.
↑ Brancoff, D.M. "La Macédoine et sa Population Chrétienne". Paris, 1905, pp.138-139.
↑ „200K Volkstumskarte Jugoslawien“.
↑ К’нчов, Васил. „Македонија. Етнографија и статистика“. Софија, 1900
↑ Brancoff, D.M. „La Macédoine et sa Population Chrétienne“. Paris, 1905.
↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
↑ Русиќ, Бранислав. Радовишка Област. Архивиски фонд на МАНУ к-9,AE 116/II I.
↑ „Описи на ИМ“. Архивирано од изворникот на 2023-08-17. Посетено на 29 декември 2019.
↑ „Претседателски избори 2019“. Архивирано од изворникот на 2019-12-29. Посетено на 29 декември 2019.
↑ „Локални избори 2021“. Архивирано од изворникот на 2021-12-02. Посетено на 17 јануари 2022.
↑ „Општина Радовиш | ОДБЕЛЕЖАНИ 75 ГОДИНИ ОД СМРТТА НА ДЕДО ДАНЕ ТРАЈКОВ“. radovis.gov.mk. Архивирано од изворникот на 2022-01-18. Посетено на 2022-01-18.

Поврзано

Надворешни врски

Козбунар на Ризницата ^?

[Попис2021-1] „Пописна слика на населените места во Македонија, Попис 2021“. Државен завод за статистика. Посетено на 22 декември 2022.

[попис-2] 2,0 ^2,1 „Попис на Македонија“ (PDF). Завод за статистика на Македонија. 2002. Посетено на 1 јуни 2016.

[книга-3] Атанасов, Зоранчо (2011). Инфраструктурни одлики на населените места во општините Радовиш и Конче (PDF). стр. 65–77. Посетено на 16 јануари 2022.

[енциклопедија-4] 4,0 ^4,1 ^4,2 ^4,3 ^4,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 152. Посетено на 17 јануари 2022.

[АрхеоКарта-5] 5,0 ^5,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 328. ISBN 9989-649-28-6.

[6] К’нчов, Васил. „Македонија. Етнографија и статистика“. Софија, 1900, стр. 234.

[7] Brancoff, D.M. "La Macédoine et sa Population Chrétienne". Paris, 1905, pp.138-139.

[8] „200K Volkstumskarte Jugoslawien“.

[К’нчов-9] К’нчов, Васил. „Македонија. Етнографија и статистика“. Софија, 1900

[Бранков-10] Brancoff, D.M. „La Macédoine et sa Population Chrétienne“. Paris, 1905.

[макстат-11] „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.

[макстат2-12] „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.

[13] Русиќ, Бранислав. Радовишка Област. Архивиски фонд на МАНУ к-9,AE 116/II I.

[14] „Описи на ИМ“. Архивирано од изворникот на 2023-08-17. Посетено на 29 декември 2019.

[15] „Претседателски избори 2019“. Архивирано од изворникот на 2019-12-29. Посетено на 29 декември 2019.

[16] „Локални избори 2021“. Архивирано од изворникот на 2021-12-02. Посетено на 17 јануари 2022.

[17] „Општина Радовиш | ОДБЕЛЕЖАНИ 75 ГОДИНИ ОД СМРТТА НА ДЕДО ДАНЕ ТРАЈКОВ“. radovis.gov.mk. Архивирано од изворникот на 2022-01-18. Посетено на 2022-01-18.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]