Хамбург-Мите

Од Википедија — слободната енциклопедија
Прејди на: содржини, барај
Хамбург-Мите
Округ во Хамбург
Hamburg center Binnenhafen
Hamburg center Binnenhafen
Хамбург-Мите се наоѓа во Германија
Хамбург-Мите
Управа
Земја Германија
Покраина Хамбург
Град Хамбург
Округ единици 22 квартови
Основни податоци
Површина 107 км2
Население 233.144  (31 декември 2006)
 - Густина 2.179 жит/км2
Други информации
Часовен појас CET/CEST (UTC+1/+2)
Рег. табл. HH
Повик. бр. 040
Местоположба на Хамбург-Мите во рамките на Хамбург
Карта
Координати 53°33′01″ СГШ 9°59′39″ ИГД / 

Хамбург-Мите (буквално: Хамбург-Центар) се наоѓа во Слободниот и ханзеатски град Хамбург, Германија е еден од седумте окрузи на Хамбург, покривајќи го поголемиот дел од урбаниот центар на градот Хамбург. Квартовите Хамбург-Алтштат (буквално: Хамбург-Стар град) и Нојштат (буквално: Нов град) се историските јадра на Хамбург.

Историја[уреди | уреди извор]

Хамбург во 18-от век, Millerntor во Занкт Паули, Хамбург (Црквата Свети Михаил во градот)

Во 1937 неколку населби (н.п. Финкенвердер), села и рурални области се припоиле кон Хамбург, по влегувањето во сила на Законот за голем Хамбург.

На 1 март 2008, поради законот во Хамбург,[1], квартот Вилхелмсбург бил преместен од округот Харбург. Соседството Хафен Сити било создадено од делови на квартовите Клостертор, Алтштат и Ротенбургсорт. Другиот дел на Клостертор бил припоен кон Хамерброк. Од мали делови на округот Хамбург-Мите (и Алтона и Ајмсбител) соседството Штерншанце било создадено како кварт во округот Алтона.

Географија[уреди | уреди извор]

Округот го прекинува Хамбург од исток кон запад. Во 2006, според статистичкото биро на Хамбург и Шлезвиг-Холштајн, Хамбург-Мите имал вкупна површина од 107,1 км².

Се состои од квартовите Билброк, Билштет, Боргфелде, Финкенвердер, Хафен Сити, Хамбург-Алтштат, Хам-Норд, Хам-Мите, Хам-Зид, Хамерброк, Хорн, Клајнер Грасброк, Нојштат, Нојверк, Ротенбургсорт, Занкт Георг, Занкт Паули, Штајнвердер, Федел, Валтерсхоф и Вилхелмсбург.

Демографија[уреди | уреди извор]

Во 2006, во округот живееле 233.144 луѓе. Густината на населеност била 2.177 жители на км². 14,9% биле деца под 18 години, а 15,6% имале 65 или повеќе години. 43% биле со имигрантско потекло[2]. 17.550 лица биле регистрирани како невработени.[3]

Во 1999, имало 126.753 домаќинства од кои 17,9% имале деца под 18 години кои живееле со нив, а 52,4% од сите домаќинства биле составени од еден член. Просечната големина на домаќинството била 1,83.[4]

Население по години[3]

1987 1988 1989 1990 1991 1992 1993 1994 1995 1996 1997 1998 1999
232.467 235.759 242.434 249.156 250.585 252.695 251.965 248.802 246.374 242.029 237.648 230.542 228.349
2000 2001 2002 2003 2004 2005 2006 2007 2008 2009
228.060 227.199 227.915 228.117 227.557 230.680 233.114

Во 2006, имало 71.559 кривични дела во округот (307 дела на 1000 жители).[5]

Окружен парламент[уреди | уреди извор]

Симултано со изборите за покраинскиот парламент (Bürgerschaft), се избира и Bezirksversammlung како тело на претставници на граѓаните. Се состои од 53 претставници.

Поврзано: Окрузи и квартови во Хамбург#Окрузи

Избори[уреди | уреди извор]

Изборите биле одржани во Хамбург на 24 февруари 2008. Четири партии, кои имале над 5 проценти на неодамнешните избори (минимум за избори) се социјалдемократската SPD, конзервативната CDU, еколошката Зелена партија (GAL) и левата Die Linke. Либералната FDP имала 2 директно избрани претставници.[6]

Германски графикон за местата во окружниот парламент во Хамбург-Мите
Партија Проценти Места
SPD 37,2 17
CDU 31,6 21
GAL 13,2 7
Die Linke 10,2 6
FDP 4,2 2

Образование[уреди | уреди извор]

Округот има 31 основно училиште и 31 средно училите.[7]

Култура[уреди | уреди извор]

Рекреација[уреди | уреди извор]

Planten un Blomen (Растенија и цвеќиња) е парк, кој се наоѓа во квартовите Занкт Паули и Нојштат. Во квартот Билштет се наоѓа езерото Öjendorfer See.

Економија[уреди | уреди извор]

Објектите на пристаништето Хамбург главно се наоѓаат во квартовите Клајнер Грасброк, Штајнвердер, Федел и Вилхелмсбург.

Инфраструктура[уреди | уреди извор]

Главната локална канцеларија (Bezirksamt Hamburg-Mitte) се наоѓа на улицата Клостервал и има уште други 4 локални бироа, наречени Customer Centre Hamburg-Mitte, Customer Centre Billstedt, Customer Centre St. Pauli и Customer Centre Wilhelmsburg. Бироата се одговорни меѓудругото за пријавување на жителите поради студирање или работа по влегувањето во државата.

Здравствен систем[уреди | уреди извор]

Има 125 дневни центри за деца и 536 лекари во приватни ординации и 72 аптеки.[7] Asklepios Klinik St. Georg, која се наоѓа во квартот Занкт Георг, е главната болница во Хамбург-Мите.

Сообраќај[уреди | уреди извор]

Округот е опслужуван од железничкиот систем на градските возови и подземната железница со неколку станици. Централната станица Hamburg Hauptbahnhof е исто така железничка станица за возови на подолги дестинации на германската железничка компанија.

Според секторо на моторни возила (Kraftfahrt-Bundesamt), во округот Хамбург-Мите биле регистрирани 66.381 приватно возила (290 возила на 1000 жители).[7] Имало вкупно 2.432 сообраќајни несреќи, вклучувајќи и 1.905 со жртви.[8]

Наводи[уреди | уреди извор]

  1. Закон за територијална организација
  2. http://www.statistik-nord.de/uploads/tx_standocuments/SI_SPEZIAL_V_2010_01.pdf
  3. 3,0 3,1 Служба за пријавување граѓани, Извор: Статистичко биро на Хамбург и Шлезвиг-Холштајн (31.12.2006)
  4. Извор: Статистичко биро на Хамбург и Шлезвиг-Холштајн (1999)
  5. Покраинско биро за истражување (Landeskriminalamt), Извор: Статистичко биро на Хамбург и Шлезвиг-Холштајн (2006)
  6. Конечни изборни резултати, Извор: Статистичко биро на Хамбург и Шлезвиг-Холштајн (2008)
  7. 7,0 7,1 7,2 Извор: Статистичко биро на Хамбург и Шлезвиг-Холштајн (31.12.2006)
  8. Статистика за сообраќајни несреќи, Извор: Статистичко биро на Хамбург и Шлезвиг-Холштајн (2006)

Надворешни врски[уреди | уреди извор]