Абу Даби

Од Википедија — слободната енциклопедија
Прејди на: содржини, барај
Абу Даби
أبو ظبي Абу Заби
—  град  —
Абу Даби
Поглед на Абу Даби од Мартина Мол

Знаме
Координати: 24°28′ СГШ 54°22′ ИГД / 
држава Обединети Арапски Емирати
Управа
 • Вид Уставна монархија[1]
 • Шеик Халифа бин Зајед ал Нахјан
 • Принц Мохамед бин Зајед ал Нахјан
Површина
 • Вкупна 67.340 км2
Население (2008)
 • Вкупно 859,749 жит.
Час. појас стандардно време за ОАЕ (UTC+4)
Портал Портал на Владата на Абу Даби

Абу Даби (арапски: أبو ظبي Абу ẓabī, буквално Татко на газела[2]) е главен град и втор најголем град во Обединетите Арапски Емирати. Абу Даби лежи на остров во Т-форма во Персискиот залив од страна на централниот западен брег. Градот се простира на површина од 67.340 км2, а во него живеат 859.749 (податоци од 2008)[3]

Во Абу Даби се наоѓаат значајни градби на сојузната влада, а градот е седиште на Владата на Обединетите Арапски Емирати, а во него се наоѓа и домот на кралското семејство. Абу Даби прераснува во космополитска метропола. Неговиот брз развој и урбанизација, во комбинација со релативно високиот просечен приход на населението, го менува Абу Даби. Денес, градот е политички центар на земјата, центар на индустријата, како и најголем културен и трговски центар и поради својата положба како главен град. Градот сам, учествува до 15% од вкупниот БДП на Обединетите Арапски Емирати.[4][5] Абу Даби е дом на важни финансиски институции како што се берзата во Абу Даби, Централната банка на Обединетите Арапски Емирати и корпоративното седиште на многу компании и на повеќе мултинационални корпорации. Како главен град на земја, која е меѓу најголемите светски производители на нафта, Абу Даби активно ја шири својата својата економија во последните неколку години преку инвестиции во финансиските услуги и туризмот. Абу Даби е трет најскап град во регионот, и 26 најскапиот град во светот.[6]

Етимологија[уреди]

Етимологијата на Абу Даби е неизвесна, но постојат многу различни толкувања. Едно од нив е дека во областа во која се простира градот имало Даби (елени), па градот е наречен по тоа. Друга приказна тврди дека градот е именуван по човек, којшто бркал елени, па бил наречен „човекот елен“ (на арапски јазик би можело да се преведе и како „татко на елени“), а потоа името го добило и местото на тој простор. Некои Бедуини местото го нарекле Ум Даби („мајка на елени“). Сепак, британските архиви се однесуваат на градот како Абу Даби и во согласност со книги напишани од арапските историчари и поети, името за прв пат било употребено пред повеќе од 300 години.

Најверојатно, првото име било Ду Даби, со значење „со/поседување елени“. Зборот „Ду“, веројатно бил отфрлен, бидејќи се смета дека е премногу тежок или не се поклопува со идиомот на локалниот дијалект.

Во старите времиња, Абу Даби бил наречен „милх“ (арапски збор за „сол“), веројатно затоа што, градот се наоѓа покрај солена вода. Сепак, денес тоа е име на еден остров во близина на брегот на Абу Даби.[7]

Историја[уреди]

Градот е основан во 1760 година. Врз основа на главниот град на ОАЕ, за градот е врзана една прекрасна легенда. Арапите-ловци од една оаза бркале газела. Газела долго трчала во пустината, а потоа го довела ловците на на брегот на Персискиот Залив, каде се нурнала во водата и продолжила до островот. Ловците ја следеле, а газелата ги довела до извор на прекрасна слатка вода. Со благодарност, ловците газелата ја оставиле да живее, а во околината на изворот, се населиле и местото го нарекле „татко на газела„ што на арапски звучи како Абу Даби.

Географија[уреди]

Полгед од вселената

Градот се наоѓа на остров во Персисикиот залив, на околу 250 m од брегот на Арапскиот полуостров Островот е поврзан со копното со два сообраќајни моста.

Голем дел од градот се наоѓа на островот, но има и населби, кои се наоѓаат на копното, како што се: Халифа А, Халифа Б, Рана Бич, Меѓу два моста, Банија и Резиденција Мусафа.

Клима[уреди]

Климата во Абу Даби е сува и жешка. Сонцето и синото небо се типични за сите периоди од годината. Периодот од април до септември е влажен, со високи температури, чиј просек е над 40 °C. Во тоа време, ожна е и појавата на песочнио бури, при што намалувањето на видливоста е и до неколку метри.

