24 јули

24 јули е 205-иот ден во годината според григоријанскиот календар (206-и во престапна година). Остануваат 160 денови до крајот на годината.

Настани

1148	Луј VII од Франција поставил опсада на Дамаск во текот на Втората крстоносна војна.
1534	Жак Картие поставил крст на северноамериканското копно близу до устието на реката Сент Лоренс и го прогласил за прва француска територија во името на кралот Франсоа I.
1715	Шпанска флота со богатство составена од 10 брода заминала од Хавана, Куба кон Шпанија. Седум дена подоцна, 9 брода потонале во бура близу до Флорида. Богатството е откриено и извлечено од морето во 1960-тите.
1823	Укинато е ропството во Чиле.
1908	Турција е прогласена за уставна монархија. Овој датум се зема како Ден на победата на Младотурската револуција.
1923	Грција, Турција и сојузничките сили од Првата светска војна ја потпишаа Лозанската декларација, врз основа на која е извршена принудна размена на население: христијаните од Турција во Грција, а муслиманите од Грција во Турција. Ова во голема мера го изменило националниот состав на Егејска Македонија.
1946	Во Пацификот, во близина на островот Бакини, САД ја извршија првата подводна атомска експлозија.
1974	По инвазијата на Турција врз Северен Кипар, паднала од власт воената хунта во Грција.
2002	Алфред Мојсиу е избран за претседател на Албанија.

Родени

1725	Џон Њутон, англиски морнар и свештеник.
1783	Симон Боливар, јужно-американски борец за независност. Истиот ден се слави како Ден на Симон Боливар во Еквадор.
1802	Александар Дима Таткото, француски писател.
1828	Николај Чернишевски, руски писател, критичар и револуционер.
1921	Џузепе Ди Стефано, италијански оперски пејач.
1946	Тито Беличанец, македонски правник.
1969	Џенифер Лопез, американска актерка и пејачка.
1974	Милан Јуришиќ, српски криминалец.
1975	Рајан Стак, натурализиран македонски кошаркар.
1985	Лукаш Росол, чешки тенисер.

Починале

1957	Методија Андонов - Ченто, македонски револуционер и државник, прв претседател на Иницијативниот одбор за свикување на Првото заседание на АСНОМ и борец за правата и слободата на македонскиот народ. Роден е во Прилеп, на 17 август 1902 година.
1974	Џејмс Чедвик, англиски физичар, откривач на неутронот и Нобелов лауреат во 1935 година.
1980	Питер Селерс, британски филмски актер, комичар.
1991	Исак Башевис Сингер, американски писател и Нобелов лауреат, по потекло полски Евреин.
2000	Клод Соте, француски филмски режисер-оскаровeц.
2001	Махир Камбери, поранешен член на ОНА.
2001	Сељман Нухиу, поранешен член на ОНА.
2001	Неџмедин Сулејмани, поранешен член на ОНА.

Празници

Еквадор - Ден на Симон Боливар.