Рајдер Хесједал

Од Википедија — слободната енциклопедија
Прејди на: содржини, барај
Рајдер Хесједал

Рајдер Хесједал на Џиро д’Италија 2012.
Лични податоци
Роден 9 декември 1980 (1980-12-09) (33 г.)
Викторија, Британска Колумбија,  Канада
Висина 1,88 м
Маса 72 кг
Податоци за клубот
Мом. клуб Гармин-Шарп
Дисциплина Друмски велосипедизам
Улога Возач
Вид на возач Специјалист за искачување и хронометри
Професионални клубови
1999–2000
2001–2003
2004
2005
2006
2007
2008–
СААБ/Гери Фишер
Субару/Гери Фишер
Дискавери Канал
Дискавери Канал
Фонак
ЈунајтедХелткер
Слипстрим-Чипотл
Значајни победи
Гранд Тур
Џиро д’Италија
Jersey pink.svg Генерален пласман (2012)
1 индивидуална етапа (2012) + ТТТ (2008)
Тур де Франс
1 етапа ТТТ (2011)
Вуелта а Еспања
1 индивидуална етапа (2009)

Еднодневни трки и класици

MaillotCan.PNG Национален хронометарски првак (2007)
Последна промена
2 септември 2014

Рајдер Хесједал (англиски: Ryder Hesjedal; р. 9 декември 1980 во Викторија, Британска Колумбија, Канада) — канадски професионален велосипедист, кој вози за UCI World Tour екипата Гармин-Шарп.[1] Тој е поранешен планински велосипедист, освојувајќи сребрен медал во 2011 на Светското првенство под 23 години. Станал професионалец со Дискавери Канал во 2005, откако неколку години настапувал за континенталната екипа на Рабобанк. Негов најдобар пласман на некоја Гранд Тур трка било шестото место на Тур де Франс 2010, сè додека не го освоил својот прв Гранд Тур на Џиро д’Италија 2012, прв Гранд Тур освоен од Канаѓанец.

Кариера[уреди]

Рана кариера[уреди]

Неговата кариера започнало во натпреварувањата за планински велосипедизам. Хесједал имал голем успех како планински велосипедист, кога станал двократен светски првак во планински велосипедизам во 2001 и 2002.[2] Тој освоил сребро како поединец на Светското првенство во планински велосипедизам во 2003 и настапил на Олимпијадата во 2004 за Канада во категоријата планински велосипедизам. На тие игри, Хесједал бил на неговиот пат да дојде до олимписки медал и да го посакува златниот медал пред остра карпа да ја дупне неговата гума, со што завршил олимпискио сон.[3]

Хесједал во текот на Светските друмски првенства 2006

Како последица на раните успеси и разочарувања во неговата кариера, тоа му дозволило да се префрли целосно на друмскиот велосипедизам.[3] Како специјалист за искачување и хронометраш, тој бил избран од Дискавери Ченел за Џиро д’Италиа 2005 и му помогнал на Паоло Саволдели во победата, иако самиот не успеал да ја заврши трката. По 2005 се придружил на швајцарската екипа, Фонак. Таму ги постигнал некои од неговите најдобри резултати, завршувајќи четврти на Волта а Каталуња 2006 и втор на канадското хронометарско првенство 2006. Подоцна таа сезона возел за Вуелта а Еспања, иако се откажал при крајот на трката за да се сконцентрира на Светските друмски првенства во Салцбург. Постигнал не толку значајни резултати. Крајот на екипата Фонак довело да му се придружи на тимот Хелт Нет за 2007. Во 2008 се приклучил на Гармин-Слипстрим и му помогнал на Кристијан Ванде Велде да дојде до петтото место на Тур де Франс.

