Гранд Тур (велосипедизам)
Во друмскиот велосипедизам, Гранд Тур се однесува на една од трите големи европски професионални велосипедски етапни трки:
- Тур де Франс – Трка околу Франција (започната 1903), се одржува во јули
- Џиро д’Италија – Трка околу Италија (започната 1909), се одржува во мај
- Вуелта а Еспања – Трка околу Шпанија (започната 1935), се одржува во септември
Заедно се познати како Гранд Тур и сите три трки се слични во форматот, како повеќенеделни трки со дневни етапи. Тие имаат посебен статус во одредбите на UCI: повеќе бодови за Светската турнеја се делат на овие трки отколку на другите трки,[1] и тие се единствените етапни трки на кои им е дозволено да траат подолго од 14 дена.[2]
Тур де Франс е најстарата и најпрестижна[1] од сите три и исто така е најпозната велосипедска трка во светот. Џиро д’Италија е втората најважна[3][4][5][6] и понекогаш била исто толку популарна како Тур (доцните 40-ти, 50-ти и раните 70-ти). Додека спортското име на Тур де Франс е одамна одомаќено околу светот, познато дури и за оние кои не се навлезени во велосипедизмот, другите две европски Гранд Тур се релативно непознати надвор од континентот, каде се познати единствено на велосипедистите.
Содржина |
Опис [уреди]
Во нивната моментална форма, Гранд Тур се одржуваат во текот на три последователни недели и обично вклучуваат два дена за „одмор“ близу крајот на првата и втората недела. Етапите се мешавина на долги масовни етапни трки (понекогаш вклучуваат планински и ридски искачувања и спустови; други се рамни етапи наменети за спринтерски завршници), како и индивидуалните и екипните хронометри и етапи без натпреварувачки карактер и денови за одмор. За разлика од повеќето еднодневни трки, етапите на Гранд Тур обично се под 200 километри во должина.
Често се појавуваат контроверзии околу повиканите екипи на трките. Обично, Меѓународниот велосипедистички сојуз ги повикува врвните професионални екипи, додека организаторите на големите трки често сакаат екипи основани во нивната земја или други кои не предизвикуваат контроверзии. Од 2005 до 2007, организаторите морале да ги прифатат сите ProTour екипи, оставајќи само две специјални покани за Тур. Меѓутоа, Унибет екипата, која е ProTour екипа и е загарантирано учество, ѝ било забрането учеството на сите Гранд Тур трки поради законите за рекламирање на коцкање. Во 2008, по бројните допинг скандали, на некои екипи им било забрането учеството на Гранд Тур: Астана не се натпреварувала на Тур де Франс 2008, а Тим Колумбија не се натпреварувале на Вуелта а Еспања 2008. Од 2011, според правилата на Светската турнеја UCI, на сите ProTour екипи им е загарантирано место на сите три трки и се обврзани да учествуваат.
Наградите ги вклучуваат индивидуалниот генерален пласман, екипен пласман, планински пласман, бодовен пласман и често пласман за најдобар возач, како и некои други помалку познати пласмани. Најмногу практикувани пласмани се индивидуалниот генерален пласман (Maillot jaune - жолта маичка - на Тур де Франс, Maglia rosa - розова маичка - на Џиро д’Италија и Jersey rojo - црвена маичка - на Вуелта а Еспања); планински пласман (Maillot à pois rouges - точкаста маичка - на Тур, Maglia Azzurra - сина маичка - на Џиро и Jersey de puntos azules - сина точкаста маичка - на Вуелта) и бодовен пласман (Maillot vert - зелена маичка - на Тур, Maglia Rosso Passione - црвена маичка - на Џиро и Jersey verde - зелена маичка - на Вуелта). Само тројца возачи ги имаат освоено сите три на иста трка: Еди Меркс на Џиро д’Италија 1968 и Тур де Франс 1969, Тони Ромингер на Вуелта а Еспања 1993 и Лорен Жалабер на Вуелта а Еспања 1995.[7]
Ретко е велосипедистите да возат на сите три големи трки во иста година; во 2004, 474 велосипедисти започнале на најмалку една од големите трки, 68 од нив возеле две трки и само двајца велосипедисти настапиле на сите три Гранд Тур трки.[8] Не е необично за спринтерите и нивните водечки луѓе, кои не се очекува да ја завршат целата трка, да започнат на сите Гранд Тур трки и да постигнуваат етапни победи пред да се случат најтешките етапи. Алесандро Петаки и Марк Кевендиш започнале на сите три Гранд Тур трки во 2010 и 2011, соодветно, како и некои од нивните колеги за поддршка. За обајцата возачи во двете години, само Тур де Франс го завршиле.
