Голешница

Голешница
Највисока точка
Надм. вис.	1.935
Географија
Голешница на карта
Место	Македонија
Покраина	MK
Матичен венец	Мокра

Голешница — средновисока планина во средишниот дел на Македонија. Всушност му припаѓа на источниот дел од масивот Мокра Планина, но од него е морфолошки одвоена. Се наоѓа помеѓу горните делови од речните долини на Кадина Река и Тополка, со правец на протегање запад–исток. Зафаќа површина од 197 км². Највисоки точки се врвовите Лисец (1.935 м) и Сипичан (1.789 м). На север преку својата огранка Османбежица (1.730 м) и гребенот Дрмос се спојува со Китка, додека на запад преку Сипичан директно се поврзува со главниот јазол на целиот масив односно со Бегово Поле и врвовите Пржал и Солунска Глава. Самото име ни покажува дека е сиромашна со шуми, односно дека е обесшумена, што придонело да се развие интензивна рецентна ерозија. Таа е потпомогната и со големите наклони кои се карактеристични за северните и јужните падини.

Галерија

• 
  Поглед на планината Голешница со највисокиот врв Лисец
• 
  Поглед на сртот на Голешница од врвот Солунска Глава
• 
  Поглед на југозападните падини од највисокиот врв Лисец
• 
  Поглед на највисокиот врв Лисец од Османбежица
• 
  Долината на Кадина Река на Голешница
• 
  Карпест гребен на северната падина под врвот Лисец
• 
  Поглед кон подножјето на планината во долното течение на Кадина Река
• 
  Шума на источната падина под врвот Лисец