Орел или Мавровица — вештачка акумулација изградена на Орелска Река во срцето на Овче Поле. Се наоѓа северно од Свети Николе, а јужно од селото Орел, чие име го носи. Акумулацијата е со запремина 2,5 мил.м3 вода и служи за наводнување. Езерото е позната риболовна дестинација, а ги има видовите на риба како: сом, крап, амур, лињак, костреж, клен, и црвеноперка, а најинтересно е дека во езерото има и слатководни медузи.[1] На езерскиот брег се одржува и меѓународен риболовен натпревар во лов на крап со јадица на дно, „по шема“ фати и пушти.[2]