Преку годините, 32 возачи ги завршиле сите Гранд Тур трки во една година. Марино Лехарета го направил тоа за четири пати, Бернардо Руиз три пати, Едуардо Чозас и Карлос Састре двапати секој и 28 други возачи кои го постигнале овој потфат еднаш.
Единствени возачи кои завршиле во првите 10 на секоја од трите трки во текот на една година се Рафаел Жеминијани во 1955 и Гастоне Ненчини во 1957.
UCI правила [уреди]
За Светската турнеја, повеќе бодови се доделуваат на Гранд Тур трките отколку на другите трки; победникот на Тур де Франс добива 200 бода, а победниците на Џиро и Вуелта добиваат 170 бода, додека на другите трки може да се добијат најмногу 100 бода.[1] Гранд Тур има посебен статус во времетраење: тие се единствените на кои им е дозволено да траат помеѓу 15 и 23 дена.[2]
Победници на Гранд Тур [уреди]
Статистики [уреди]
Победници на сите три Гранд Тур трки [уреди]
Ниеден велосипедисти не ги освоил сите три Гранд Тур трки во истата година.
Само двајца велосипедисти се имаат пласирано во првите десет на сите три Гранд Тур трки во истата година: Џеминијани во 1955 и Ненчини во 1957.
Само пет велосипедисти ги имаат освоено сите три Гранд Тур трки во текот на нивната кариера:[9]
Жак Анкетил (ФРА): 5 Тур (1957, 1961, 1962, 1963, 1964), 2 Џиро (1960, 1964), 1 Вуелта (1963).
Алберто Контадор (ШПА): 2 Тур (2007, 2009), 1 Џиро (2008), 2 Вуелта (2008, 2012)
Феличе Џимонди (ИТА): 1 Тур (1965), 3 Џиро (1967, 1969, 1976), 1 Вуелта (1968)- Бернар Хино (ФРА): 5 Тур (1978, 1979, 1981, 1982, 1985), 3 Џиро (1980, 1982, 1985), 2 Вуелта (1978, 1983)
Еди Меркс (БЕЛ): 5 Тур (1969, 1970, 1971, 1972, 1974), 5 Џиро (1968, 1970, 1972, 1973, 1974), 1 Вуелта (1973)
Само три велосипедисти имаат освоено етапи на сите три Гранд Тур трки во истата година:[10]
Мигуел Побле (ШПА): 1956- Пјерино Бафи (ИТА): 1958
- Алесандро Петаки (ИТА): 2003
Подиуми на сите три Гранд Тур трки [уреди]
Тринаесет велосипедисти се имаат качено на подиум на сите три Гранд Тур трки во текот на нивната кариера:
| Име | Тур | Џиро | Вуелта | Вкупно |
|---|---|---|---|---|
 Жак Анкетил (ФРА) |
6 | 6 | 1 | 13 |
| Бернар Хино (ФРА) |
7 | 3 | 2 | 12 |
 Еди Меркс (БЕЛ) |
6 | 5 | 1 | 12 |
 Феличе Џимонди (ИТА) |
2 | 9 | 1 | 12 |
 Мигуел Индураин (ШПА) |
5 | 3 | 1 | 9 |
| Лорен Фињон (ФРА) |
3 | 2 | 1 | 6 |
| Карлос Састре (ШПА) |
2 | 1 | 3 | 6 |
 Тони Ромингер (ШВА) |
1 | 1 | 4 | 6 |
| Алберто Контадор (ШПА) |
2 | 1 | 2 | 5 |
 Денис Мењшов (РУС) |
2 | 1 | 2 | 5 |
| Винченцо Нибали (ИТА) |
1 | 2 | 1 | 4 |
| Хосе Мануел Фуенте (ШПА) |
1 | 1 | 2 | 4 |
| Ерман ван Спрингел (БЕЛ) |
1 | 1 | 1 | 3 |
Победници на два Гранд Тур во една година [уреди]
Девет возачи имаат постигнато двоен ефект преку победување на две Гранд Тур трки во истата година.
Седум велосипедисти ги имаат победено Тур и Џиро во истата година:[9]
- Фаусто Копи (ИТА): 1949, 1952
- Жак Анкетил (ФРА): 1964
- Еди Меркс (БЕЛ): 1970, 1972, 1974
- Бернар Хино (ФРА): 1982, 1985
Стивен Роуш (ИРС): 1987- Мигуел Индураин (ШПА): 1992, 1993
- Марко Пантани (ИТА): 1998
Двојниот ефект Тур/Вуелта го имаат постигнато двајца велосипедисти:[9]
- Жак Анкетил (ФРА): 1963
- Бернар Хино (ФРА): 1978
Двојниот ефект Џиро/Вуелта го имаат постигнато тројца велосипедисти:[9]
- Еди Меркс (БЕЛ): 1973
- Џовани Баталјин (ИТА): 1981
- Алберто Контадор (ШПА): 2008
Од деветте погоре, двојните ефекти на Пантани, Роуш и Баталјин воедно им биле и единствените победи на Гранд Тур во нивните кариери.