2009[уреди]

Во 2009, Хесједал настапил на Вуелта а Еспања. Тој завршил втор на планинската десетта етапа зад Сајмон Геранс (Сервело ТестТим), забележувајќи исто време како победникот.[4] Меѓутоа, не ја пропуштил неговата можност неколку дена подоцна на етапата 12, кога се одвоил од групата на фаворитите на тешкото искачување Алто де Велефик. Му се придружил на самиот возач напред Давид Гарсија (Ксакобео-Галиција) и се обидувал да го помине, но Шпанецот опстојувал заедно со него. Хесједал го поминал неговиот ривал близу целта и ја зел победата.[5] Со тој потфат, тој станал првиот Канаѓанец, кој освоил етапа на Вуелта и првиот канадски индивидуален победник на некоја Гранд Тур етапа од Стив Бауер на Тур де Франс 1988.[6] Меѓутоа, подоцна ја напуштил трката и не успеал да ја отпочне етапата 18.[7] Хесједал бил единствениот Канаѓанец, кој настапил на Тур де Франс и во 2008 и во 2009. Исто така бил првиот Канаѓанец кој возел на таа трка по повеќе од десет години.

На крајот на 2009, Хесједал бил избран како канадски велосипедист на деценијата и машки канадски велосипедист на годината. Почеста ја добил од Canadian Cyclist, а резултатите биле последица на електронско гласање.[8] Исто така, тој бил именуван како машки меѓународен велосипедист на годината за 2009 од Cycling BC.

2010[уреди]

Во март, Хесједал добил добар резултат на Монтепаски Страде Бјанке, италијански трка која делумно се вози на правливи патишта. Завршил петти, 19 секунди зад победникот, Максим Иглински од Астана и изјавил дека е среќен со неговиот резултат.[9] Во април, Хесједал стигнал до престижен подиум на арденскиот класик Амстел Голд Рејс, која водела низ белгиските ридови. Во последниот километар, се обидел да го следи неверојатното забрзување на Филип Жилбер на стрмниот Кауберг, но морал да се задоволи со второто место, 2 секунди зад Белгиецот.[10]

Хесједал возел на Трката околу Калифорнија и завршил петти во генералниот пласман, земајќи ја победата на осмата етапа. Го отспринтал другите членови на бегството Крис Хорнер (Тим РадиоШек), Џорџ Хинкапи (БМЦ Рејсинг Тим) и Карлос Баредо (Квик Степ). Со овој успех, му помогнал во обезбедувањето на победата во генералниот пласман на Мајкл Роџерс, бидејќи Хесједал ги добил десетте секунди бонус како етапен победникот, со што никој од ривалите на Роџерс не успеал да му го преземе тесното водство во генералниот пласман.[11]

Во текот на Тур де Франс 2010, Хесједал завршил 4. на третата етапа, која вклучувала некои делови на калдрма, откако водел на трката голем дел, сè додека не бил достигнат во последните шест километри. Бил прогласен за најборбен возач на денот и така го носел црвениот број на четврттата етапа.[12] На 22 јули 2010, Хесједал повторно завршил четврти, овојпат на етапата 17 на познатиот Кол ду Турмале.[13] На крај, Хесједал завршил шести во генералниот пласман на Тур де Франс 2010, највисоко пласиран Канаѓанец на трката во последните 22 години, кога Бауер завршил четврти на Тур де Франс 1988.[14] Хесједал за неговиот резултат изјави:[14]

„Се надевам дека овој резултат ќе придонесе за канадскиот велосипедизам и ќе ја мотивира следната генерација на канадски велосипедисти. Се надевам дека најголема работа ќе се случи со ова... Овој пласман ќе биде тука (во книгите) засекогаш... Ако ова доведе Канаѓаните да биде посвесни за велосипедизмот и сакаат да возач, тогаш вредело да се достоен за ова.“

Рајдер Хесједал, за 6. место на Тур де Франс

2011[уреди]

Хесједал на Тур де Франс 2011

Хесједал имал мирна 2011, со неколку мали победи. Во април, завршил како деветти на Трката околу Баскија.[15] Се пласирал во првите седум на четири од шесте етапи, но паднал од петтото на деветтото место во генералниот пласман по индивидуалниот хронометар, кој се одржал последниот ден, каде стигнал една минута и 52 секунди зад Тони Мартин.[16] Имал добар резултат на Тур де Франс 2011, иако не успеал да го повтори неговото шесто место од претходната година. Бил 18. во генералниот пласман и дел од победата на екипниот хронометар на Тим Гармин на втората етапа.[17] На планинската етапа 16, Хесједал стигнал до целта со неговиот колега Тор Хушовд и уште еден Норвежанец, Едвалд Боасон Хаген. Му дозволил на својот колега да го отпочне спринтот, со што ја зел и победата, додека Хесједал го освоил третото место.[18] Други познати резултати од 2011 се четвртото место на ГП Мигуел Индураин, десетти во генералниот пласман на Трката околу Калифорнија, дванаесетти на класикот Флеш Валон и 11. на домашната трка Гран при Монтреал.

