Бистренци

Од Википедија — слободната енциклопедија
Прејди на прегледникот Прејди на пребарувањето
Бистренци
Бистренци is located in Македонија
Бистренци
Местоположба на Бистренци во Македонија
Координати 41°26′48″N 22°12′02″E / 41.44667° СГШ; 22.20056° ИГД / 41.44667; 22.20056Координати: 41°26′48″N 22°12′02″E / 41.44667° СГШ; 22.20056° ИГД / 41.44667; 22.20056
Општина Општина Демир Капија
Население 364 жит.
(поп. 2002)
Пошт. бр. 1442
Надм. вис. 110 м
Бистренци на општинската карта
Бистренци во Општина Демир Капија.svg

Атарот на Бистренци во рамките на општината

Бистренци — село во Општина Демир Капија, во околината на градот Демир Капија.

Географиja и местоположба[уреди | уреди извор]

Селото Бистренци се наоѓа на 7 км од далеченост од општинскиот центар Демир Капија во чии што општински рамки во моментов припаѓа. Низ селото поминува регионалниот пат Демир КапијаНеготино. Селото е лоцирано во Демиркаписката Клисура, на левата страна од реката Вардар, на 110 до 140 м надморска височина. Пристапниот пат кој поминува низ централниот дел од селото е асфалтен и е дел од регионалниот пат Демир КапијаНеготино, додека локалните улици низ селото се земјени.


Историja[уреди | уреди извор]

Бистренци е село со богата историја.Поради самата местоположба во Центарот на Тиквешијата односно Повардарието во Бистренци се срекаваат повеќе култури.За време на турското ропство Бистренци било турско село.Името го добило во чест на двете сестри Дубљана и Бисера.Сестрите за да не бидат потурчени се фрлиле од селската Џамија и се убиле.Во нивна чест селото се поделило на два дела и едниот дел се викал Дубљани а другиот Бистренци.Со тек на времето Дубљани останало неразвиено и се поврзало со Бистренци кое до ден денес си го зачувало името.После првата светска војна во Бистренци се доселиле Словенци од Приморскиот дел на Словенија.Тука живееле 35 семејства изградиле, Католичка Црква и оставиле голем културен и историски белег на Бистренци.Интересен податок од историјата на Бистренци е и тоа што во Бистренци има три верски објекти.Има Православна Црква Св.Петка во која се одржуваат обреди од православните Македонци.Има Католичка Црква Св.Јосив која неодамна се реновира,не се одржуваат миси затоа што нема или има многу малку католици што живеат во селото.Во селото има и Џамија која истотака е реновирана и во неа се служат обреди од муслиманска вероисповест. Според горенаведеното Бистренци е едно од ретките села каде што има три различни верски објекти. Во Бистренци е отворена првата Керамидарница во Тиквешијата за производство на таканаречените Турски Керамиди од кои сѐ уште се среќаваат на некои постари куќи или помошни простории.

Економија[уреди | уреди извор]

Населението претежно се занимава со земјоделие мал дел со сточарство.Многу малку има вработени а останатиот дел е повеке со земјоделие.Нјамногу се произведува мелен црвен пипер.Во последно време доста развиено е и лозарството и раноградинарското производство на домати пиперки и краставици. Најголем проблем е тоа што нема организиран откуп на овие производи.

Демографија[уреди | уреди извор]

Според пописот од 2002 година, во Бистренци живеат 364 жители од кои:[1]

Националност Број
Македонци 324
Албанци 0
Турци 38
Роми 0
Власи 0
Срби 2
Бошњаци 0
други 0

Има некаде околу 10% муслимани (турци и албанци) мал број на Срби, Власи и други. Несогласувања во врска со националноста нема, нема верска нетрпеливост, а за тоа сведочат дружењето помеѓу луѓето и заедничкиот живот.

Родови[уреди | уреди извор]

Бистренци било муслиманско македонско село.

