Калиманци

Од Википедија — слободната енциклопедија
Прејди на прегледникот Прејди на пребарувањето
Калиманци
Калиманци is located in Македонија
Калиманци
Местоположба на Калиманци во Македонија
Координати 41°58′27″N 22°36′59″E / 41.97417° N; 22.61639° E / 41.97417; 22.61639Координати: 41°58′27″N 22°36′59″E / 41.97417° N; 22.61639° E / 41.97417; 22.61639
Регион Источен
Општина Виница
Население 239 жит.
(поп. 2002)
Пошт. бр. 2310
Повик. бр. +38933
Шифра на КО 05009
Надм. вис. 842 м
Калиманци на општинската карта
Калиманци во Општина Виница.svg

Атарот на Калиманци во рамките на општината

Калиманцисело во Општина Виница. Се наоѓа во близина на Калиманското Езеро.

Географиja и местоположба[уреди | уреди извор]

Ова е планинско село на надморска височина од 850 метри и се наога над браната Калимаци, на левата страна над кањонот на реката Брегалница. Од градот Виница е оддалечено 20 километри, а од градот Македонска Каменица — 8 километри.

Историja[уреди | уреди извор]

Во Калимаци меѓу 17 и 24 јули 1913 се водела Битката кај Калиманци.[1]

Демографија[уреди | уреди извор]

Според бугарот К’нчов Калимаци во 1900 година имало 600 жители Македонци[2], од кои 425 биле муслимани а 175 христијани.[3] Во 1971 селото имало 731 жители Македонци. Во 1981 бројот на населенито бил 535 жители, а во 1991, 350 жители. Според пописот од 2002 година во Калиманци живееле 239 жители, Македонци.[4]

Родови[уреди | уреди извор]

Калиманци е македонско село.

Родови во селото: Чаловци (10 к.), Стаменковци (10 к.) Маниловци (7 к.), Каменарци (4 к.) и Мртвачи (4 к.) за Стаменковци се знае дека се доселени од селото Безиково, а останатите родови возможно е да се староседелски; после 1912 година во Калиманци се населиле голем број на македонски жители. Од Безиково се доселиле (27 к.), од Дулица кај Македонска Каменица (27 к.), од Саса кај Македонска Каменица (10 к.), од Грљани (8 к.), од Пресека (6 к.), и од Вратиславци, делчевско (3 к.).[5]

Самоуправа и политика[уреди | уреди извор]

Изборно место[уреди | уреди извор]

Во селото постојат изборните места бр. 321 и 322 според Државната изборна комисија, сместени во основното училиште и месна заедница.[6]

На претседателските избори во 2019 година, на овие изборни места биле запишани вкупно 157 гласачи.[7]

Културни и природни знаменитости[уреди | уреди извор]

Археолошки наоѓалишта

Во селото има голем број археолошки наоѓалишта од римскиот период и средниот век.[8]

  • Велогат — населба од доцноантичкото време. Во непосредната близина на маалото Игнатевци, во нивите на М. Митев се среќаваат фрагменти од керамички садови и градежен материјал, а се забележуваат и темели од објекти.
  • Виничка Скала — населба од доцноантичкото време. На 500‡600 м северозападно од наоѓалиштеот Остовец се констатирани остатоци од објекти, а по површината се среќаваат фрагменти од керамички садови и градежен материјал.
  • Горица — некропола од римското време.
  • Манастириште - Студењак — населба од римското време. На 3 км северно од стариот пат Кочани-Делчево, во нивите на семејствата Зоеви и Илкови се наоѓаат фрагменти од керамички садови и градежен материјал. На почетокот на педесеттите години биле откриени две женски статуи — каријатиди од крупнозрнест мермер кои се чуваат во Заводот и музеј во Штип.
  • Остовец — средновековна црква. Недалеку од Калиманци, на левата страна од стариот пат Кочани-Делчево, на зарамнето плато пошумено со багремови дрвја се наоѓаат остатоци од ѕидови на црква со мали димензии.
  • Русалски Гробишта — некропола и тумул од железното време. На 500 м јужно од училиштето во правецот на Јуручко маало, на терасесто плато се гледаат конструкции од дваесетина гроба распоредени во круг кој формира основа од тумул со пречник од околу 5 м и височина од 0,80 м. Гробовите се градени од камени плочи и се поставени во правците исток-запад и северозапад-југоисток
  • Студењак — населба од доцноантичкото време.
  • Царевец — населба и некропола од римското време. На ниските тераси околу плодното и не многу големо Калиманско Поле, во месностите Кунец, Поревица и Вртен Даб се среќаваат остатоци од градби, а по површината многубројни фрагменти од керамички садови со сива боја. Северозападно од месноста Кунец, на малата височинка Горица е констатирана некропола.
  • Цинцов Рид — населба од римското време. Се наоѓа во Паднато Маало што лежи меѓу наоѓалиштеот Манастириште и патот Кочани-Делчево. Во нивите се среќаваат фрагменти од атипична керамика и од тули со римска форма.

Редовни настани[уреди | уреди извор]

Личности[уреди | уреди извор]

Галерија[уреди | уреди извор]

Литература[уреди | уреди извор]

Наводи[уреди | уреди извор]

  1. Михайлов, Иван. Спомени II. Освободителна борба 1919 - 1924, Льовен, 1965, стр. 718
  2. Како што е општопознато, Македонците во бугарските извори се присвојуваат и водат како Бугари, и покрај признанието дека самите отсекогаш се изјаснувале како Македонци.
  3. Васил Кънчов. „Македония. Етнография и статистика“. София, 1900, стр.229
  4. Државен завод за статистика
  5. Трифуноски, Јован (1970). Кочанска Котлина. Скопје: МАНУ.
  6. „Описи на ИМ“. Посетено на 21 декември 2019.
  7. „Претседателски избори 2019“. Посетено на 21 декември 2019.
  8. Музеј Виница

Надворешни врски[уреди | уреди извор]