2012[уреди]

Хесједал возел силно на пролетните класици, вклучувајќи го и деветтото место на Лиеж-Бастон-Лиеж. Тој исто така возел на првите 4 етапи на Тур де Романди, но не ја завршил трката,[19] бидејќи Гармин-Баракуда сакале да го одржат свеж за претстојниот Џиро, каде би бил екипен водач за генералниот пласман, додека задача на неговиот колега Тајлер Фарар ќе биде да успее во борбите за спринтерските завршници.[20]

Хесједал го следи Иван Басо на 17. етапа на Џиро д’Италија 2012.

Неговиот Џиро оваа година започнал со добар почеток, Гармин-Баракуда го освоиле екипниот хронометар и го поместиле Хесједал на четвртото место во генералниот пласман и на дофат до водство во трката. На 12 мај, тој станал првиот Канаѓанец во историјата, кој имал водство во генералниот пласман на Џиро д’Италија и ја облекол розовата маичка. Тој е првиот канадски возач од Стив Бауер на Тур де Франс 1990, кој облекол маичка за генерален пласман на некој Гранд Тур. Настанот се случил на седмата етапа, каде последниот од бегалците бил достигнат на околу 700 метри. Хесједал завршил петти на планинската завршница на Рока Ди Камбио, 5 секунди зад етапниот победник Паоло Тиралонго од Астана, обезбедувајќи ја водечката маичка.[21] Иако, на крајот, ја загубил маичката од Хоаким Родригез, тој повторно ја освоил на етапата 14, откако нападнал на Червинија и ги оставил неговите ривали зад него.[22] Меѓутоа, Родригез успеал да постигне предност во генералниот пласман следниот ден.

Во текот на планинските етапи во последната недела, многумина очекувале Хесједал да отпадне од генералниот пласман, меѓутоа тој ја одржувал разликата помеѓу 15 и 30 секунди во генералниот пласман. Бидејќи бил сметан за силен хронометраш и бидејќи често напаѓач на последните планински етапи, отфрлајќи ги другите кандидати како Иван Басо и Микеле Скарпони, многу верувале дека Канаѓанецот ќе го освои Џиро на последниот ден, вклучувајќи го и самиот лидер Родригез, кој признал дека не сторил доволно.[23]

Кога последниот ден на Џиро бил возен низ улиците на Милано како хронометар, Хесједал ја завршил патеката за 34:15, кое било доволно време да ја преземе розовата маичка за последен пат. Со ова го завршил неговиот пат, станувајќи првиот Канаѓанец, кој победил на некој Гранд Тур и само по вторпат, розовата маичка да го промени сопственикот на последниот ден на Џиро.[24] Победата изнуди моментален одговор од неговата татковина Канада, каде премиерот Стивен Харпер објавил изјава, велејќи „Му се заблагодаруваме на господинот Хесједал за овој исклучителен момент за канадскиот спорт. Оваа извонредна победа на едно од најтешките велосипедски натпреварувања е сведоштво на тренингот, издржливоста, вештините и натпреварувачкиот дух на господинот Хесједал“.[25] Премиерот на Британска Колумбија, Кристи Кларк, додал дека „За Британска Колумбија ова е неверојатно. Знам дека овој успех ќе биде едно од најголемите канадски достигнувања некогаш во спортот“.[3]