Од ноември до март е постудено. Во овој период можна е и појавата на слаба магла, а во некои денови можни се и врнежи. Просечната дневна температура во овој период од годината е околу 25 °C. Во оазата Ал-Аин, одалечена на околу 150km јужно од градот, во близина на границата со Оман, се регистрирани највсиоките температури во земјата. Сепак, пустинската клима и свежите утра, овозможуваат околу градот во текот на целата година да се разликува период на жешко лето и влажен период.[8]

Клима на {{{Место}}}
Показател Јан Фев Мар Апр Мај Јун Јул Авг Сеп Окт Ное Дек

Превоз[уреди]

Старите такси-автомобили во Абу Даби, беа заменети со нови, со сребрена боја[9]

Главен вид на превоз во градот е такси. Во градот има широки и современи улици, со три ленти во секоја насока. Интересно е што во правец север-југ се протегаат патиштата, а во правец исток-запад улиците. Средината на улицата е поделба Ивица, кој обично е под дланка. Во средината на улиците, обично има тревни области, во кои се засадени палми.

Економија[уреди]

Главниот економски центар е во северниот дел од градот, каде се наоѓаат неколку административни и финансиски центри, во населбата Корниш. Во овој дел од градот се изградени високи облакодери, а населбата е наречена „Менхетен на Блискиот исток“. Остатокот од градот се вили на богатите жители на градот. Развојот на градот и неговиот современ изглед бил забрзан уште во 1980-тите. Но, и покрај овој развој, развојот на Дубаи во моментов, го прави градот Абу Даби поскромен и понеатрактивен. И покрај тоа, градот учествува со околу 15% од вкупниот БДП на земјата.

Образование[уреди]

Во Абу Даби има неколку меѓународни и локални приватни училишта и универзитети. Во нив се говорат неколку јазици, кои ги зборува населението во градот.

Спорт[уреди]

Во 2009, на новозиградената писта на вештачкиот островот Јас се очекува да се одржи првата трка За големата награда на Абу-Даби во првенството во Формула 1.

Панопрамски погледи[уреди]

Панорамски поглед на Абу Даби
Панорамски поглед на современиот Абу Даби, виден од Марина

Збратимени градови[уреди]

Видете исто така[уреди]

Наводи[уреди]

  1. „UAE Constitution“. Helplinelaw.com. http://www.helplinelaw.com/law/uae/constitution/constitution01.php. конс. 21 јули 2008. 
  2. „The secret lives of names“. Gulf News. 8 март 2007. http://archive.gulfnews.com/articles/07/03/08/10109658.html. конс. 23 август 2008. 
  3. World Gazetteer. „United Arab Emirates: Administrative Divisions (population and area)“.
  4. Gulfnews: Dubai contributes more than 30% of the UAE economy. Archive.gulfnews.com (2009-06-16). Retrieved on 2009-07-16.
  5. Gulfnews: Abu Dhabi and Dubai lead in contributions to GDP. Web.dcci.ae. Retrieved on 2009-07-16.
  6. „Cost of living — The world's most expensive cities“. City Mayors. http://www.citymayors.com/features/cost_survey.html. конс. 22 јули 2009. 
  7. UAEinteract.com. „How did Dubai, Abu Dhabi and other cities get their names? Experts reveal all UAE - The Official Web Site - News“. Uaeinteract.com. http://www.uaeinteract.com/docs/How_did_Dubai,_Abu_Dhabi_and_other_cities_get_their_names?_Experts_reveal_all/24335.htm. конс. 7 јули 2009. 
  8. „Sharjah, United Arab Emirates“. „BBC Weather“. http://www.bbc.co.uk/weather/world/city_guides/results.shtml?tt=TT002910. конс. 22 јули 2009. 
  9. Abu Dhabi celebrates the launching of its new taxi fleet | Taxi and Hire Car Regulation Centre. Ameinfo.com (2007-02-26). Retrieved on 2009-07-16.
  10. Madrid city council webpage „Mapa Mundi de las ciudades hermanadas“. Ayuntamiento de Madrid. http://www.munimadrid.es/portal/site/munimadrid/menuitem.dbd5147a4ba1b0aa7d245f019fc08a0c/?vgnextoid=4e84399a03003110VgnVCM2000000c205a0aRCRD&vgnextchannel=4e98823d3a37a010VgnVCM100000d90ca8c0RCRD&vgnextfmt=especial1&idContenido=1da69a4192b5b010VgnVCM100000d90ca8c0RCRD Madrid city council webpage. конс. 22 јули 2009. 
  11. Abu Dhabi, Houston to sign 'Sister City' pact UAE - The Official Web Site - News. Uaeinteract.com. Retrieved on 2009-07-16.
  12. http://www.zawya.com/Story.cfm/sidWAM20090203063026923/Abu%20Dhabi,%20Brisbane%20ink%20sister%20city%20agreement/
  13. Twin towns of Minsk. © 2008 The department of protocol and international relations of Minsk City Executive Committee. http://minsk.gov.by/cgi-bin/org_ps.pl?k_org=3604&mode=doc&doc=3604_2_a&lang=eng. конс. 8 декември 2008. 

Надворешни врски[уреди]