Дамијано Кунего

Од Википедија, слободната енциклопедија
Прејди на: содржини, барај
Дамијано Кунего

Кунего на Џиро д’Италија 2006
Лични податоци
Цело име Дамијано Кунего
Прекар Il Piccolo Principe (Малиот принц)
Роден 19 септември 1981 (1981-09-19) (32 г.)
Черо Веронезе, Италија
Висина 1,69 м
Маса 59 кг
Податоци за клубот
Мом. клуб Лампре-Мерида
Дисциплина Друмски велосипедист
Улога Возач
Вид на возач Специјалист за класици и искачување
Професионални клубови
2002–2004
2005–
Саеко Машине пер Кафе-Лонгони Спорт
Лампре-Кафита
Значајни победи
Гранд Тур
Џиро д’Италија
Jersey pink.svg Генерален пласман (2004)
4 индивидуални етапи (2004)
Тур де Франс
Jersey white.svg Пласман за млад возач (2006)
Вуелта а Еспања
2 индивидуални етапи (2009)

Етапни трки

Џиро дел Трентино (2004, 2006, 2007)
Копи е Бартали (2006, 2009)

Еднодневни трки и класици

Џиро ди Ломбардија (2004, 2007, 2008)
Амстел Голд Рејс (2008)
Јапонски куп (2008)
Последна промена
14 јануари 2014

Дамијано Кунего (италијански: Damiano Cunego; р. 19 септември 1981 во Черо Веронезе, Венето) — италијански професионален друмски велосипедист, кој вози за италијанската UCI World Tour екипа Лампре-Мерида.[1] Негови најголеми победи се Џиро д’Италија 2004, Амстел Голд Рејс 2008 и Џиро ди Ломбардија во 2004, 2007, 2008. Тој завршил втор на Светските друмски првенства во 2008 и на UCI ProTour 2008. Првенствено специјалист за искачување, тој ги подобри неговите хронометарски способности и се карактеризира со големи спринтерски можности, необично за еден искачувач. Тој е сметан за најдобар италијански велосипедист во класиците, по повлекувањето на Паоло Бетини.

Кариера[уреди]

Кунего започнал со велосипедизмот како тинејџер, откако имал успешни настапи во крос-кантри.[2] Тој бил откриен од Џузепе Мартинели, кој исто така работел со Марко Пантани.[3] Кунего станал професионалец во 2002 на возраст од 20 години, со Саеко Машине пер Кафе-Лонгони Спорт. Кунего ги освоил Џиро д’Оро и Џиро Медио Брента во неговата прва сезона како професионалец со Саеко во 2002. Во 2003, ја освоил седмата етапа и генералниот пласман на Трката околу езерото Кингај.[4]

Станал познат во мај 2004, освојувајќи ја Џиро д’Италија на возраст од 22 години со Саеко Машине пер Кафе, кој подоцна станал Лампре-Кафита во 2005. Силата на Кунего дошла како удар за неговиот капетан Џилберто Симони. Односите помеѓу двајцата во текот на трката биле заладени, кога Кунего го отспринтал Симони за победа на 18. етапа по соло-бегството на Симони. Ла Газета дело Спорт објавила дека кога Симони бил поминат од Кунего, кој бил опкружен од новинарите, Симони го покажал неговиот прст кон 22-годишниот носител на розовата маичка и луто кажал „Ти си копиле...ти си навистина глуп“.[5]

Во текот на 2004, тој ја освоил Џиро ди Ломбардија во октомври, неговата 13. победа во сезоната. Тој ја завршил првата сезона во Светскиот друмски куп како прв, најмлад возач кој успеал во тоа, на возраст од 23. Исто така, тој бил последниот возач рангиран како прв на Светскиот ранкинг, бидејќи од 2005 ова било заменето со UCI ProTour.

