Бандар Сери Бегаван

Од Википедија — слободната енциклопедија
Прејди на: содржини, барај
Бандар Сери Бегаван
بندر سري بڬاوان
Прекар(и): Древен град
Координати: 4° СГШ 114° ИГД / 
држава Брунеи Брунеи
Површина
 • Град 100,36 км2
Население (2002)
 • Град 27.285 жит.
 • Урбано 74.700 жит.
Портал http://www.municipal-bsb.gov.bn/
Средно сончево време UTC+07:39:00

Бандар Сери Бегаван (малајски: Bandar Seri Begawan, јависко писмо: بندر سري بڬاوان ) е главен град и најголемо пристанешти во султанатот Брунеј. Градот брои 27,285 жители (податоци од 2002),[1]

Етимологија[уреди]

Градот, името го добил по таткото на султанот, Омар Али Саифудиен, на 5 октомври 1970 година, со името Бандар Брунеј. Бегаван е име за брунејските монарси кои абдицирале, а потекнува од санскритскиот збор за „бог“. Зборот бандар потекнува од персискиот јазик (بندر) и значи „пристаниште“ или „засолниште“ (бандар на малајски значи „град“).

Историја[уреди]

Податоци за населени места по течението на реката Брунеј, датираат уште од 7. век. Наслебите биле слични како оние во Кампонг Ајер, во близина на денешниот Музеј Брунеј.

На 1 август 2007, султанот даде согласност за проширување на градот од 12,87 до 100,36 квадратни километри, со тоа што кон градот беа приклучени неколку села и приградски наслелби.

Географија[уреди]

Бандар Сери Бегаван се наоѓа северно од реката Брунеј, на брегот од Јужнокинеското море. Во градот живеат 27,285 жители, а во метрополитенската област 74,700.[1]

Демографија[уреди]

Мнозинството од населението се етнички Малајци, а Кинезите се најзначајните малцинска група. Абориџински етнички групи, како на пример Ибанците, исто така го населуваат градот, но се сметаат за Малајци. Голем број од работниците од странство се од Индонезија, Филипините и од земјите од индискиот полуостров.

Економија[уреди]

Во градот се произведува мебел, текстил и градежен материјал. Типични за градот се и бројните занаети.

Превоз[уреди]

Јалан Султан (Султанова улица) во Бандар Сери Бегаван

Меѓународниот аеродром Брунеј се наоѓа на одалеченост од 11 km од центарот на градот и до него може да се стигне за само 10 минути, по автопатот Султан Хасанаи Болкиа.

Водното такси наречено „пенамбанг“ се користи за превоз на патници од градот до Кампонг Ајер. За превоз на патници од Бангар до Лимбанг се користат моторни чамци.

Образование[уреди]

Сите степени на обраование се достапни во Бандар Сери Бегаван, од детски градинки до високо образование. Универзитетот Брунеј Даруссалам, кој бил основан на 28 октомври 1985 се наоѓа на оддалеченост од околу 4,5 km од центарот на градот.[2]. Универзитетот е најстар и најголем во Брунеј, во однос на бројот на книги и разновидноста на образованието што им го нуди на студентите. ториот универзитет во султанатот е универзитетот Ислам Султан Шариф Али, кој се наоѓа во населбата Гадонг. Овој универзитет беше отворен на 1 јануари 2007[3] и претставува исламски универзитет.

Во градот се наоѓаат и голем број на високообразовни институти, како што се училиштето за наука Падука Сери Бегаваан Султан, Технолошкиот институт и единственото медицинско училиште Мактаб Јурурват Пенгиран Анак Путери Рашида Саадатул.

Наводи[уреди]

Надворешни врски[уреди]