Антонио Петров

Од Википедија — слободната енциклопедија
Прејди на прегледникот Прејди на пребарувањето

Антонио Петров е германски архитект, теоретичар, куратор и професор на бостонскиот универзитет „Харвард.[1]“ Потекнува од демиркапиското село Бистренци и во Македонија е актуелен поради учеството на неколку архитектонски форуми како и на тој на проектот Скопје 2014.[2] Во САД работи на полето на историјата и теоријата на архитектурата и урбаниот и дигитален дизајн.[3]

Биографија[уреди | уреди извор]

Петров е роден во Германија од родители Македонци. Неговиот татко е роден во Бистренци и со неговата мајка живееле во Демир Капија. После дипломирањето во Германија, тој живеел во Турција, Шпанија и во Франција и на крај во Чикаго, САД, каде ги завршил магистерските студии како стипендист на Фулбрајт. Тој има дипломи за надворешна трговија, архитектура и урбан дизајн од Германија и магистратура архитектура на Институтот за технологија во Илиноис. Неговиот докторат е на тема „(не)материјалноста и просторното присуство на мега и метацрквите во Северна Америка“.[4] Тој, исто така е член на одборот на директори на „Extension Gallery“ во Чикаго и е директор на WAS, интердисциплинарна пракса на архитекати, урбанисти и графички дизајнери, со студија во Чикаго и Берлин. Добитник е на бројни меѓународни награди во натпревари за дизајн и неговата работа е објавувана и изложувана на повеќе меѓународни манифестации.[5]

Наводи[уреди | уреди извор]

  1. „Doctor of Design Doctoral Students“ (англиски). Harvard University - Graduate School of Design. конс. 2010-10-02. 
  2. „Overview of the round table participants:“ (англиски). Форум Скопје. конс. 2010-10-02. 
  3. „„АФТЕРШОК НА ПОСТМОДЕРНИЗМОТ“ ВО СКОПЈЕ“ (македонски). Култура во Македонија. 04.06.2009. конс. 2010-10-02. 
  4. Нестороска, Билјана. „Нудам дискусија за цркви на плоштади во Македонија“, Вест (посет. 2 октомври 2010 г). (на македонски)
  5. „Affiliated Visiting Fellows“ (англиски). Harvard University. конс. 2010-10-02. 

Надворешни врски[уреди | уреди извор]