На Џиро д’Италија 2005, Симони и Кунего, двајцата биле предводници на Лампре-Кафита. Кунего не претставувал закана за Симони. Тој отпаднал во текот на првото искачување на Доломитите, губејќи шест минути на етапата и воедно секоја шанса за победа. Во тоа време, неговата екипа загубата ја објаснила како последица на „психолошка криза“, додека Кунего изјавил „голема тежина е симната од мене со овој пораз“. По трката, тој открил дека го има Епстајн-Бар вирусот. Не се натпреварувал на Тур де Франс 2005.

Во 2006, Кунего завршил трет на Лиеж-Бастон-Лиеж губејќи од Алехандро Валверде и Паоло Бетини во спринтерската завршница. На Тур де Франс 2006 Кунего бил најдобриот млад возач. Тој завршил втор на етапата 15 на Алп д’Ез, откако изгубил од Френк Шлек, кој се одвоил во последните 2 километри. Исто така, завршил трет на етапата 17.

Во 2007, Кунего повторно го освоил Џиро дел Трентино и неговиот втор Џиро ди Ломбардија.

Во 2008, ги освоил Класика Примавера и Амстел Голд Рејс,[6] каде се борел со двајца силни спринтери Алехандро Валверде и Френк Шлек; со победата на Амстел Голд се искачил на врвот во пласманот на UCI Pro Tour,[6] и исто така завршил втор на Светското друмско првенство 2008.[7] Тој бил сметан за еден од победниците на Тур де Франс 2008, но не успеал во тоа и отпаднал од трката за победник на крајот на трката. До крајот на годината, Кунего ја освоил по третпат Џиро ди Ломбардија и потоа ја завршил сезоната со победа во Јапонскиот куп, потврдувајќи се себеси како еден од најдобрите специјалисти за класици во светот.

Во 2009, ја освоил Копи е Бартали преку две етапни победи; подоцна освоил и две планински етапи на Вуелта а Еспања станувајќи фаворит на Светското првенство, каде завршил осми.

Во јули 2013, тој бил еден од 27. поранешни возачи и службеници поврзани со екипата Лампре-Мерида кои се обвинети за допинг во италијански суд, чие судење е закажано за 10 декември 2013. [8]

Достигнувања[уреди]

1999
1. MaillotMundial.PNG Светско јуниорско друмско првенство
2002
1. Џиро д’Оро
1. Џиро дел Медио Брента
2003
1. Jersey yellow.svg Краен пласман Трка околу езерото Кингај
1. Етапа 7
4. Краен пласман Трка Бриксија
6. Јапонски куп
2004
1. Jersey pink.svg Генерален пласман Џиро д’Италија
1. Етапа 2
1. Етапа 7
1. Етапа 16
1. Етапа 18
1. Џиро ди Ломбардија
1. Jersey yellow.svg Краен пласман Џиро дел Трентино
1. Етапа 1
1. Етапа 2
1. Џиро дел’Апенино
1. ГП Индустрија & Артиџанато
1. ГП Нобили Рубинетерие
1. Меморијал Марко Пантани
2. Јапонски куп
4. Џиро дел Венето
6. Класика Примавера
9. Светско друмско првенство UCI
2005
1. ГП Нобили Рубинетерие
1. Трофео Мелинда
1. Јапонски куп
2. Краен пласман Тур де Романди
1. Етапа 3
3. Тре Вали Варезине
7. Џиро дел Венето
9. Лиеж-Бастон-Лиеж
2006
1. Jersey yellow.svg Краен пласман Џиро дел Трентино
1. Jersey yellow.svg Краен пласман, Копи е Бартали
1. Етапа 3
1. Џиро д’Оро
1. ГП Индустрија & Артиџанато
2. Џиро дел Лацио
2. Класика Примавера
3. Лиеж-Бастон-Лиеж
4. Краен пласман Џиро д’Италија
1. Jersey white.svg Пласман за млад возач Тур де Франс
2007
1. Џиро ди Ломбардија
1. Jersey yellow.svg Краен пласман Џиро дел Трентино
1. Етапа 1
1. Етапа 2
1. Етапа 4 Трка околу Германија
1. ГП Бегели
5. Краен пласман Џиро д’Италија
4. Краен пласман Трка околу Баскија
5. Џиро дел’Емилија
2008
1. Џиро ди Ломбардија
1. Амстел Голд Рејс
1. Класика Примавера
1. Краен пласман, Јапонски куп
2. Silver medal blank.svg Светско друмско првенство UCI
3. Флеш Валон
3. Тре Вали Варезине
3. Краен пласман Трка околу Баскија
1. Етапа 5
1. Jersey green.svg Бодовен пласман
4. Краен пласман Тур де Свис
2009
Вуелта а Еспања
1. Етапа 8
1. Етапа 14
1. Jersey yellow.svg Краен пласман Копи е Бартали
1. Етапа 2
1. Етапа 3
3. Флеш Валон
5. Амстел Голд Рејс
6. Класика Примавера
5. Краен пласман Трка околу Баскија
6. Краен пласман Тур де Свис
7. Лиеж-Бастон-Лиеж
8. Светско друмско првенство UCI
2010
5. Флеш Валон
6. Амстел Голд Рејс
10. ГП де Квебек
2011
1. Џиро дел’Апенино
1. Етапа 2 Тур де Романди
2. Краен пласман Тур де Свис
3. Монтепаски Страде Бјанке
3. Краен пласман Џиро ди Сардења
1. Етапа 2
6. Краен пласман Тур де Франс
8. Краен пласман Тирено-Адријатико
2012
2. Краен пласман Џиро дел Трентино
1. Етапа 2
2. ГП ди Лугано
4. Краен пласман Трка околу Баскија
6. Краен пласман Волта а Каталуња
6. Краен пласман Џиро д’Италија
2013
1. Jersey green.svg Планински пласман Тирено-Адријатико
2. Краен пласман Сетимана Интернационале ди Копи е Бартали
1. Етапа 3
1. Jersey white.svg Бодовен пласман
3. Јапонски куп