Исто така добил честитки од поранешниот канадски велосипедист Бауер и поранешниот победник на Тур де Франс Ленс Армстронг, кој објавил на Twitter „обожавам кога најдобриот човек победува“,[26] Алан Пајпер, спортскиот директор на екипата Гармин, ја споредил победата на етапата 16 на Рајдер Хесједал со таа на победникот на Тур де Франс 2011, Кедел Еванс. Ги нагласил сличностите во борбата за задржување на пристојно растојание во последните планински етапи и потоа победата на хронометарот, која обајцата ја постигнале.[27] За последното возење преку Пасо дело Стелвио, Хесједал изјавил дека „Јас бев малку загрижен. Како пристигнувавме на последниот дел од Стелвио, ниеден од моите ривали не сакаше да работи да ги зачуваат нивните места... Тие се сите тактики и ситуации. Јас морав да го спасам сопствениот Џиро во последните пет километри. Тоа беше огромен напор“.[26]

По неговиот успешен Џиро, биле поставувани прашања дали тој сепак ќе вози на Тур де Франс 2012. Било објавено во почетокот на јуни, дека тој ќе биде екипен водач за Гармин на Тур.[28] Хесједал исто така бил најавен како претставник на Канада на Летните олимписки игри 2012 од Канадскиот олимписки комитет во јуни.[29] На Тур де Франс 2012 бил близу во генералниот пласман, на осмото место, 18 секунди зад лидерот, од прологот до првите пет етапи. Потоа, Хесједал учествувал во масовниот пад предизвикан на шестата етапа, на која задоцнил 13 минути и го оставила надвор од конкуренција за жолтата маичка.[30] Следниот ден, Хесједал се повлекол од трката, поради повредите на неговиот грб и нозе.[31]

Наесен, Хесједал имал силен пласман на италијанскиот класик Џиро ди Ломбардија, каде завршил шести на трката при пороен дожд и ниски температури. Само 54 возачи од 197 ја завршиле трката.[32] Потоа на крајот на сезоната на Трката околу Пекинг, ги оставил сите на целта на ридестата петта етапа, каде постојано напаѓал. Само возачот на БМЦ Рејсинг Тим Стив Камингс можел да го следи. Меѓутоа, на крајот Хесједал бил поминат од Камингс за победа и морал да се помири со второто место на етапата и 18. во генералниот пласман.[33]

Хесједал ја добил наградата Лајонел Коначер како спортист на годината на Канада.[34]

2013[уреди]

Прва трка за Хесједал во сезоната била Волта а Каталуња, каде му помогнал на својот колега Даниел Мартин да дојде до победа во генералниот пласман, додека се подготвувал себеси за неговиот врвен приоритет во сезоната, Џиро д’Италија.[35] Хесједал возел на некои класици, како Лиеж-Бастон-Лиеж, каде се обидел да замине во соло бегство на Кот де Колонстер на околу 15 километри до целта. Подоцна бил достигнат од малата група зад него, во која се наоѓал и Даниел Мартин. Хесједал бил на чело на групата и уште еднаш му помогнал на Мартин да дојде дојде победи, заземајќи го осмото место на трката.[36]

На Џиро д’Италија, Хесједал бил агресивен на третата етапа, одвојувајќи се на последното искачување и потоа наметнувајќи силно темпо на спустот со ривалот Винченцо Нибали, што предизвикало многу возачи да паднат на намокрената патека при нивната цел да ги следат. Хесједал завршил трет на таа етапа во спринтот, добивајќи осум секунди бонус за тоа.[37] Меѓутоа, по позитивните резултати, Хесједал имал лоши етапи со што излегол од борбата за генералниот пласман. По етапата 12, се повлекол од трката.[38] Трагедијата продолжила да го следи, кога доживеал пад на првата етапа на Тур де Франс, при што скршил ребро.[39] И покрај тоа што продолжил на Тур, но завршил само седумдесетти во генералниот пласман.

