Глумец

Од Википедија — слободната енциклопедија
Прејди на: содржини, барај

Глумец (ж. род глумица) или актер ( ж. род актерка) е личност која изведува драмска продукција, работи на филм, телевизија, театар или радио. Античко-грчкиот збор за глумец e „хипокрит“, што значи изведувач. Во оваа смисла глумец е личност која изведува односно претставува драмски карактер.

Првите записи за глумците се од 534 година п.н.е., кога старо-грчкиот изведувач Теспис излегол на сцена во театарот на Дионис и станал познат по тоа што бил првиот човек којшто изговорил зборови на фиктивен карактер од драма. Сè до средниот век, глумците не биле луѓе со висок статус во општеството, често поврзувани со декаденцијата и неморален животен стил. Ситуацијата е драматично променета во XIX и XX век кога актерството станало чесна и почитувана професија. За времето на средниот век само мажите можеле да бидат глумци, бидејќи се сметало за невкусно жена да настапува на сцена.