Трсино

Од Википедија — слободната енциклопедија
Прејди на прегледникот Прејди на пребарувањето
Трсино
Поглед на село Трсино.jpg

Панорама на Трсино

Трсино is located in Македонија
Трсино
Местоположба на Трсино во Македонија
Координати 41°54′38″N 22°38′58″E / 41.91056° СГШ; 22.64944° ИГД / 41.91056; 22.64944Координати: 41°54′38″N 22°38′58″E / 41.91056° СГШ; 22.64944° ИГД / 41.91056; 22.64944
Регион Logo of Eastern Region, North Macedonia.svg Источен
Општина Coat of arms of Vinica Municipality, Macedonia.svg Виница
Област Пијанец
Население 730[1] жит.
(поп. 2002)
Пошт. бр. 2316
Повик. бр. 033
Надм. вис. 740 м
Трсино на општинската карта
Трсино во Општина Виница.svg

Атарот на Трсино во рамките на општината
Commons-logo.svg Трсино на Ризницата


Трсино — село во Општина Виница, во областа Пијанец, во околината на градот Виница.

Географија и местоположба[уреди | уреди извор]

Трсино се наоѓа на западните падини на планината Голак, во крајниот северен дел на територијата на Општина Виница и неговиот атар се граничи со Општина Делчево. Селото е ридско и е сместено на надморска височина од 740 м. Атарот на селото зафаќа површина од 35 км2. Од Виница е оддалечено околу 20 км.[2]

Историja[уреди | уреди извор]

Во XIX век, Трсино било мешано село на Македонци и Турци, сместено во Кочанската каза на Отоманската Империја.

Во Првата балканска војна, од селото имало еден доброволец кој бил дел од Македонско-одринските доброволни чети.[3]

По Втората балканска војна, селото паднало под српска власт.

Стопанство[уреди | уреди извор]

Селото има мешовита земјоделска фумкција. Од вкупната земјоделска површина во атарот на селото, шумите зафаќаат површина од 1.384 ха, пасиштата површина од 1.301 ха, а на обработливо земјиште отпаѓаат 756 ха.[2]

Население[уреди | уреди извор]

Според податоците на Васил К’нчов („Македонија. Етнографија и статистика“) од 1900 година, во Трсино имало 660 жители, од кои 150 Македонци христијани, 500 Турци и 10 Роми.[4] По податоците на секретарот на Бугарската егзархија Димитар Мишев („La Macédoine et sa Population Chrétienne“), во 1905 година во селото имало 160 жители Македонци.[5] Според Димитар Гаџанов, во 1916 година во Трсино живееле 300 Турци и 239 Македонци.[6]

Според последниот попис од 2002 година, во селото Трсино живееле 730 жители, од кои 723 Македонци и 7 Турци.[1]

Во табелата во продолжение е прикажано вкупното население и етничка припадност во Трсино:[7]

Години Македонци Турци Срби Ост. Вкупно
1948 857
1953 431 545 1 1 978
1961 579 58 0 0 637
1971 686 6 0 0 692
1981 655 4 0 0 659
1991 699 6 0 0 705
1994 741 8 0 0 749
2002 723 7 0 0 730

* Извор: Државен завод за статистика на Република Македонија (1948-2002), според податоци од официјалните пописи во соодветните години.

Родови[уреди | уреди извор]

Трсино е македонско-турско село.

Според истражувањата од 1959 година, родови во селото се:

