Стрисовци

Од Википедија — слободната енциклопедија
Стрисовци
Куќи во Стрисовци.jpg

Куќи во селото Стрисовци

Стрисовци is located in Македонија
Стрисовци
Местоположба на Стрисовци во Македонија
Стрисовци на интерактивна карта

Координати 41°57′57.96″N 22°05′51″E / 41.9661000° СГШ; 22.09750° ИГД / 41.9661000; 22.09750Координати: 41°57′57.96″N 22°05′51″E / 41.9661000° СГШ; 22.09750° ИГД / 41.9661000; 22.09750
Регион Logo of Eastern Region, North Macedonia.svg Источен
Општина Coat of arms of Probištip Municipality.svg Пробиштип
Население 54[1] жит.
(поп. 2002)
Пошт. бр. 2210
Повик. бр. 032
Шифра на КО 21031
Надм. вис. 490 м
Стрисовци на општинската карта
Стрисовци во Општина Пробиштип.svg

Атарот на Стрисовци во рамките на општината
Commons-logo.svg Стрисовци на Ризницата


Стрисовци — село во Општина Пробиштип, во Злетовско-пробиштипскиот регион, во околината на градот Пробиштип.

Географија и местоположба[уреди | уреди извор]

Селската чешма

Селото се наоѓа на крајниот западен дел на територијата на Општина Пробиштип, чиј атар се допира со подрачјето на Општина Свети Николе.[2] Селото е рамничарско, сместено на надморска височина од 490 метри.[2]

До селото се стигнува преку регионалниот пат 1205, преку исклучување во самиот град Пробиштип, а потоа патот продолжува преку селото Плешенци и Долни Стубол, каде повторно се исклучува и до селото води асфалтен пат.

Стопанство[уреди | уреди извор]

Главна дејност на селото е комбинирано фармерство(земјоделство и сточарство)каде се одгледуваат околу 2000 до 3000 овци,100 грла крави(буши)и мал број на кози.Интересен е податокот дека во ова село сѐ уште може да најдете кокошки кои живеат на дрвa, односно не користат кокошарници од затворен тип и се адаптирани на големите климатски разлики кои се движат од -20 до +45 степени.Исто така не ретко се случува да домашните свињи кои ги има во скоро секоја куќа,во време на парење да се одметнувааат и се опрасуваат во околните ридови по што се враќаат кај сопствениците.Од земјоделските култури најзастапени се житните култури,граорот,вишните и лозјата, кои во секое домаќинство имаат култен статус.Месечните трошоци на домаќинствата се многу мали затоа што секое домаќинство има сопствени енергетски,водни и други ресурси кои обезбедуваат евтин и стабилен живот.Во селото има и приватна земјоделска задруга која ја обработува државната земја на површини од околу 500 до 900 ха.Има асфалтен пат,сопствен водовод,атмосферска канализација,телефон. Селото има добри услови за развој на комбинираното фармерство а во иднина се претпоставува дека ќе прерасне во Рурален Туристички Регион со мотели и хотели каде ќе се нудат чиста и здрава храна,чист воздух и одмор типичен за вакви средини.

Демографија[уреди | уреди извор]

Според статистиката на Васил К’нчов („Македонија, Етнографија и статистика“) од 1900 година, во Стрисовци живееле 500 жители, сите Турци.[3]

Според пописот од 2002 година, во селото Стрисовци живеат 54 жител, сите Македонци.[4]

На табелата е прикажана состојбата на населението во сите пописни години:[5]

Година 1900 1948 1953 1961 1971 1981 1991 1994 2002
Население 500[3] 433 448 401 287 177 90 86 54

Родови[уреди | уреди извор]

Стрисовци е македонско село.

Доселеници од Горно Барбарево: Шукевци-Фудулци, Дејановци, Чулевци, Сатиевци, Голубановци, Балабановци, Барборковци и Стојчевци.

Доселеници од Долно Барбарево: Ѓорчевци, Каревци, Гаџевци, Богоевци, Чупевци, Каракашци.

Помеѓу 1935-1936 година, како резултат на спроведената аргарна реформа, во Стрисовци се населуваат родовите: Герџовци (од Лесново), Клупчарци (од Горно Кратово), Парговци (од Крилатица), Куковци (од Опила), Бошавци (од Псача) и Бојковци-Јанковци (од Луке).[6]

Општествени установи[уреди | уреди извор]

Самоуправа и политика[уреди | уреди извор]

Избирачко место[уреди | уреди извор]

Во селото постои избирачкото место бр. 1561 според Државната изборна комисија, сместени во просториите на основното училиште.[7]

На претседателските избори во 2019 година, на ова избирачко место биле запишани вкупно 15 гласачи.[8]

Културни и природни знаменитости[уреди | уреди извор]

Редовни настани[уреди | уреди извор]

4о дена по Велигден(Спасовден)е слава на селото.На овој ден роднините и пријателите на луѓето кои живеат овде ,се собираат во домашна атмосфера и го прославуваат овој ден со чашка ракија и печено јагне.

Личности[уреди | уреди извор]

Култура и спорт[уреди | уреди извор]

Иселеништво[уреди | уреди извор]

Во 70те и 80те години од минатиот век од селото почнуваат да се иселуваат голем број на луѓето и својата издршка да ја бараат надвор од него.Главни одредишта им се;Пробиштип,Св.Николе,Белград,Скопје,Штип и Куманово.Но во 2001 во селото почнуваат да се враќаат и да ги реставриаат старите куќи и имоти.За викендите,во селото доаѓаат роднините на мештаните кои помагаат во извршување на земјоделските работи.Интересно е да се спомене дека од ова село произлегле многу интелектуалци кои останале да работат во Белград,Скопје и Пробиштип но и тие полека пројавуваат интерес за враќање во родните огништа.Печалбари има и во Швајцарија,но и тие полека се враќаат и ги уредуваат имотите.Со новата Аграрна политика предводена од ВМРО-ДПМНЕ и СП,се пројавува интерес за обработување на земјата и зголемувања на стадата.

Наводи[уреди | уреди извор]

  1. „Попис на Македонија“ (PDF). Завод за статистика на Македонија. 2002. Посетено на 27 ноември 2022.
  2. 2,0 2,1 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 288.
  3. 3,0 3,1 Кънчов, Васил. Македония. Етнография и статистика, София, 1900, стр. 222.
  4. Попис на населението, домаќинствата и становите во Република Македонија, 2002 - Книга X
  5. „Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година)“. Државен завод за статистика.
  6. Апостолов, Александар, Кондев, Тодор и Апостол Керамидчиев. Злетовска област. Географско-историски осврт, Скопје 1974, с. 120-122 (автор на раздела – Т. Кондев).
  7. „Описи на ИМ“. Посетено на 3 ноември 2019.
  8. „Претседателски избори 2019“. Посетено на 3 ноември 2019.

Надворешни врски[уреди | уреди извор]