Родови во селото биле:

  • Староседелци: Мејсијовци (5 к.), Памперијовци (3 к.), Хусковци (1 к.), Топчијовци (1 к.), Тулумовци (1 к.), Ќеримовци (1 к.), Хаџијовци (4 к.), Нолбантиновци (1 к.), Кардашовци (1 к.), Плочаровци (1 к.), Шајиновци (1 к.), Шикаловци (1 к.), Горевци (1 к.), Латовци (1 к.), Ајвазовци (1 к.), Далиповци (2 к.), Тајировци (5 к.), Јузбашијовци (1 к.), Ѓеневци (1 к.), Неџбијовци (1 к.), Усталијовци (1 к.), Ушиновци (11 к.), Икевци (4 к.), Хаџи-Усиновци (3 к.), Ќиловци (5 к.) и Џаферовци-Масаревци (3 к.)
  • Доселеници:
  • Мало Аметовци (3 к.) доселени се од Старо Село кое се наоѓало во близина.
  • Домазетовци (2 к.) доселени се од селото Корешница.
  • Ваковци (2 к.) доселени се од селото Дамјан кај Радовиш. По потекло се Јуруци.
  • Мамутогулари (2 к.) доселени се од селото Долни Промет. По потекло се Јуруци.
  • Ибрајимовци (1 к.) доселени се од селото Корешница, а таму од селото Бесвица.
  • Сулијовци (1 к.) доселени се од селото Долни Дисан.
  • Брендовци (1 к.) доселени се од селото Вешје.
  • Календаровци (1 к.) доселени се од селото Дубјани.
  • Шунтевци (1 к.) доселени се од селото Прждево.
  • Зуберовци (1 к.) доселени се од Неготино.
  • Мало-Реџеповци (1 к.) доселени се од селото Барово.
  • Муратогулари (1 к.) доселени се од селото Криволак, а таму од селото Дуница. По потекло се Јуруци.
  • Мола Асановци (2 к.) доселени се од селото Долни Дисан.
  • Муаџировци (1 к.) доселени се од селото Бесвица. А подалечно потекло од Босна (по татко).
  • Ибрајимлар (1 к.) доселени се од селото Пештерница. А таму од селото Иберли. По потекло се Јуруци.
  • Киселинковци (1 к.) доселени се од селото Корешница.
  • Абдиловци (1 к.) доселени се од селото Бохула. Хусеин ја продал куќата и дошол кај заедно со семејството кај неговата ќерка.
  • Асановци (1 к.) доселени се од селото Бохула.[2]

Општествени институции[уреди | уреди извор]

Општествени институции се основно училиште и Месна Заедница Бистренци.составена од Претседател и Советници, Која сѐ уште одлично функционира,под нејзино раководство е снабдуванјето со вода за пиење, водоводот се одржува редовно и што е најважно секаде има рестрикција и недостиг за вода а во Бистренци ја има редовно и во доволни количини.Освен снабдувањето со вода за пиење задницата се грижи за одржавање на другите инфраструктурни објекти.канализација ,спомен парк,улично осветлување и учествува во решавање на ред други проблеми во селото.Главен и Одговорен во месната заедница е Претседателот.

Културни и природни знаменитости[уреди | уреди извор]

Личности[уреди | уреди извор]

Култура и спорт[уреди | уреди извор]

Редовни настани[уреди | уреди извор]

Веќе пет години по ред се одржува Традиционален Петровденски Турнир во мал Фудбал и Риболов, од година на година турнирот е се поорганизиран со поголем број на екипи и станува се поинтересен. Исто така се организира прослава по повод празникот Василица.Поточно на 13 јануари вечерта се пали оган на сред село се избира кум се печи месо се јаде и се пие до раните утрински часови,сето тоа е проследено со жива музика.Утредента група млади исклучиво машки се маскираат во таканаречени ЏАЛАМАРИ и одат во секоја куќа со песна и оро ги благословуваат домаќините за возврат добиваат подароци во храна пари и др.Собраните продукти се припремаат за свечена вечера на која присуствуваат членовите на групата -Џаламарите и други жители на селото.Во секој случај е доста интересно.

Иселеништво[уреди | уреди извор]

Надворешни врски[уреди | уреди извор]

Наводи[уреди | уреди извор]

  1. http://www.stat.gov.mk/publikacii/knigaX.pdf Попис во Македонија 2002. - Книга 10.
  2. Радовановиќ, Воислав. Тиквеш и Раец. 
  3. Нестороска, Билјана. „Нудам дискусија за цркви на плоштади во Македонија“, Вест (посет. 2 октомври 2010 г). (на македонски)