Најмногу Гранд Тур победи [уреди]
| Име | Вкупно победи | Тур де Франс | Џиро д’Италија | Вуелта а Еспања |
|---|---|---|---|---|
| Еди Меркс (БЕЛ) |
11 | 5 (1969, 1970, 1971, 1972, 1974) | 5 (1968, 1970, 1972, 1973, 1974) | 1 (1973) |
| Бернар Хино (ФРА) |
10 | 5 (1978, 1979, 1981, 1982, 1985) | 3 (1980, 1982, 1985) | 2 (1978, 1983) |
| Жак Анкетил (ФРА) |
8 | 5 (1957, 1961, 1962, 1963, 1964) | 2 (1960, 1964) | 1 (1963) |
| Мигуел Индураин (ШПА) |
7 | 5 (1991, 1992, 1993, 1994, 1995) | 2 (1992, 1993) | 0 |
| Фаусто Копи (ИТА) |
7 | 2 (1949, 1952) | 5 (1940, 1947, 1949, 1952, 1953) | 0 |
Најмногу Гранд Тур подиуми [уреди]
| Име | Тур | Џиро | Вуелта | Вкупно |
|---|---|---|---|---|
| Жак Анкетил |
6 | 6 | 1 | 13 |
| Бернар Хино |
7 | 3 | 2 | 12 |
| Еди Меркс |
6 | 5 | 1 | 12 |
| Феличе Џимонди |
2 | 9 | 1 | 12 |
| Рајмонг Пулидор |
8 | 0 | 2 | 10 |
| Џино Бартали |
3 | 7 | 0 | 10 |
| Мигуел Индураин |
5 | 3 | 1 | 9 |
| Фаусто Копи |
2 | 7 | 0 | 9 |
 Јп Зутемелк |
7 | 0 | 1 | 8 |
| Педро Делгадо |
3 | 0 | 5 | 8 |
Најмногу Гранд Тур етапни победи [уреди]
Имињата на активните велосипедисти се напишано со задебелени букви.[11] Овој список е заокружен со етапата 13 на Џиро д’Италија 2013.
Наводи [уреди]
- ↑ 1,0 1,1 1,2 „UCI Велосипедски одредби“. стр. 56. http://www.uciprotour.com/Modules/BUILTIN/getObject.asp?MenuId=MTcxNw&ObjTypeCode=FILE&type=FILE&id=34028&LangId=1. проверено на 20 јули 2012.
- ↑ 2,0 2,1 „UCI Велосипедски трки“. стр. 41. http://www.uci.ch/Modules/BUILTIN/getObject.asp?MenuId=MTkzNg&ObjTypeCode=FILE&type=FILE&id=34028&LangId=1. проверено на 20 јули 2012.
- ↑ Тур, Џиро и Светското друмско првенство ја прават Тројната круна на велосипедизмот.
- ↑ An American in Italy cyclingnews.com, 5 мај 2009
- ↑ Million dollar, baby! cyclingnews.com, 12 јануари 2007
- ↑ Vuelta a España A-Z cyclingnews.com, 7 септември 2008
- ↑ „Тони Ромингер“. Cycling Hall of Fame.com. 27 март 1961. http://www.cyclinghalloffame.com/riders/rider_bio.asp?rider_id=50. проверено на 20 јули 2012.
- ↑ Рише, Антоан (19 март 2005). „Doubler deux Grands Tours revient à la mode“ (на француски). CyclisMag. http://www.cyclismag.com/article.php?sid=917. проверено на 11 ноември 2010.
- ↑ 9,0 9,1 9,2 9,3 9,4 „Историски резултати - Гранд Тур“. http://www.cyclinghalloffame.com/races/results/results_grand_tours.txt. проверено на 20 јули 2012.
- ↑ Петаки се израмни со Побле и Бафи, 9 септември 2003, Cyclingnews]
- ↑ „Џиро д’Италија 2009“ (pdf). Infostrada sports. 2009. стр. 208. http://www.infostradasports.com/download/media/handbook.pdf. проверено на 29 јуни 2011.
- ↑ „Le Tour en chiffres : Les vainqueurs d'étapes“. ASO. http://www.letour.fr/2009/TDF/COURSE/docs/histo2009_07.pdf. проверено на 26 јули 2010.
|
|||||||||||
|
|||||||||
|
|||||
