Бегов Даб (Дулица)

Од Википедија — слободната енциклопедија
Прејди на прегледникот Прејди на пребарувањето
Бегов Даб
археолошко наоѓалиште
Бегов Даб is located in Македонија
Бегов Даб
Местоположба на Бегов Даб во Македонија
Местоположба 41°58′59″N 22°33′57″E / 41.98306° СГШ; 22.56583° ИГД / 41.98306; 22.56583Координати: 41°58′59″N 22°33′57″E / 41.98306° СГШ; 22.56583° ИГД / 41.98306; 22.56583
Основни податоци
Место Дулица
Општина Македонска Каменица
Тип

Археомак 2.0 графички знак (базилика).svg базилика


Период старохристијанско време
Портал „Археологија“

Бегов Дабархеолошко наоѓалиште во околината на местото Дулица кај градот Македонска Каменица. Наоѓалиштето претставува базилика од старохристијанско време

На околу 400 м западно од утоката на Каменица во Брегалница, со ископувањата на Археолошкиот музеј од Скопје во 1968 - 1969 година се откриени остатоци од трикорабна базилика со по 4 столбови на стилобатите и трансепт. Широката апсида на источнатастрана е вовлечена во внатрешноста на градбата, што ја доближува до еден вид крстовидна. Во олтарниот дел е зачуван синтроносот со масивна платформа за централното седиште, а пред него платформа за чесната трпеза со форма на крст. Зачуваната основа од канцелот покажува дека олтарната преграда одела по ширината на централниот кораб. Базиликата има добро зачуван нартекс на западната страна, од кој преку трибелон се влегувало во наосот. На северната страна е откриен компартимент со банкини, а на западната ѕид што ја оградувал црквата. Презвитериумот со пастофориите и наосот се послани со замазнет малтер, а страничните кораби со печени тули. Најдена е богата декоративна архитектонска пластика. Базиликата е од крајот на V и почетокот на VI век. Непосредно до базиликата се откриени неколку гробови од некропола прекопана од порано. Покрај атриумот се истражени пет гроба со камени конструкции во кои биле најдени примероци од квалитетен накит кој типолошки, а и хронолошки, може да се поврзе со најстарите примероци на накит од големата некропола во Демир Капија, датирана во IX-X век.[1]

Поврзано[уреди | уреди извор]

Наводи[уреди | уреди извор]

  1. Коцо, Димче (1996). Археолошка карта на Република Македонија. стр. 128, Скопје: МАНУ. ISBN 9789989101069