2014[уреди]

Хесједал ја започнал сезоната забележувајќи резултат меѓу првите десет во генералниот пласма на Џиро д’Италија, завршувајќи на деветтото место.[40] На седмата етапа на Вуелта а Еспања, Хесједал бил во бегство на четворица сакајќи да победи, но паднал при вртење во кривина и потоа мотор несреќно удрил во неговиот велосипед. Завршил втор на таа етапа откако го сменил велосипедот.[41]

Допинг[уреди]

Во октомври 2013, по изнесените обвинувања во книгата „Жолта треска“ на Михаел Расмусен, Хесједал признал дека употребувал допинг во неговата кариера, опишувајќи го како „дел од темното минато во спортот“.[42][43]

Личен живот[уреди]

Неговите прабаба и прадедо биле норвешки имигранти од Бајарн во Нурлан и Стамнес во Ваксдал.[44] Хесједал помогнал да започне со работа добротворната организацијата, наречена „Ryders Cycling Society of Canada“, која има за цел „создавање и одржување можност на млади Канаѓани за возење велосипед“.[45] Исто така, Хесједал ја дал на аукција неговата розева маичка која ја носел на Џиро 2012 за 10.000 долари и ги дал парите за помош на младите велосипедисти во Канада.[46]

Во текот на сезоната, Хесједал престојува во Жирона, Шпанија,[47], додека надвор од сезоната на Мауи (Хаваи).[48]

Достигнувања[уреди]

1998
2. Silver medal blank.svg Светско јуниорско планинско првенство
2001
2. Silver medal blank.svg Светско првенство во планински велосипедизам под 23 години
2003
2. Silver medal blank.svg Светско првенство во планински велосипедизам - крос-кантри
2006
4. Краен пласман Волта а Каталуња
2007
1. MaillotCan.PNG Национален хронометарски првак
1. Jersey red.svg Планински пласман Трка околу Џорџија
10. Краен пласман Трка околу Калифорнија
2008
1. Етапа 1 (ТТТ) Џиро д’Италија
10. Монте Паски Ероика
16. Краен пласман, ЛОИ 2008 – Хронометар
2009
1. Етапа 12 Вуелта а Еспања
5. Класика де Сан Себастијан
8. Краен пласман Тирено-Адријатико
10. Монте Паски Ероика
11. Лиеж-Бастон-Лиеж
2010
2. Амстел Голд Рејс
3. Гран при Монтреал
Jersey red number.svg Најборбен возач
4. Гран при Квебек
Jersey red number.svg Најборбен возач
5. Монтепаски Страде Бјанке
5. Краен пласман Трка околу Калифорнија
1. Етапа 8
6. Класика де Сан Себастијан
6. Краен пласман Волта а Каталуња
6. Краен пласман Тур де Франс
Jersey red number.svg Награда за борбеност - Етапа 4
7. Копа Агостони
9. Флеш Валон
2011
4. ГП Мигуел Индуран
6. Трофео Инка
7. Трофео Деја
7. Краен пласман Критериум Интернационал
9. Краен пласман Трка околу Баскија
10. Краен пласман Трка околу Калифорнија
17. Краен пласман Тур де Франс
1. Етапа 2 (ТТТ)
2012
1. Генерален пласман Jersey pink.svg Џиро д’Италија
1. Етапа 4 (ТТТ)
6. Џиро ди Ломбардија
9. Лиеж-Бастон-Лиеж
2013
3. Гран при Монтреал
8. Лиеж-Бастон-Лиеж
2014
6. ГП Мигел Индираин
9. Краен пласман Џиро д’Италија
Jersey red number.svg Награда за борбеност на етапа 7 на Вуелта а Еспања

Олимписки настап[уреди]

Олимпијада 2004 2008 2012
Машки планински велосипедизам, крос-кантри СО -
Машка друмска трка 54 63
Машки хронометар 16 -

Распоред на резултатите на Гранд Тур[уреди]

Гранд Тур 2005 2006 2007 2008 2009 2010 2011 2012 2013 2014
Jersey pink.svg Џиро СО 60 1 СО 9
Jersey yellow.svg Тур 47 49 6 18 СО 70
Jersey gold.svg Вуелта СО СО

СО = се откажал

Резултати на класиците[уреди]

Година Амстел Голд Рејс Флеш Валон Лиеж-Бастон-Лиеж Класика де Сан Себастијан
2008 82. 39. 51.
2009 35. 25. 11. 5.
2010 2. 9. 12. 6.
2011 141. 12. 29. 19.
2012 15. 21. 9.
2013 26. 19. 8. СО

СО = се откажал

Наводи[уреди]

