Планинарски предизвик „12 Врвови“
Планинарски предизвик „12 Врвови“ — акција на планинарското друштво Трансверзалец којашто се состои од еднодневни походи со цел искачување на 12 врвови на територијата на Македонија. Предизвикот започнал во октомври 2016 година. Досега се завршени седум сезони и во тек е спроведувањето на осмата сезона. Акцијата е поддржана од здружението на граѓани Единствена Македонија, како и претпријатијата Алгасан и Диманго.
Опис
[уреди | уреди извор]Предизвикот е осмислен по иницијатива на Марио Шаревски, кој во 2016 година ја превел и уредил книгата „Материјали по изучувањето на Македонија“ од Ѓорче Петров, во која детално се опишани планините во Македонија.[1] Предизвикот опфаќа обележување и искачување на 12 „непознати и најмалку посетени“ врвови на различни планини во Македонија, а во него може да учествува секое полнолетно лице со добра физичка и психичка подготвеност за целодневни планинарски походи. Учесниците кои ќе се искачат на сите 12 врвови во рамки на предизвикот, покрај значка и признаница, ќе добијат и примерок од споменатото дело на Ѓорче Петров.[2] Тематиката за искачување на врвовите по целата територија на Македонија може да биде од различен карактер и да се однесува на: географските појави во близина на врвовите како леднички езера, водопади, извори, културно-историското значење на врвовите како археолошки ископини, познати во народното творештво и историјата по некој настан, како и биоразновидноста односно застапеноста на ретки растителни видови во околината на врвот.[3]
Список на врвови
[уреди | уреди извор]Изборот на врвови е извршен врз основа на нивното значење како највисоки, историски, езерски и биоразновидносни.[1] Врвовите кои се дел од предизвикот се следните:[2]
| Врв | Височина | Планина | Сезона | Месец |
|---|---|---|---|---|
| Лисец | 1.935 м | Голешница | 1 | октомври 2016 |
| Лисец | 1.527 м | Осоговски Планини | 1 | ноември 2016 |
| Водени Камен | 1.259 м | Жеден | 1 | декември 2016 |
| Плат | 2.398 м | Шар Планина | 1 | јануари 2017 |
| Орле | 1.480 м | Вишешница | 1 | февруари 2017 |
| Мовнатец | 1.564 м | Даутица | 1 | март 2017 |
| Лиска | 1.908 м | Илинска Планина | 1 | април 2017 |
| Добра Вода | 2.062 м | Челоица | 1 | мај 2017 |
| Веливар | 2.373 м | Дешат | 1 | јуни 2017 |
| Стрижак | 2.233 м | Јабланица | 1 | јули 2017 |
| Самаркајасен | 1.877 м | Беласица | 1 | август 2017 |
| Брзовец | 2.082 м | Бистра | 1 | септември 2017 |
| Плавник | 2.126 м | Даутица | 2 | октомври 2017 |
| Зајачница | 1.760 м | Сува Планина | 2 | ноември 2017 |
| Попово Гумно | 1.193 м | Китка | 2 | декември 2017 |
| Гоглин | 1.197 м | Козјак | 2 | јануари 2018 |
| Клепа | 1.150 м | Клепа | 2 | февруари 2018 |
| Висока | 1.472 м | Селечка Планина | 2 | март 2018 |
| Чупино | 1.725 м | Плачковица | 2 | април 2018 |
| Кадиица | 1.932 м | Влаина | 2 | мај 2018 |
| Бачилски Камен | 1.928 м | Кораб | 2 | јуни 2018 |
| Канеш | 2.218 м | Стогово | 2 | јули 2018 |
| Радуч | 2.083 м | Јабланица | 2 | август 2018 |
| Трпезница | 2.590 м | Шар Планина | 2 | септември 2018 |
| Голема Враца | 2.582 м | Шар Планина | 3 | октомври 2018 |
| Бејаз Тепе | 1.348 м | Средна | 3 | ноември 2018 |
| Тепе | 1.526 м | Буковиќ | 3 | декември 2018 |
| Свински Камен | 1.625 м | Скопска Црна Гора | 3 | јануари 2019 |
| Волчјак | 1.159 м | Серта | 3 | февруари 2019 |
| Уво | 1.472 м | Осоговски Планини | 3 | март 2019 |
| Два Камна | 1.919 м | Бистра | 3 | април 2018 |
| Трите Страги | 1.478 м | Дрен | 3 | мај 2019 |
| Голема Грива | 2.215 м | Баба | 3 | јуни 2019 |
| Кале | 2.112 м | Јакупица | 3 | јули 2019 |
| Лакосигној | 1.984 м | Галичица | 3 | август 2019 |
| Дудица | 2.132 м | Кожуф | 3 | септември 2019 |
| Бистрички Врв | 2.572 м | Шар Планина | 4 | октомври 2019 |
| Фојник | 1.420 м | Сува Гора | 4 | ноември 2019 |
| Бајрак | 1.527 м | Караџица | 4 | декември 2019 |
