Религија во Гвинеја
Религијата во Гвинеја има значајна улога во секојдневниот живот на луѓето во земјата. Постојат поголем број на религиозни групи, а најголеми се исламот и христијанството. Околу 85% од населението се муслимани а 8% се христијани додека 7% припаѓаат на останатите религиозни групи или се нерелигиозни, според податоци на CIA factbook[2]. Според ARDA, 84.8% се муслимани, 3.7% се христијани, и 11.3% се анимисти[3].
Ислам[уреди | уреди извор]
Најголемиот дел од муслиманите се сунити кои припаѓаат на Маликиската школа, под влијание на суфизмот, додека има и верници од редот Тиџанија и Кадирија[4][5].
Исламот се проширил од неговото родно место во Арапскиот Полуостров во Африка. Сундијата Кеита (1217-1255), основач на Царство Мали (кое опфаќало дел на денешна Гвинеја, како и други земји), не бил муслиман, но од 1300 година неговите наследници го прифатиле исламот[6]. Десеттиот владетел на империјата, Муса I (1280-1337), исламот го направил државна религија[6] .
Фута Џалон, планински регион на Гвинеја, станал упориште на исламот од крајот на 17 век.[7]. Имаматот Фута Џалон, муслиманска теократска држава, била основана околу 1725 година[8].
Во времето на колонијалната ера, во 1891 година била основана Француска Гвинеја, но новата власт имала мала улога во влијанието на религијата[6]. По прогласувањето на независност во 1958 година, првиот претседател на земјата, со марксистички погледи, се обидел да го намали влијанието на исламот, но неговата популарност се намалила и во 1970 година тој морал да започне преговори со муслиманските институции за озаконување на неговото владеење[4]. Во 1982 година била изградена Големата џамија во главниот град Конакри, со финансии од саудискиот крал[9]. Оваа џамија е најголемата џамија во Западна Африка, со внатрешен просор кој може да се собере 10.000 верници[10].
Христијанство[уреди | уреди извор]
Христијанството е втора најголема религија во земјата. Таа вклучува верници од Римокатолици, англиканци, Баптисти, Евангелисти, Адвентисти и други припаници. Јеховини сведоци се активни во земјата и признати од страна на Владата[2].
Верско насилство[уреди | уреди извор]
Во јули 2013 година започнале етничко-религиозни борби во градот Нзерекоре[11] помеѓу етничката група Кпеле кои се христијани или анимисти, и етничката група Конијанке, кое се муслимани. Во конфликтот загинале најмалку 54 луѓе[12].
Наводи[уреди | уреди извор]
- ↑ „архивски примерок“. Архивирано од изворникот на 2015-09-19. Посетено на 2017-06-30.
- ↑ 2,0 2,1 "Guinea 2012 International Religious Freedom Report", US State Department, Bureau of Democracy, Human Rights and Labor.
- ↑ „Guinea“. ARDA. Архивирано од изворникот на 2017-02-13. Посетено на 25 May 2016.
- ↑ 4,0 4,1 Esposito, John L. (21 October 2004). The Oxford Dictionary of Islam. Oxford University Press. стр. 97. ISBN 9780199757268. Посетено на 17 November 2016.
- ↑ „Guinea 2013 Religious Freedom Report“ (PDF). United States Department of State.
- ↑ 6,0 6,1 6,2 Hill, Margeri. „The Spread of Islam in West Africa: Containment, Mixing, and Reform from the Eighth to the Twentieth Century“. Freeman Spogli Institute for International Studies.
- ↑ Camara, Mohamed S. „Nation Building and the Politics of Islamic Internationalism in Guinea: Toward an Understanding of Muslims' Experience of Globalization in Africa“. Embry–Riddle Aeronautical University.
- ↑ Davidson, Basil (29 October 2014). West Africa Before the Colonial Era: A History to 1850. Routledge. стр. 86. ISBN 9781317882657.
- ↑ „Conakry: Capital of Islamic Culture in the African Region for 2011“. Islamic Educational, Scientific and Cultural Organization. Архивирано од изворникот на 2018-12-05. Посетено на 2017-06-30.
- ↑ Justin Schamotta. „Famous Places in Guinea, Africa“. USA Today.
- ↑ „"Guinea's Conde appeals for calm after 11 killed in ethnic clashes", Reuters, July 16, 2013“. Архивирано од изворникот на 2014-10-06. Посетено на 2017-06-30.
- ↑ "Guinean troops deployed after deadly ethnic clashes", BBC Africa, 17 July 2013.
| ||||||||||||||||||