  1. Тим Гармин-Шарп-Баракуда го откри составот за 2013“, „Гармин-Шарп“, Slipstream Sports LLC, 28 декември 2012 (конс. 6 јануари 2013).
  2. „Профил на Рајдер Хесједал“. Канадски олимписки комитет. http://olympic.ca/team-canada/ryder-hesjedal. конс. 30 мај 2012. 
  3. 3,0 3,1 3,2 Џон Колбурн, Енди Ајвенс и Џастин Мекелрој. „Тој е легенда сега, вели гордата мајка на Рајдер Хесједал по историската победа“, Vancouver Sun, 27 мај 2012.
  4. Ричард Тајлер. „Геранс победи во играта на мачката и глушецот и ја освои етапата“, „Cycling News“, Future Publishing Limited, 9 септември 2012 (конс. 12 октомври 2012).
  5. Жен Бисби. „Велосипедистот од Викторија Хесједал ја освоил етапата 12 на Вуелта а Еспања“, „Bikingbis“, WordPress, 12 септември 2009 (конс. 12 октомври 2012).
  6. Интерју со Рајдер Хесједал“, Bicycling.com, 11 септември 2009 (конс. 2 февруари 2010).
  7. Грабш се откажа“, „EuroSport“, EuroSport, 17 септември 2009 (конс. 12 октомври 2012). (на француски)
  8. Рајдер Хесједал именуван како канадски велосипедист на годината, на декадата!“, Slipstream sports (конс. 5 јули 2010).
  9. Ричард Мур. „Хесједал среќен со петти во Страде Бјанке“, „Cycling News“, Future Publishing Limited, 6 март 2010 (конс. 13 октомври 2012).
  10. Канаѓанецот Хесједал втор на Амстел Голд Рејс“, „CBC“, The Canadian Press, 18 април 2010.
  11. Laura Weslo. „Hesjedal wins Amgen Tour of California finale“, „Cycling News“, Future Publishing Limited, 25 мај 2010 (конс. 11 октомври 2012).
  12. Канаѓанецот Хесједал четврти на етапа на Тур де Франс“, Montreal Gazette, 6 јули 2010 (конс. 6 јули 2010).
  13. http://www.letour.fr/2010/TDF/LIVE/us/1700/classement/index.html
  14. 14,0 14,1 Рајдер Хесједал седми на Тур де Франс 2010“, Vancouver Sun, 25 јули 2010 (конс. 25 јули 2010).
  15. Кледен и Мартин доминирале на завршниот хронометар“, „Cycling News“, Future Publishing Limited, 9 април 2011 (конс. 8 октомври 2012).
  16. Резултати од Трката околу Баскија 2011, етапа 6“, „Velo News“, 2012 Competitor Group, Inc., 18 април 2011 (конс. 8 октомври 2012).
  17. Malcolm Kelly. „Stardom greeting Canadian cyclist Ryder Hesjedal“, CBC Sports, 26 мај 2012.
  18. Clarke, Les. „Хушовд подобар во бегството за втора етапна победа“, „Cycling News“, Future Publishing Limited, 19 јули 2011 (конс. 8 октомври 2012).
  19. Rétractations“, „Zweeler“, 29 април 2012 (конс. 9 мај 2012). (на француски)
  20. Garmin-Barracuda: Farrar et Hesjedal en leaders“, „Ouest France“, Ouest-France Multimédia, 3 мај 2012 (конс. 9 мај 2012). (на француски)
  21. Вестемајер, Сузан. „Џиро д’Италија: Тиралонго победи на Рока ди Камбио“, „Cycling News“, Future Publishing Limited, 12 мај 2012 (конс. 12 мај 2012).
  22. Канаѓанецот Рајдер Хесједал ја поврати розовата маичка на Џиро д’Италија“, Toronto Star, 19 мај 2012.
  23. Аласдер Фотерингем (25 мај 2012). „Велосипедистот од Викторија Рајдер Хесједал стигна до врвот на Џиро д’Италија“. Canada.com. http://www.canada.com/health/Victoria+contender+Ryder+Hesjedal+makes+move+Roman+Kreuziger+wins+Giro+19th/6679146/story.html. 
