Горнопровансалски Алпи

Горнопровансалски Алпи Alpes-de-Haute-Provence
Департман
Грб
Местоположба на Горнопровансалските Алпи во Франција
Координати: 44°0′N 6°10′E
Земја	Франција
Регион	Прованса-Алпи-Азурен Брег
Префектура	Дињ ле Бен
Потпрефектури	Барселонет Кастелан Форкалкје
Управа
• Прет. на Ген. совет	Рене Масет (СП)
Површина
• Вкупна	6.925 км2 (2,674 ми2)
Население (2007)
• Вкупно	156.067
• Ранг	94ти
• Густина	23/км2 (58/ми2)
Час. појас	CET (UTC+1)
• Лето (ЛСВ)	CEST (UTC+2)
Департман бр.	04
Окрузи	4
Кантони	30
Општини	200
^1 Податоци од Катастарот на Франција. Не се вбројуваат речни устија, езера, бари и ледници поголеми од 1 км2

Горнопровансалските Алпи (фр. Alpes-de-Haute-Provence, окс. Aups d'Auta Provença) се департман во јужниот дел на Франција, некогаш дел од областа Прованса.

Историја

„Северна Прованса“ бил еден од 83-те департмани утврдени за време на Француската револуција (4 март 1790). Потоа бил преименуван во „Горна Прованса“ и „Долни Алпи“.

Во 1793 е создаден департманот Воклиз од делови на департманите Устие на Рона, Дром и Долни Алпи.

Во 1970 департманот Долни Алпи е преименуван во „Горнопровансалски Алпи“.

Географија

Горнопровансалските Алпи се планинска област со врвови над 2.400 m. Климата е мошне сува и пуста, но и покрај тоа овоштарството е важна гранка, благодарение на системите за наводнување.

Департманот се граничи со департманите Горни Алпи, Приморски Алпи, Вар, Воклиз и Дром, како и Република Италија.

Позначајни реки се: Диранс, Вердон, Блеона, Ибе, Вар, Биеш, Жаброн и Ларг.

Окрузи и кантони

Горнопровансалски Алпи се поделени на 4 окрузи, 30 кантони и 200 општини. Најважно населено место е административниот центар (префектура) Дињ ле Бен.

Туризам

Прекрасните пејзажи на областа нудат разни туристички активности. Единаесет села се сметаат за места со особен архитектонски карактер. Еве некои значајни места:

• Местото Систерон со мошне стара тврдина и тесни сокаци
• Вердонската Клисура („Големиот Кањон“ на Европа)
• Дињ ле Бен - бањски град
• Мустје-Сент-Мари - место познато по грнчарството
• катедралата во Форкалкје

Лете во оконите планини се практикуваат разни воздушни спортови како параглајдерството, летањето со делтаплан, едриличарството и сл. Зиме работат единаесет скијачки центри.

Поврзано

• Кантони во Горнопровансалските Алпи
• Општини во Горнопровансалските Алпи
• Окрузи во Горнопровансалските Алпи

Надворешни врски

• Горнопровансалски Алпи на Curlie (англиски)
• Страница на Генералниот совет Архивирано на 27 септември 2015 г. (француски)
• Страница на префектурата Архивирано на 22 јуни 2005 г. (англиски)
• Подробни информации за областа (француски)
• Водич низ Горнопровансалските Алпи Архивирано на 27 септември 2011 г. (англиски)