Лисец (Голешница)

Од Википедија — слободната енциклопедија
Лисец

Поглед на Голешница со врвот Лисец под снег
Висина &100000000000019350000001.935 м
Место Македонија Македонија
ВенецГолешница (Мокра)
Прво освојувањенепознато

Лисец — највисок врв на планината Голешница, која е крајната источна огранка на планинскиот масив Мокра во средишниот дел на Македонија. Неговата надморска височина изнесува 1.935 метри[1].

Географија[уреди | уреди извор]

Местоположба[уреди | уреди извор]

Мала Река во горниот дел каде поминува планинарска патека до врвот Лисец

Сместен е на просторот помеѓу Скопје и Велес во исклучително тешко пристапен терен обраснат со многу дабова, букова, зимзелена и нискостеблеста шума во која што живее многу дивеч, ограден од реката Вардар на исток, Кадина Река на север и Тополка на југ додека на запад преку сртот на врвот Сипичан (1.790 м.) и огранката Јуручица се поврзува со Бегово Поле и највисокиот врв на целиот масив — Солунска Глава (2.540 м.).

Ретката посетеност на врвот Лисец на Голешница се должи на тешката пристапност поради географските одлики и услови на теренот. имено, пристапот од сите страни на врвот Лисец е опкружен со многу ниски преслапи и превои како Вилјак (1.125 м.) над кој се извишува врвот Дива Леска (1388 м.) и Мала Река (816 м.) над кој се издигнува врвот Студена Вода (1475 м.), поради што искачувањето на Лисец подразбира искачување на овие врвови спуштање пониско до овие седла и повторно искачување до самиот врв, при што целосниот потфат за искачување достигнува и 2000 метри денивелација надминувајќи и временски период од 6-7 часа.

Патеки[уреди | уреди извор]

При одржувањето на првата акција од планинарскиот предизвик „12 Врвови“ од викенд-населбата Мала Река и истоимената река преку гребенот Османбежица до самиот врв е маркирана патека со јасни обележувања, а исто така постои пристап и обележаност и од велешката страна од селото Дреново.

Планинарски дом[уреди | уреди извор]

Недалеку, наспротив врвот постои разрушениот планинарски дом и некогашно воздушно лекувалиште „Бреза“ на истоимениот гребен и врв висок 1396-1405 м.н.в. Глетката од врвот ги опфаќа Солунска Глава, Китка, долината на Вардар, поширокиот регион на Велешко со вештачкото езеро „Лисиче“.

Галерија[уреди | уреди извор]

Наводи[уреди | уреди извор]

  1. „Студија за геодиверзитетот и геонаследството на Република Македонија и другите компоненти на природата (биолошка и пределска разновидност)“ (PDF). Скопје: Министерство за животна средина и просторно планирање. 2016. стр. 98. Посетено на 16 јануари 2024.