| Перен | 1.326 м | Козјак (Козјачија) | 4 | јануари 2020 |
| Кафчал | 1.757 м | Лубен | 4 | февруари 2020 |
| Унка | 1.362 м | Беласица | 4 | март 2020 |
| Ченгино Кале | 1.752 м | Малешевски Планини | 4 | април 2020 |
| Орли Врв | 1.794 м | Караорман | 4 | мај 2020 |
| Голем Рид | 2.015 м | Бистра | 4 | јуни 2020 |
| Боази | 2.495 м | Кораб | 4 | јули 2020 |
| Старков Заб | 2.233 м | Ниџе | 4 | август 2020 |
| Китка | 1.903 м | Осоговски Планини | 4 | септември 2020 |
| Крајни Камен | 2.093 м | Караџица | 5 | октомври 2020 |
| Огражденец | 1.744 м | Огражден | 5 | ноември 2020 |
| Петлец | 1.352 м | Малешевски Планини | 5 | декември 2020 |
| Бошанов Камен | 1.545 м | Билино | 5 | јануари 2021 |
| Мусица | 1.791 м | Бушева Планина | 5 | февруари 2021 |
| Зелка | 1.426 м | Козјак | 5 | март 2021 |
| Сталев Камен | 1.998 м | Плакенска Планина | 5 | април 2021 |
| Црвена Плоча | 2.107 м | Крчин | 5 | мај 2021 |
| Чапарец | 2.272 м | Кораб | 5 | јуни 2021 |
| Расенгул | 2.382 м | Шар Планина | 5 | јули 2021 |
| Тепено | 2.158 м | Галичица | 5 | август 2021 |
| Стол | 2.131 м | Баба | 5 | септември 2021 |
| Кабаш | 2.391 м | Кораб | 6 | октомври 2021 |
| Врон | 1.317 м | Караџица | 6 | ноември 2021 |
| Дупен Камен | 1.857 м | Сува Гора | 6 | декември 2021 |
| Уши | 1.910 м | Сува Планина | 6 | јануари 2022 |
| Лилјачица | 1.287 м | Јакупица | 6 | февруари 2022 |
| Чупино Брдо | 1.703 м | Билино | 6 | март 2022 |
| Вртешка | 2.010 м | Баба | 6 | април 2022 |
| Сокол | 1.822 м | Ниџе | 6 | мај 2022 |
| Тумба | 1.881 м | Беласица | 6 | јуни 2022 |
| Скакало | 2.494 м | Шар Планина | 6 | јули 2022 |
| Плоча | 2.450 м | Шар Планина | 6 | август 2022 |
| Мала Рупа | 2.004 м | Кожуф | 6 | септември 2022 |
| Караџица | 2.472 м | Караџица | 7 | октомври 2022 |
| Сива Кобила | 1.642 м | Осоговски Планини | 7 | ноември 2022 |
| Чука | 1.380 м | Скопска Црна Гора | 7 | декември 2022 |
| Кукуљатица | 772 м | Градиштанска Планина | 7 | јануари 2023 |
| Чаве | 1.557 м | Вишешница | 7 | февруари 2023 |
| Голем Сач | 1.698 м | Баба Сач | 7 | март 2023 |
| Лута | 1.499 м | Бабуна | 7 | април 2023 |
| Јошков Камен | 1.917 м | Песјак | 7 | мај 2023 |
| Бојаџиев Врв | 2.331 м | Баба | 7 | јуни 2023 |
| Шупла Стена | 2.431 м | Кораб | 7 | јули 2023 |
| Петров Камен[а] | 2.601 м | Шар Планина | 7 | август 2023 |
| Иванов Врв | 1.909 м | Јакупица | 7 | септември 2023 |
| Балтова Чука | 1.823 м | Козјак (Мариово) | 8 | октомври 2023 |
| Ниска Чука | 1.643 м | Беласица | 8 | ноември 2023 |
| Пупљак | 1.626 м | Скопска Црна Гора | 8 | декември 2023 |
| Кара Тепе | 997 м | Плавуш | 8 | декември 2023 |
| Голем Камен | 1.656 м | Бигла | 8 | јануари 2024 |
| Аниште | 1.786 м | Дукат | 8 | март 2024 |
| Вели Врв | 1.535 м | Голјак | 8 | април 2024 |
| Бел Камен | 2.074 м | Даутица | 8 | мај 2024 |
| Среден Камен | 2.097 м | Шар Планина | 8 | јуни 2024 |
| Порта | 2.097 м | Кожуф | 8 | јули 2024 |
| Зиберова Кула | 2.377 м | Кораб | 8 | август 2024 |
| Оревчето | 1.351 м | Козјак (Мариово) | 8 | септември 2024 |
- Галерија на слики
Лисец (1.935 м) на планината Голешница
Плат (2.398 м) на Шар Планина
Лиска (1.908 м) на Илинска Планина
Добра Вода (2.062) на Челоица
Веливар (2.373 м) на Дешат
Стрижак (2.233 м) на Јабланица
Самаркајасен (1.877 м; лево) на Беласица
Брзовец (2.082 м) на Бистра
.jpg)
Повзано
[уреди | уреди извор]Белешки
[уреди | уреди извор]- а Врвот бил безимен, а по искачувањето му било дадено името „Петров Камен“ во чест на Ѓорче Петров, кој за првпат го споменал во делото „Материјали по изучувањето на Македонија“.
Наводи
[уреди | уреди извор]- 1 2 Ј., С. (20 декември 2016). „Колку маркирани планини, толку видливи убавини“. Нова Македонија. Посетено на 5 мај 2017.
- 1 2 Д., Л. (4 октомври 2016). „Почна планинарскиот предизвик „12 Врвови"“. Нова Македонија. Посетено на 5 мај 2017.
- ↑ Планинарски Предизвик „12 Врвови“. ПД „Трансверзалец“. 2 октомври 2016.