  • Турски: Риза (1 к.), Џемо (1 к.), Зија (1 к.), Јусеин (1 к.), Јусни (1 к.), Амдија (1 к.), Шефкија (1 к.), Реџеп (1 к.) и Есад (1 к.) стари доселенички родови. Имало и многу иселени турски родови. И набројаните родови биле големи но се смалиле поради иселување.
  • Македонски:
  • Славчовци (13 к.) доселени се на почетокот од 19ти век. Доселени се од селото Робово кај Пехчево. Ја знаат следната генеологија. Петре (жив на 68 год. во 1959 година) Јован-Пецо-Андон-Славчо, кој се доселил. Славчо имал три синови. Андон, Цоне и Лесо.
  • Максимовци (13 к.) доселени се од селото Криволак во Тиквеш. Од Криволак се иселиле тројца браќа. Максим дошол во Трсино, вториот брат во Драгобраште, а третиот во Крушево. Ја знаат следната генеологија. Гафе (жив на 60 год. во 1959 година) Гоше-Стојан-Максим, кој се доселил во селото.
  • Карганџии (6 к.), Ратковци (6 к.), Заврци (6 к.), Мицовци (5 к.), Шугљевци или Скакарци (5 к.), Стамболисци (3 к.) и Самарџици (3 к.) доселени се од витанска маала.
  • Андоновци (3 к.), Цоневци (2 к.) и Максимовци (1 к.) гранка се од родот Максимовци.
  • Даскалци (3 к.) доселени се од маалото Цинцарите.
  • Лесовци (4 к.), Петревци (3 к.), Беловци (2 к.), Трајановци (2 к.), Шанќевци (1 к.) и Кучковци (1 к.) доселени се од селото Грљани.
  • Бумбарци (2 к.), Петринци (1 к.), Присади (1 к.) и Коларци (1 к.) доселени се од селото Бигла кај Делчево.
  • Витларци (2 к.) доселени се од селото Калиманци.
  • Чучунци (1 к.) доселени се од селото Разловци кај Делчево.[8]

Општествени установи[уреди | уреди извор]

Во селото има основно училиште до четврто одделение, амбуланта и продавница.[2]

Самоуправа и политика[уреди | уреди извор]

Селото влегува во составот на Општина Виница од 1955 година.

Во периодот 1952-1955, селото било дел од тогашната општина Грпани во склоп на Кочанската околија.

Изборно место[уреди | уреди извор]

Во селото постои изборно место бр. 0327 според Државната изборна комисија, кое е сместено во основното училиште.[9]

На локалните избори во 2017 година, на ова изборно место биле запишани вкупно 475 гласачи.[10]

Културни знаменитости[уреди | уреди извор]

Црквата „Св. Троица“
Археолошки локалитети
Цркви


Галерија[уреди | уреди извор]

Иселеништво[уреди | уреди извор]

До 1959 година 100 турски семејства се иселиле во Турција. Во Блатец има иселено неколку македонски семејства.[8]

Поврзано[уреди | уреди извор]

Наводи[уреди | уреди извор]

  1. 1,0 1,1 „Попис на Македонија“ (PDF). Завод за статистика на Македонија. 2002. конс. 22 мај 2018. 
  2. 2,0 2,1 2,2 Панов, Митко (1998) (на македонски). Енциклопедија на селата во Република Македонија: географски, демографски, и аграрни обележја. Скопје: Патрија. стр. 303. 
  3. Македоно-одринското опълчение 1912 – 1913 г. Личен състав, Главно управление на архивите, 2006, стр. 884.
  4. Кънчов, Васил. Македония. Етнография и статистика, София, 1900, стр. 227.
  5. D.M.Brancoff. "La Macédoine et sa Population Chrétienne". Paris, 1905, р. 132-133.
  6. Гаджанов, Димитър Г. Мюсюлманското население в Новоосвободените земи, в: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 242.
  7. Население на Република Македонија според изјаснувањето за етничката припадност, по населени места, според пописите на население во 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). Извор: ДЗС.
  8. 8,0 8,1 Трифуноски, Јован (1970). Кочанска Котлина. Скопје: Универзитетска печатница. 
  9. „Изборна единица 3 — Општина Виница“ (PDF). конс. 22 мај 2018. 
  10. „Локални избори 2017“. конс. 22 мај 2018. 
  11. Освет на камен темелник за изградба на манастирска црква посветена на „Св. вмч. Пантелејмон“ на врвот Чавка, на планината Голак во Делчево

Надворешни врски[уреди | уреди извор]