Распоред на резултатите на Гранд Тур[уреди]

Гранд Тур 2003 2004 2005 2006 2007 2008 2009 2010 2011 2012 2013
Jersey pink.svg Џиро 34 1 18 4 5 17 11 6
Jersey yellow.svg Тур 11 СО 28 6 55
Jersey red.svg Вуелта 15 СО СО СО 33

СО = се откажал

Наводи[уреди]

  1. „Лампре-Мерида (LAM) – ITA“. „Светска турнеја UCI“. Меѓународен велосипедистички сојуз. http://www.uciworldtour.com/Modules/SUCI/TEAMS/TeamDetails.asp?id=MTU&RefDate=06.01.2013&MenuId=MTY2Njk&LangId=1&BackLink=%2Ftemplates%2FUCI%2FUCI2%2Flayout%2Easp%3FMenuId%3DMTY2Njk%26LangId%3D1. конс. 6 јануари 2013. 
  2. „Дамијано Кунего - Приказна“. damianocunego.it. 17 јуни 2011. http://www.damianocunego.it/storia_en.htm. конс. 17 јуни 2011. 
  3. Браун, Грегор. „Интервју на Дамијано Кунего: Во Каса Кунего“, „cyclesportmag.com“ (конс. 17 јуни 2011).
  4. Фаранд, Стивен. „Дамијано Кунего: Профил на возач“, „cyclingweekly.co.uk“, 23 февруари 2009 (конс. 27 јануари 2009).
  5. Дамијано Кунего: Профил на возач“, „cyclingnews.com“, 30 мај 2004 (конс. 27 јануари 2009).
  6. 6,0 6,1 „Кунего со спринт до победа на Амстел Голд“. „BBC News“. 21 април 2008. http://news.bbc.co.uk/sport1/hi/other_sports/cycling/7358708.stm. конс. 27 април 2009. 
  7. „Светски друмски првенства 2008“. „BBC News“. 28 септември 2008. http://news.bbc.co.uk/sport1/hi/other_sports/cycling/7640845.stm. конс. 27 април 2009. 
  8. http://www.guardian.co.uk/sport/2013/jul/19/damiano-cunego-doping-charges-cycling

Надворешни врски[уреди]