  24. Малколм Кели. „Рајдер победи! Хесједал го освои Џиро д’Италиа“, CBC Sports, 27 мај 2012.
  25. Оливер Мур. „Канаѓанецот Рајдер Хесједал победи на Џиро д’Италија“, Globe and Mail, 27 мај 2012.
  26. 26,0 26,1 Ерик Корин. „http://sports.nationalpost.com/2012/05/27/ryder-hesjedal-completes-stunning-journey-with-giro-ditalia-win/“, National Post, 27 мај 2012.
  27. Rupert Guinness. „Canadian sends Tour notice“, The Age, 27 мај 2012.
  28. Cleeve Dheensaw. „Victoria cyclist Ryder Hesjedal to ride in Tour de France“, Vancouver Sun, 6 јуни 2012.
  29. Jesse Campigotto. „Cyclists Ryder Hesjedal, Clara Hughes join Olympic team“, CBC Sports, 21 јуни 2012.
  30. Jamey Keatan. „Canada's Hesjedal involved in crash at Tour de France, likely out of contention“, Winnipeg Free Press, 6 јули 2012.
  31. Канаѓанецот Рајдер Хесједал се повлекува од Тур де Франс“, TSN, 7 јули 2012.
  32. Бен Аткинс. „Хоаким Родригез сам до победа на дождливата Ломбардија и го презеде водството во Светската турнеја“, „CyclingNation“, CyclingNation LLC, 29 септември 2012 (конс. 1 октомври 2012).
  33. Бери Рајан. „Тони Мартин ја освои втората последователна Трка околу Пекинг“, „Cycling News“, Future Publishing Limited, 13 октомври 2012 (конс. 15 октомври 2012).
  34. The Canadian Press. „Хесједал ја доби наградата Лајонел Коначер за 2012“, The Sports Network, 26 декември 2012 (конс. 26 декември 2012).
  35. Ендру Худ. „Хесједал: Одбраната на Џиро е врвен приоритет во двоецот Џиро-Тур“, „VeloNews“, Competitor Group, Inc., 26 март 2013 (конс. 22 април 2013).
  36. Џејн Обри. „Hesjedal: We salvaged the Classics season“, „Cyclingnews“, Future plc, 21 април 2013 (конс. 22 април 2013).
  37. Стивен Фаранд. „Pugnacious Paolini prevails on stage three of Giro d'Italia“, „Cyclingnews.com“, Future plc, 6 мај 2013 (конс. 11 мај 2013).
  38. Хесједал се откажува од Џиро д’Италија“, „Cyclingnews.com“, Future plc, 17 мај 2013 (конс. 17 мај 2013).
  39. Канаѓанецот Хесједал возел со скршено ребро на Тур де Франс“, CBC Sports, 3 јули 2013.
  40. Резултати: Џиро д’Италија 2014, етапа 21“, „VeloNews“, Competitor Group, Inc., 1 јуни 2014 (конс. 29 август 2014).
  41. Late crash thwarts Hesjedal at Vuelta a España“, „Cyclingnews.com“, Future plc, 29 август 2014 (конс. 29 август 2014).
  42. http://www.cyclingnews.com/news/report-rasmussen-claims-he-taught-hesjedal-how-to-take-epo
  43. http://www.cyclingnews.com/news/hesjedal-admits-to-doping-says-evidence-was-given-to-usada
  44. „Her kommer Ryder Hesjedal sin familie fra“. http://www.tv2.no/sport/sykkel/tdf/her-kommer-ryder-hesjedal-sin-familie-fra-3537461.html. 
  45. Ryders Cycling Society of Canada“ (конс. 16 октомври 2012).
  46. Sean Fitz-Gerald. „Ryder Hesjedal taking a spin as cycling ambassador“, „National Post“, Postmedia Network Inc, 24 август 2012 (конс. 16 октомври 2012).
  47. http://www.slipstreamsports.com/garmin-slipstream-pro-team/ryder-hesjedal
  48. http://ryderhesjedal.ca/news/racing-news/item/ryder-hesjedal-cycles-off-with-the-lionel-conacher-award

Надворешни врски[уреди]