Ленс Армстронг

Ленс Армстронг

Армстронг на Тур де Франс 2010
Лични податоци
Цело име	Ленс Едвард Армстронг
Прекар	Шефот, Хуан Пелота, Биг Текс, Тексанецот, Весел Џони „Mellow Johnny“(од францускиот збор maillot jaune за жолта маичка)
Роден	18 септември 1971 (1971-09-18) Плано, Тексас, САД
Висина	1,77 м
Маса	75 кг
Податоци за клубот
Дисциплина	Друмски велосипедизам
Улога	Возач
Вид на возач	Универзален возач
Аматерски клубови
1990–1991 1991	Дискавери Канал Национален тим на САД
Професионални клубови
1992–1996 1997 1998–2004 2005 2009 2010–2011	Моторола Кофидис Дискавери Канал Дискавери Ченел Астана Тим РадиоШек
Значајни победи
Еднодневни трки и класици Светски друмски првак (1993) Национален друмски првак (1993) Класика де Сан Себастијан (1995) Флеш Валон (1996)
Освоени медали Натпреварувач за САД Друмски велосипедизам Светски првенства Злато Осло 1993 друмска трка за мажи Олимписки игри Бронза Сиднеј 2000 хронометар за мажи
Последна промена 22 октомври 2012

Ленс Едвард Армстронг (роден Ленс Едвард Гундерсон, 18 септември 1971) е поранешен американски професионален друмски велосипедист. Во 2012 бил доживотно суспендиран и му биле одземени сите негови резултати од август 1998 поради користење и дистрибуирање различни средства за постигнување подобри резултати. Пред да ги загуби неговите титули, Армстронг го освоил Тур де Франс седум пати по ред, од 1999 до 2005, откако го преживеал ракот на тестисите.

Биографија

Ленс Армстронг е роден на 18 септември 1971 година како Ленс Едвард Гандерсон (англиски: Lance Edward Gunderson). Во октомври 1996 година му бил дијагностициран рак на тестисите, со тумор што метастазирал на мозокот и белите дробови. Иако прогнозата за преживување била помала од 40%, сепак, тој не само што се излечил, туку подоцна ја продолжил велосипедската кариера. По победата над болеста, тој постанал основач и претседател на Фондацијата за истражување на ракот "Ленс Армстронг". Исто така, со цел да го поттикне развојот на велосипедизмот, во 2002 година, Армстронг донирал 100 000 долари во корист на Меѓународниот велосипедистички сојуз (UCI).

Кариера

По победата над ракот, Армстронг ја продолжил својата велосипедска кариера во 1999 година. Тој е познат по освојувањето рекордни седум последователни титули на престижната велосипедска трка "Тур де Франс" во периодот помеѓу 1999 и 2005 година. На 24 јули 2005 година, Армстронг се повлекол од професионалниот спорт, но во 2009 година повторно му се вратил на велосипедизмот, освојувајќи го третото место на "Тур де Франс". Своите најголеми усоеси, Армстронг ги постигнал возејќи за тимот на "US Postal", а почнувајќи од 2010 година, возел за тимот RadioShack.

Уште во периодот на неговите најголеми спорстки успеси на Армстронг, неофицијално започнало да се зборува дека титулите ги освоил на нечесен начин, т.е. користејќи недозволени средства. Овие обвинување подоцна се покажале точни кога Американската анти-допинг агенција (USADA), по обемна и долготрајна истрага, докажала дека Армстронг користел најсовршена и најпрофесионална допинг-програма со која во текот на годините успевал да ги избегне допинг-контролите. Во октомври 2012 година, Американската анти-допинг агенција објавила посебен извештај, напишан на илјада страници во кој е опишан начинот на кој Армстронг се допингувал и ги освојувал своите титули. Притоа, во извештајот се вклучени сведочењата на 26 луѓе, од кои 15 велосипедисти од тимот на "US Postal", кои детаљно објасниле како се ивршувал допингот. Една недела по објавувањето на овој извештај, Меѓународната велосипедска унија официјално му ги одзела на Армстронг седумте освоени титули на "Тур де Франс" и го казнила со доживотна забрана да се занимава со професионален велосипедизам.

Надворешни врски

Викицитат има збирка цитати поврзани со:

Lance Armstrong

• Одлуката на USADA
• Официјална страница
• Фондација на Ленс Армстронг
• Профил на Ленс Армстронг на Cycling Archives
• Lance Armstrong на Internet Movie Database