Византион

Од Википедија, слободната енциклопедија
Прејди на: содржини, барај
Locator map Byzantion.PNG

Византион (старогрќки Βυζάντιον, на латински: BYZANTIVM) бил антички град кој бил основан во 667 година п.н.е. од страна на мегарските колонии од Стара Грција. Така бил наречен според нивниот владетел Бизас. Од ова име подоцна произлегло и името на Византиската империја. За многу краток период градот го носел и името Август Антонија кое било дадено од страна на императорот Септимиј Север во чест на неговиот син Анатониј.

Историја[уреди]

За основањето на градот постојат повеќе легенди. Според една, Бизас или Визас од Мегара, град блиску до Атина го основал градот. Тој со својата флота од неговиот град испловил кон североисток по Егејското море. Тој го прашал оракулот во Делфи каде точно да го основа својот нов град, а оракулот кажал: “кај слепците“. Тој точно не разбрал што всушност значело тоа. Но кога пристигнал на бреговите од Мала Азија на Босфорот, разбрал што значело истото. На брегот постоел грчки град по име Халкедон. Визас сметал дека жителите на градот се слепи бидејќи не гледале со каква земја располагаат само на неколку метри од другата страна на Босфорот. Така, тој таму го основал градот, и го нарекол по себе си Византион. Градот многу бргу станал основен трговски град поради својата географска положба и единствениот пат кој водел кон Црно Море. Покасно, Византион го презел Халкедон.

Местоположбата на градот го привлекла вниманието на Константин I Велики, кој во текот на 330 година го прекрстил во Нов Рим. По неговата смрт, градот бил преименуван во Константинопол, кој во превод значи “градот на Константин“. Тој станал престолнина на Источната Римска империја, позната како Византија.

Во мај 1453 година по повеќемесечната опсада, градот паднал во рацете на османлиите и повторно станал престолнина на една голема империја, овој пат на Османлиската. Денеска, овој град се вика Истанбул.

Видете уште[уреди]

Извори[уреди]

Надворешни врски[уреди]