Згури (Гризилевци)

Згури — населба, рудник и топилница од доцноантичко време кај пробиштипското село Гризилевци. Лежи на 2 км западно од селото, на пространа падина низ која поминува патот Пробиштип-Кратово. На површината се среќаваат остатоци од топена оловна и сребрена руда, а пред околу 30 години биле откриени темели од десетина топилници. Во северниот дел на наоѓалиштето се среќаваат фрагменти од керамички садови, а се забележуваат и остатоци од темели на неколку помали објекти. Биле најдени и монети меѓу кои и една златна, со претстава на Анастасиј. Дел од монетите се чуваат во Музејот на Македонија во Скопје.

Поврзано

• Гризилевци;
• Список на археолошки наоѓалишта во Пробиштипско;